| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૭. સુપ્પવાસાસુત્તવણ્ણના
7. Suppavāsāsuttavaṇṇanā
૫૭. સત્તમે પજ્જનિકન્તિ તસ્સ નિગમસ્સ નામં. કોલિયાનન્તિ કોલરાજકુલાનં. આયું ખો પન દત્વાતિ આયુદાનં દત્વા. આયુસ્સ ભાગિની હોતીતિ આયુભાગપટિલાભિની હોતિ, આયું વા ભજનિકા હોતિ, આયુપ્પટિલાભિનીતિ અત્થો. સેસપદેસુપિ એસેવ નયો.
57. Sattame pajjanikanti tassa nigamassa nāmaṃ. Koliyānanti kolarājakulānaṃ. Āyuṃ kho pana datvāti āyudānaṃ datvā. Āyussa bhāginī hotīti āyubhāgapaṭilābhinī hoti, āyuṃ vā bhajanikā hoti, āyuppaṭilābhinīti attho. Sesapadesupi eseva nayo.
રસસા ઉપેતન્તિ રસેન ઉપેતં રસસમ્પન્નં. ઉજ્જુગતેસૂતિ કાયવઙ્કાદિરહિતત્તા ઉજુકમેવ ગતેસુ ખીણાસવેસુ. ચરણૂપપન્નેસૂતિ પઞ્ચદસહિ ચરણધમ્મેહિ સમન્નાગતેસુ. મહગ્ગતેસૂતિ મહત્તં ગતેસુ. ખીણાસવાનઞ્ઞેવેતં નામં. પુઞ્ઞેન પુઞ્ઞં સંસન્દમાનાતિ પુઞ્ઞેન સદ્ધિં પુઞ્ઞં ઘટયમાના. મહપ્ફલા લોકવિદૂન વણ્ણિતાતિ એવરૂપા દાનસઙ્ખાતા દક્ખિણા તિવિધલોકં વિદિતં કત્વા ઠિતત્તા લોકવિદૂનં બુદ્ધાનં વણ્ણિતા, બુદ્ધેહિ પસત્થાતિ અત્થો. યઞ્ઞમનુસ્સરન્તાતિ યઞ્ઞં દાનં અનુસ્સરન્તા. વેદજાતાતિ તુટ્ઠિજાતા.
Rasasā upetanti rasena upetaṃ rasasampannaṃ. Ujjugatesūti kāyavaṅkādirahitattā ujukameva gatesu khīṇāsavesu. Caraṇūpapannesūti pañcadasahi caraṇadhammehi samannāgatesu. Mahaggatesūti mahattaṃ gatesu. Khīṇāsavānaññevetaṃ nāmaṃ. Puññena puññaṃ saṃsandamānāti puññena saddhiṃ puññaṃ ghaṭayamānā. Mahapphalā lokavidūna vaṇṇitāti evarūpā dānasaṅkhātā dakkhiṇā tividhalokaṃ viditaṃ katvā ṭhitattā lokavidūnaṃ buddhānaṃ vaṇṇitā, buddhehi pasatthāti attho. Yaññamanussarantāti yaññaṃ dānaṃ anussarantā. Vedajātāti tuṭṭhijātā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૭. સુપ્પવાસાસુત્તં • 7. Suppavāsāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭-૧૦. સુપ્પવાસાસુત્તાદિવણ્ણના • 7-10. Suppavāsāsuttādivaṇṇanā
