| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
17. ஸுபாரிசரியவக்³கோ³
17. Supāricariyavaggo
1. ஸுபாரிசரியத்தே²ரஅபதா³னங்
1. Supāricariyattheraapadānaṃ
1.
1.
‘‘பது³மோ நாம நாமேன, த்³விபதி³ந்தோ³ நராஸபோ⁴;
‘‘Padumo nāma nāmena, dvipadindo narāsabho;
பவனா அபி⁴னிக்க²ம்ம, த⁴ம்மங் தே³ஸேதி சக்கு²மா.
Pavanā abhinikkhamma, dhammaṃ deseti cakkhumā.
2.
2.
‘‘யக்கா²னங் ஸமயோ ஆஸி, அவிதூ³ரே மஹேஸினோ;
‘‘Yakkhānaṃ samayo āsi, avidūre mahesino;
யேன கிச்சேன ஸம்பத்தா, அஜ்ஜா²பெக்கி²ங்ஸு தாவதே³.
Yena kiccena sampattā, ajjhāpekkhiṃsu tāvade.
3.
3.
‘‘பு³த்³த⁴ஸ்ஸ கி³ரமஞ்ஞாய, அமதஸ்ஸ ச தே³ஸனங்;
‘‘Buddhassa giramaññāya, amatassa ca desanaṃ;
பஸன்னசித்தோ ஸுமனோ, அப்போ²டெத்வா உபட்ட²ஹிங்.
Pasannacitto sumano, apphoṭetvā upaṭṭhahiṃ.
4.
4.
‘‘ஸுசிண்ணஸ்ஸ ப²லங் பஸ்ஸ, உபட்டா²னஸ்ஸ ஸத்து²னோ;
‘‘Suciṇṇassa phalaṃ passa, upaṭṭhānassa satthuno;
திங்ஸகப்பஸஹஸ்ஸேஸு, து³க்³க³திங் நுபபஜ்ஜஹங்.
Tiṃsakappasahassesu, duggatiṃ nupapajjahaṃ.
5.
5.
‘‘ஊனதிங்ஸே கப்பஸதே, ஸமலங்கதனாமகோ;
‘‘Ūnatiṃse kappasate, samalaṅkatanāmako;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
6.
6.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸுபாரிசரியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā supāricariyo thero imā gāthāyo abhāsitthāti.
ஸுபாரிசரியத்தே²ரஸ்ஸாபதா³னங் பட²மங்.
Supāricariyattherassāpadānaṃ paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1. ஸுபாரிசரியத்தே²ரஅபதா³னவண்ணனா • 1. Supāricariyattheraapadānavaṇṇanā
