| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. сунд̣̇арийсуд̇д̇аван̣н̣анаа
8. Sundarīsuttavaṇṇanā
38. адтамз саггад̇од̇иаад̣̇ийнам̣ бад̣̇аанам̣ ад̇т̇о хздтаа ван̣н̣ид̇оязва. асахамаанаад̇и на сахамаанаа, усууяанд̇аад̇и ад̇т̇о. бхигкусан̇гхасса жа саггаарам̣ асахамаанаад̇и самб̣анд̇хо.
38. Aṭṭhame sakkatotiādīnaṃ padānaṃ attho heṭṭhā vaṇṇitoyeva. Asahamānāti na sahamānā, usūyantāti attho. Bhikkhusaṅghassa ca sakkāraṃ asahamānāti sambandho.
сунд̣̇арийд̇и д̇ассаа наамам̣. саа гира д̇асмим̣ гаалз саб̣б̣абариб̣б̣ааж̇игаасу абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа, д̇знзва саа ‘‘сунд̣̇арий’’д̇и бан̃н̃ааяид̇т̇а. саа жа анад̇ийд̇аяоб̣б̣анаа асам̣яад̇асамаажаараава ход̇и, д̇асмаа д̇з сунд̣̇арим̣ бариб̣б̣ааж̇игам̣ баабагаммз уяяож̇зсум̣. д̇з хи ан̃н̃ад̇ид̇т̇ияаа б̣уд̣̇д̇хуббаад̣̇ад̇о бадтааяа саяам̣ хад̇алаабхасаггаараа хздтаа аггосасуд̇д̇аван̣н̣анааяам̣ ааг̇ад̇анаязна бхаг̇авад̇о бхигкусан̇гхасса жа ул̣аарам̣ абаримид̇ам̣ лаабхасаггаарам̣ бавад̇д̇амаанам̣ д̣̇исваа иссаабагад̇аа згад̇о худ̇ваа самманд̇аяим̣су – маяам̣ саман̣асса г̇од̇амасса уббаннагаалад̇о бадтааяа надтаа хад̇алаабхасаггаараа, на но гожи ад̇т̇ибхаавамби ж̇аанаад̇и, гим̣ ниссааяа ну ко лого саман̣з г̇од̇амз абхиббасанно ул̣аарам̣ саггаарасаммаанам̣ убанзд̇ийд̇и? д̇ад̇т̇зго ааха – ‘‘ужжаагулаббасуд̇о асамбхиннааяа махаасаммад̇аббавзн̣ияаа ж̇аад̇о’’д̇и, абаро ‘‘абхиж̇аад̇ияам̣ д̇асса анзгаани ажчарияаани баад̇убхууд̇ааний’’д̇и, ан̃н̃о ‘‘гаалад̣̇звилам̣ ванд̣̇аабзд̇ум̣ убанийд̇асса баад̣̇аа баривад̇д̇ид̇ваа д̇асса ж̇адаасу бад̇идтид̇аа’’д̇и, абаро ‘‘ваббаман̇г̇алагаалз ж̇амб̣ужчааяааяа саяаабид̇асса вийд̇игганд̇зби маж̇жханхигз ж̇амб̣ужчааяаа абаривад̇д̇ид̇ваа тид̇аа’’д̇и, ан̃н̃о ‘‘абхируубо д̣̇ассанийяо баасаад̣̇иго руубасамбад̇д̇ияаа’’д̇и, абаро ‘‘ж̇ин̣н̣аад̇урамад̇абаб̣б̣аж̇ид̇асан̇каад̇анимид̇д̇з д̣̇исваа сам̣взг̇аж̇аад̇о ааг̇ааминам̣ жаггавад̇д̇ираж̇ж̇ам̣ бахааяа баб̣б̣аж̇ид̇о’’д̇и. звам̣ абаримаан̣агаалз самбхад̇ам̣ анан̃н̃асаад̇хааран̣ам̣ бхаг̇авад̇о бун̃н̃ан̃аан̣асамбхаарам̣ уггам̣сабаарамиббад̇д̇ам̣ нирубамам̣ саллзкаббадибад̣̇ам̣ ануд̇д̇аран̃жа н̃аан̣абахаанасамбад̣̇аад̣̇иб̣уд̣̇д̇хаанубхаавам̣ аж̇аананд̇аа ад̇д̇анаа яат̇аад̣̇идтам̣ яат̇аасуд̇ам̣ д̇харамаанам̣ д̇ам̣ д̇ам̣ бхаг̇авад̇о б̣ахумаанагааран̣ам̣ гид̇д̇зд̇ваа аб̣ахумаанагааран̣ам̣ бариязсид̇ваа абассанд̇аа ‘‘гзна ну ко гааран̣зна маяам̣ саман̣асса г̇од̇амасса аяасам̣ уббаад̣̇зд̇ваа лаабхасаггаарам̣ наасзяяаамаа’’д̇и. д̇зсу зго д̇икин̣аманд̇ий звамааха – ‘‘амбхо имасмим̣ сад̇д̇алогз маад̇уг̇аамасукз асад̇д̇асад̇д̇аа наама над̇т̇и, аяан̃жа саман̣о г̇од̇амо абхируубо д̣̇звасамо д̇арун̣о, ад̇д̇ано самаруубам̣ маад̇уг̇аамам̣ лабхид̇ваа саж̇ж̇зяяа. ат̇ааби на саж̇ж̇зяяа, ж̇анасса бана сан̇гияо бхавзяяа, ханд̣̇а маяам̣ сунд̣̇арим̣ бариб̣б̣ааж̇игам̣ д̇ат̇аа уяяож̇зма, яат̇аа саман̣асса г̇од̇амасса аяасо бат̇авияам̣ бад̇т̇арзяяаа’’д̇и.
Sundarīti tassā nāmaṃ. Sā kira tasmiṃ kāle sabbaparibbājikāsu abhirūpā dassanīyā pāsādikā paramāya vaṇṇapokkharatāya samannāgatā, teneva sā ‘‘sundarī’’ti paññāyittha. Sā ca anatītayobbanā asaṃyatasamācārāva hoti, tasmā te sundariṃ paribbājikaṃ pāpakamme uyyojesuṃ. Te hi aññatitthiyā buddhuppādato paṭṭhāya sayaṃ hatalābhasakkārā heṭṭhā akkosasuttavaṇṇanāyaṃ āgatanayena bhagavato bhikkhusaṅghassa ca uḷāraṃ aparimitaṃ lābhasakkāraṃ pavattamānaṃ disvā issāpakatā ekato hutvā sammantayiṃsu – mayaṃ samaṇassa gotamassa uppannakālato paṭṭhāya naṭṭhā hatalābhasakkārā, na no koci atthibhāvampi jānāti, kiṃ nissāya nu kho loko samaṇe gotame abhippasanno uḷāraṃ sakkārasammānaṃ upanetīti? Tattheko āha – ‘‘uccākulappasuto asambhinnāya mahāsammatappaveṇiyā jāto’’ti, aparo ‘‘abhijātiyaṃ tassa anekāni acchariyāni pātubhūtānī’’ti, añño ‘‘kāladevilaṃ vandāpetuṃ upanītassa pādā parivattitvā tassa jaṭāsu patiṭṭhitā’’ti, aparo ‘‘vappamaṅgalakāle jambucchāyāya sayāpitassa vītikkantepi majjhanhike jambucchāyā aparivattitvā ṭhitā’’ti, añño ‘‘abhirūpo dassanīyo pāsādiko rūpasampattiyā’’ti, aparo ‘‘jiṇṇāturamatapabbajitasaṅkhātanimitte disvā saṃvegajāto āgāminaṃ cakkavattirajjaṃ pahāya pabbajito’’ti. Evaṃ aparimāṇakāle sambhataṃ anaññasādhāraṇaṃ bhagavato puññañāṇasambhāraṃ ukkaṃsapāramippattaṃ nirupamaṃ sallekhappaṭipadaṃ anuttarañca ñāṇapahānasampadādibuddhānubhāvaṃ ajānantā attanā yathādiṭṭhaṃ yathāsutaṃ dharamānaṃ taṃ taṃ bhagavato bahumānakāraṇaṃ kittetvā abahumānakāraṇaṃ pariyesitvā apassantā ‘‘kena nu kho kāraṇena mayaṃ samaṇassa gotamassa ayasaṃ uppādetvā lābhasakkāraṃ nāseyyāmā’’ti. Tesu eko tikhiṇamantī evamāha – ‘‘ambho imasmiṃ sattaloke mātugāmasukhe asattasattā nāma natthi, ayañca samaṇo gotamo abhirūpo devasamo taruṇo, attano samarūpaṃ mātugāmaṃ labhitvā sajjeyya. Athāpi na sajjeyya, janassa pana saṅkiyo bhaveyya, handa mayaṃ sundariṃ paribbājikaṃ tathā uyyojema, yathā samaṇassa gotamassa ayaso pathaviyaṃ patthareyyā’’ti.
д̇ам̣ суд̇ваа ид̇арз ‘‘ид̣̇ам̣ судту д̇аяаа жинд̇ид̇ам̣, зван̃хи гад̇з саман̣о г̇од̇амо аяасагзна убад̣̇д̣̇уд̇о сийсам̣ угкибид̇ум̣ асаггонд̇о язна ваа д̇зна ваа балааяиссад̇ий’’д̇и саб̣б̣зва згаж̇жхаасаяаа худ̇ваа д̇ат̇аа уяяож̇зд̇ум̣ сунд̣̇арияаа санд̇игам̣ аг̇амам̣су. саа д̇з д̣̇исваа ‘‘гим̣ д̇умхз згад̇о ааг̇ад̇ад̇т̇аа’’д̇и ааха. д̇ид̇т̇ияаа анаалабанд̇аа аараамабарияанд̇з бадижчаннз таанз нисийд̣̇им̣су. саа д̇ад̇т̇а г̇анд̇ваа бунаббунам̣ аалабанд̇ий бадиважанам̣ алабхид̇ваа гим̣ д̇умхаагам̣ абараж̇жхам̣? гасмаа мз бадиважанам̣ на д̣̇зт̇аад̇и? д̇ат̇аа хи бана д̇вам̣ амхз вихзтияамаанз аж̇жхубзгкасийд̇и . го д̇умхз вихзтзд̇ийд̇и? ‘‘гим̣ бана д̇вам̣ на бассаси, саман̣ам̣ г̇од̇амам̣ амхз вихзтзд̇ваа хад̇алаабхасаггаарз гад̇ваа вижаранд̇а’’нд̇и вад̇ваа ‘‘д̇ад̇т̇а маяаа гим̣ гаад̇аб̣б̣а’’нд̇и вуд̇д̇з ‘‘д̇зна хи д̇вам̣ абхигкан̣ам̣ ж̇зд̇аванасамийбам̣ г̇анд̇ваа махааж̇анасса зван̃жзван̃жа вад̣̇зяяаасий’’д̇и аахам̣су. сааби ‘‘саад̇хуу’’д̇и самбадижчи. д̇зна вуд̇д̇ам̣ – ‘‘ан̃н̃ад̇ид̇т̇ияаа бариб̣б̣ааж̇агаа бхаг̇авад̇о саггаарам̣ асахамаанаа’’д̇иаад̣̇и.
Taṃ sutvā itare ‘‘idaṃ suṭṭhu tayā cintitaṃ, evañhi kate samaṇo gotamo ayasakena upadduto sīsaṃ ukkhipituṃ asakkonto yena vā tena vā palāyissatī’’ti sabbeva ekajjhāsayā hutvā tathā uyyojetuṃ sundariyā santikaṃ agamaṃsu. Sā te disvā ‘‘kiṃ tumhe ekato āgatatthā’’ti āha. Titthiyā anālapantā ārāmapariyante paṭicchanne ṭhāne nisīdiṃsu. Sā tattha gantvā punappunaṃ ālapantī paṭivacanaṃ alabhitvā kiṃ tumhākaṃ aparajjhaṃ? Kasmā me paṭivacanaṃ na dethāti? Tathā hi pana tvaṃ amhe viheṭhiyamāne ajjhupekkhasīti . Ko tumhe viheṭhetīti? ‘‘Kiṃ pana tvaṃ na passasi, samaṇaṃ gotamaṃ amhe viheṭhetvā hatalābhasakkāre katvā vicaranta’’nti vatvā ‘‘tattha mayā kiṃ kātabba’’nti vutte ‘‘tena hi tvaṃ abhikkhaṇaṃ jetavanasamīpaṃ gantvā mahājanassa evañcevañca vadeyyāsī’’ti āhaṃsu. Sāpi ‘‘sādhū’’ti sampaṭicchi. Tena vuttaṃ – ‘‘aññatitthiyā paribbājakā bhagavatosakkāraṃ asahamānā’’tiādi.
д̇ад̇т̇а уссахасийд̇и саггоси. ад̇т̇анд̇и хид̇ам̣ гижжам̣ ваа. гяааханд̇и гим̣ ахам̣. яасмаа д̇з д̇ид̇т̇ияаа д̇ассаа ан̃н̃аад̇агааби самаанаа баб̣б̣аж̇ж̇асамб̣анд̇хамад̇д̇зна сан̇г̇ан̣хид̇ум̣ н̃аад̇агаа вияа худ̇ваа ‘‘уссахаси д̇вам̣ бхаг̇ини н̃аад̇ийнам̣ ад̇т̇ам̣ гаад̇у’’нд̇и аахам̣су. д̇асмаа сааби миг̇ам̣ валли вияа баад̣̇з лаг̇г̇аа ж̇ийвид̇амби мз барижжад̇д̇ам̣ н̃аад̇ийнам̣ ад̇т̇ааяаад̇и ааха.
Tattha ussahasīti sakkosi. Atthanti hitaṃ kiccaṃ vā. Kyāhanti kiṃ ahaṃ. Yasmā te titthiyā tassā aññātakāpi samānā pabbajjasambandhamattena saṅgaṇhituṃ ñātakā viya hutvā ‘‘ussahasi tvaṃ bhagini ñātīnaṃ atthaṃ kātu’’nti āhaṃsu. Tasmā sāpi migaṃ valli viya pāde laggā jīvitampi me pariccattaṃ ñātīnaṃ atthāyāti āha.
д̇зна хийд̇и ‘‘яасмаа д̇вам̣ ‘ж̇ийвид̇амби мз д̇умхаагам̣ ад̇т̇ааяа барижжад̇д̇а’нд̇и вад̣̇аси, д̇ван̃жа батамаваяз тид̇аа абхируубаа собхаг̇г̇аббад̇д̇аа жа, д̇асмаа яат̇аа д̇ам̣ ниссааяа саман̣асса г̇од̇амасса аяасо уббаж̇ж̇иссад̇и, д̇ат̇аа гарзяяаасий’’д̇и вад̇ваа ‘‘абхигкан̣ам̣ ж̇зд̇аванам̣ г̇ажчаахий’’д̇и уяяож̇зсум̣. сааби ко б̣аалаа гагажад̣̇анд̇абанд̇ияаа бубпаавалигийл̣ам̣ гийл̣ид̇угаамаа вияа, бабхиннамад̣̇ам̣ жан̣д̣ахад̇т̇им̣ сон̣д̣ааяа бараамасанд̇ий вияа, налаадзна мажжум̣ г̇ан̣ханд̇ий вияа д̇ид̇т̇ияаанам̣ важанам̣ самбадижчид̇ваа маалааг̇анд̇хавилзбанад̇амб̣ууламукаваасаад̣̇ийни г̇ахзд̇ваа махааж̇анасса сад̇т̇у д̇хаммад̣̇зсанам̣ суд̇ваа наг̇арам̣ бависанагаалз ж̇зд̇аванаабхимукий г̇ажчанд̇ий ‘‘гахам̣ г̇ажчасий’’д̇и жа будтаа ‘‘саман̣асса г̇од̇амасса санд̇игам̣, ахан̃хи д̇зна сад̣̇д̇хим̣ згаг̇анд̇хагудияам̣ васаамий’’д̇и вад̇ваа ан̃н̃ад̇арасмим̣ д̇ид̇т̇ияаараамз васид̇ваа баад̇ова ж̇зд̇аванамаг̇г̇ам̣ од̇арид̇ваа наг̇араабхимукий ааг̇ажчанд̇ий ‘‘гим̣ сунд̣̇ари гахам̣ г̇ад̇аасий’’д̇и жа будтаа ‘‘саман̣зна г̇од̇амзна сад̣̇д̇хим̣ згаг̇анд̇хагудияам̣ васид̇ваа д̇ам̣ гилзсарад̇ияаа рамаабзд̇ваа ааг̇ад̇аамхий’’д̇и вад̣̇ад̇и. д̇зна вуд̇д̇ам̣ – ‘‘звам̣ аяяаад̇и ко сунд̣̇арий бариб̣б̣ааж̇игаа д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бадиссуд̇ваа абхигкан̣ам̣ ж̇зд̇аванам̣ аг̇амаасий’’д̇и.
Tena hīti ‘‘yasmā tvaṃ ‘jīvitampi me tumhākaṃ atthāya pariccatta’nti vadasi, tvañca paṭhamavaye ṭhitā abhirūpā sobhaggappattā ca, tasmā yathā taṃ nissāya samaṇassa gotamassa ayaso uppajjissati, tathā kareyyāsī’’ti vatvā ‘‘abhikkhaṇaṃ jetavanaṃ gacchāhī’’ti uyyojesuṃ. Sāpi kho bālā kakacadantapantiyā pupphāvalikīḷaṃ kīḷitukāmā viya, pabhinnamadaṃ caṇḍahatthiṃ soṇḍāya parāmasantī viya, nalāṭena maccuṃ gaṇhantī viya titthiyānaṃ vacanaṃ sampaṭicchitvā mālāgandhavilepanatambūlamukhavāsādīni gahetvā mahājanassa satthu dhammadesanaṃ sutvā nagaraṃ pavisanakāle jetavanābhimukhī gacchantī ‘‘kahaṃ gacchasī’’ti ca puṭṭhā ‘‘samaṇassa gotamassa santikaṃ, ahañhi tena saddhiṃ ekagandhakuṭiyaṃ vasāmī’’ti vatvā aññatarasmiṃ titthiyārāme vasitvā pātova jetavanamaggaṃ otaritvā nagarābhimukhī āgacchantī ‘‘kiṃ sundari kahaṃ gatāsī’’ti ca puṭṭhā ‘‘samaṇena gotamena saddhiṃ ekagandhakuṭiyaṃ vasitvā taṃ kilesaratiyā ramāpetvā āgatāmhī’’ti vadati. Tena vuttaṃ – ‘‘evaṃ ayyāti kho sundarī paribbājikā tesaṃ aññatitthiyānaṃ paribbājakānaṃ paṭissutvā abhikkhaṇaṃ jetavanaṃ agamāsī’’ti.
д̇ид̇т̇ияаа гад̇ибаахасса ажжаязна д̇худ̇д̇аанам̣ гахаабан̣з д̣̇ад̇ваа ‘‘г̇ажчат̇а, сунд̣̇арим̣ маарзд̇ваа саман̣асса г̇од̇амасса г̇анд̇хагудияаа авид̣̇уурз маалаагажаваранд̇арз нигкибид̇ваа зт̇аа’’д̇и вад̣̇им̣су. д̇з д̇ат̇аа агам̣су. д̇ад̇о д̇ид̇т̇ияаа ‘‘сунд̣̇арим̣ на бассаамаа’’д̇и голаахалам̣ гад̇ваа ран̃н̃о аарожзд̇ваа ‘‘гад̇т̇а бана д̇умхз барисан̇гат̇аа’’д̇и ран̃н̃аа вуд̇д̇аа имзсу д̣̇ивасзсу ж̇зд̇аванз васад̇и, д̇ад̇т̇ассаа бавад̇д̇им̣ на ж̇аанаамаад̇и. ‘‘д̇зна хи г̇ажчат̇а, нам̣ д̇ад̇т̇а вижинат̇аа’’д̇и ран̃н̃аа анун̃н̃аад̇аа ад̇д̇ано убадтаагз г̇ахзд̇ваа ж̇зд̇аванам̣ г̇анд̇ваа вижинанд̇аа вияа худ̇ваа маалаагажаварам̣ б̣яуухид̇ваа д̇ассаа сарийрам̣ ман̃жагам̣ ааробзд̇ваа наг̇арам̣ бавзсзд̇ваа ‘‘саман̣асса г̇од̇амасса саавагаа ‘сад̇т̇унаа гад̇ам̣ баабагаммам̣ бадижчаад̣̇зссаамаа’д̇и сунд̣̇арим̣ маарзд̇ваа маалаагажаваранд̇арз нигкибим̣суу’’д̇и ран̃н̃о аарожзсум̣. рааж̇ааби анубабаригкид̇ваа ‘‘д̇зна хи г̇ажчат̇а, наг̇арам̣ аахин̣д̣ат̇аа’’д̇и ааха. д̇з наг̇аравийт̇ийсу ‘‘бассат̇а саман̣аанам̣ сагяабуд̇д̇ияаанам̣ гамма’’нд̇иаад̣̇ийни вад̣̇анд̇аа вижарид̇ваа буна ран̃н̃о нивзсанад̣̇ваарам̣ аг̇амам̣су. рааж̇аа сунд̣̇арияаа сарийрам̣ аамагасусаанз аддагам̣ ааробзд̇ваа рагкаабзси. саавад̇т̇иваасино табзд̇ваа арияасаавагз язбхуяязна ‘‘бассат̇а саман̣аанам̣ сагяабуд̇д̇ияаанам̣ гамма’’нд̇иаад̣̇ийни вад̇ваа анд̇онаг̇арз б̣ахинаг̇арз жа бхигкуу аггосанд̇аа вижарим̣су. д̇зна вуд̇д̇ам̣ – ‘‘яад̣̇аа д̇з ан̃н̃им̣су д̇ид̇т̇ияаа бариб̣б̣ааж̇агаа ‘вод̣̇идтаа ко сунд̣̇арий’’’д̇иаад̣̇и.
Titthiyā katipāhassa accayena dhuttānaṃ kahāpaṇe datvā ‘‘gacchatha, sundariṃ māretvā samaṇassa gotamassa gandhakuṭiyā avidūre mālākacavarantare nikkhipitvā ethā’’ti vadiṃsu. Te tathā akaṃsu. Tato titthiyā ‘‘sundariṃ na passāmā’’ti kolāhalaṃ katvā rañño ārocetvā ‘‘kattha pana tumhe parisaṅkathā’’ti raññā vuttā imesu divasesu jetavane vasati, tatthassā pavattiṃ na jānāmāti. ‘‘Tena hi gacchatha, naṃ tattha vicinathā’’ti raññā anuññātā attano upaṭṭhāke gahetvā jetavanaṃ gantvā vicinantā viya hutvā mālākacavaraṃ byūhitvā tassā sarīraṃ mañcakaṃ āropetvā nagaraṃ pavesetvā ‘‘samaṇassa gotamassa sāvakā ‘satthunā kataṃ pāpakammaṃ paṭicchādessāmā’ti sundariṃ māretvā mālākacavarantare nikkhipiṃsū’’ti rañño ārocesuṃ. Rājāpi anupaparikkhitvā ‘‘tena hi gacchatha, nagaraṃ āhiṇḍathā’’ti āha. Te nagaravīthīsu ‘‘passatha samaṇānaṃ sakyaputtiyānaṃ kamma’’ntiādīni vadantā vicaritvā puna rañño nivesanadvāraṃ agamaṃsu. Rājā sundariyā sarīraṃ āmakasusāne aṭṭakaṃ āropetvā rakkhāpesi. Sāvatthivāsino ṭhapetvā ariyasāvake yebhuyyena ‘‘passatha samaṇānaṃ sakyaputtiyānaṃ kamma’’ntiādīni vatvā antonagare bahinagare ca bhikkhū akkosantā vicariṃsu. Tena vuttaṃ – ‘‘yadā te aññiṃsu titthiyā paribbājakā ‘vodiṭṭhā kho sundarī’’’tiādi.
д̇ад̇т̇а ан̃н̃им̣сууд̇и ж̇ааним̣су. вод̣̇идтаад̇и б̣яабад̣̇идтаа, ж̇зд̇аванам̣ ааг̇ажчанд̇ий жа г̇ажчанд̇ий жа висзсад̇о д̣̇идтаа, б̣ахулам̣ д̣̇идтаад̇и ад̇т̇о. барикаагуубзд̇и д̣̇ийгхигааваадз . яаа саа, махаарааж̇а, сунд̣̇арийд̇и, махаарааж̇а, яаа саа имасмим̣ наг̇арз руубасунд̣̇арад̇ааяа ‘‘сунд̣̇арий’’д̇и баагадаа абхин̃н̃аад̇аа бариб̣б̣ааж̇игаа. саа но на д̣̇иссад̇ийд̇и саа амхаагам̣ жагку вияа ж̇ийвид̇ам̣ вияа жа бияааяид̇аб̣б̣аа, ид̣̇аани на д̣̇иссад̇и. яат̇аанигкид̇д̇анд̇и бурисз аан̣аабзд̇ваа маалаагажаваранд̇арз ад̇д̇анаа яат̇аатабид̇ам̣. ‘‘яат̇ааникаад̇а’’нд̇иби баато, бат̇авияам̣ никаад̇аббагааранд̇и ад̇т̇о.
Tattha aññiṃsūti jāniṃsu. Vodiṭṭhāti byapadiṭṭhā, jetavanaṃ āgacchantī ca gacchantī ca visesato diṭṭhā, bahulaṃ diṭṭhāti attho. Parikhākūpeti dīghikāvāṭe . Yā sā, mahārāja, sundarīti, mahārāja, yā sā imasmiṃ nagare rūpasundaratāya ‘‘sundarī’’ti pākaṭā abhiññātā paribbājikā. Sā no na dissatīti sā amhākaṃ cakkhu viya jīvitaṃ viya ca piyāyitabbā, idāni na dissati. Yathānikkhittanti purise āṇāpetvā mālākacavarantare attanā yathāṭhapitaṃ. ‘‘Yathānikhāta’’ntipi pāṭho, pathaviyaṃ nikhātappakāranti attho.
рат̇ияааяа рат̇ияанд̇и вийт̇ид̇о вийт̇им̣. вийт̇ийд̇и хи винивиж̇жханагаражчаа. син̇гхаадаганд̇и д̇игон̣аражчаа. алаж̇ж̇инод̇и на лаж̇ж̇ино, баабаж̇иг̇ужчаавирахид̇аад̇и ад̇т̇о. д̣̇уссийлаад̇и ниссийлаа. баабад̇хаммаад̇и лаамагасабхааваа нихийнаажаараа. мусааваад̣̇инод̇и д̣̇уссийлаа самаанаа ‘‘сийлаванд̇о маяа’’нд̇и алигаваад̣̇ид̇ааяа мусааваад̣̇ино. аб̣рахмажааринод̇и ‘‘мзт̇унаббадисзвид̇ааяа асздтажаарино имз хи наамаа’’д̇и хийл̣знд̇аа вад̣̇анд̇и. д̇хаммажааринод̇и гусалад̇хаммажаарино. самажааринод̇и гааяагаммаад̣̇исамажаарино. галяаан̣ад̇хаммаад̇и сунд̣̇арасабхааваа, бадиж̇ааниссанд̇и наамаад̇и самб̣анд̇хо. наамасад̣̇д̣̇аяог̇зна хи зд̇т̇а бадиж̇ааниссанд̇ийд̇и анааг̇ад̇агаалаважанам̣. сааман̃н̃анд̇и саман̣абхааво самид̇абаабад̇аа. б̣рахман̃н̃анд̇и сздтабхааво б̣аахид̇абаабад̇аа. гуд̇од̇и гзна гааран̣зна. абаг̇ад̇аад̇и абзд̇аа барибхадтаа. бурисагижжанд̇и мзт̇унаббадисзванам̣ санд̇хааяа вад̣̇анд̇и.
Rathiyāya rathiyanti vīthito vīthiṃ. Vīthīti hi vinivijjhanakaracchā. Siṅghāṭakanti tikoṇaracchā. Alajjinoti na lajjino, pāpajigucchāvirahitāti attho. Dussīlāti nissīlā. Pāpadhammāti lāmakasabhāvā nihīnācārā. Musāvādinoti dussīlā samānā ‘‘sīlavanto maya’’nti alikavāditāya musāvādino. Abrahmacārinoti ‘‘methunappaṭisevitāya aseṭṭhacārino ime hi nāmā’’ti hīḷentā vadanti. Dhammacārinoti kusaladhammacārino. Samacārinoti kāyakammādisamacārino. Kalyāṇadhammāti sundarasabhāvā, paṭijānissanti nāmāti sambandho. Nāmasaddayogena hi ettha paṭijānissantīti anāgatakālavacanaṃ. Sāmaññanti samaṇabhāvo samitapāpatā. Brahmaññanti seṭṭhabhāvo bāhitapāpatā. Kutoti kena kāraṇena. Apagatāti apetā paribhaṭṭhā. Purisakiccanti methunappaṭisevanaṃ sandhāya vadanti.
ат̇а бхигкуу д̇ам̣ бавад̇д̇им̣ бхаг̇авад̇о аарожзсум̣. сад̇т̇аа ‘‘д̇зна хи, бхигкавз, д̇умхзби д̇з мануссз имааяа г̇аат̇ааяа бадижод̣̇зт̇аа’’д̇и вад̇ваа ‘‘абхууд̇аваад̣̇ий’’д̇и г̇аат̇амааха. д̇ам̣ санд̇хааяа вуд̇д̇ам̣ – ‘‘ат̇а ко самб̣ахулаа…бз… нихийнагаммаа мануж̇аа барад̇т̇аа’’д̇и. д̇ад̇т̇а нзсо, бхигкавз, сад̣̇д̣̇о жирам̣ бхависсад̇ийд̇и ид̣̇ам̣ сад̇т̇аа д̇асса аяасасса нибпад̇д̇им̣ саб̣б̣ан̃н̃уд̇ан̃н̃аан̣зна ж̇аанид̇ваа бхигкуу самассаасзнд̇о ааха.
Atha bhikkhū taṃ pavattiṃ bhagavato ārocesuṃ. Satthā ‘‘tena hi, bhikkhave, tumhepi te manusse imāya gāthāya paṭicodethā’’ti vatvā ‘‘abhūtavādī’’ti gāthamāha. Taṃ sandhāya vuttaṃ – ‘‘atha kho sambahulā…pe… nihīnakammā manujā paratthā’’ti. Tattha neso, bhikkhave, saddo ciraṃbhavissatīti idaṃ satthā tassa ayasassa nipphattiṃ sabbaññutaññāṇena jānitvā bhikkhū samassāsento āha.
г̇аат̇ааяам̣ абхууд̇аваад̣̇ийд̇и барасса д̣̇осам̣ ад̣̇исваава мусааваад̣̇ам̣ гад̇ваа абхууд̇зна ад̇ажчзна барам̣ аб̣бхаажигканд̇о. яо вааби гад̇ваад̇и яо ваа бана баабагаммам̣ гад̇ваа ‘‘наахам̣ зд̇ам̣ гаромий’’д̇и ааха. бзжжа самаа бхаванд̇ийд̇и д̇з убхоби ж̇анаа ид̇о баралогам̣ г̇анд̇ваа нираяуубаг̇аманзна г̇ад̇ияаа самаа бхаванд̇и. г̇ад̇иязва хи нзсам̣ барижчиннаа, ааяуу бана абарижчиннаа. б̣ахуган̃хи баабам̣ гад̇ваа жирам̣ нираяз бажжад̇и, барид̇д̇агам̣ гад̇ваа аббамад̇д̇агамзва гаалам̣ бажжад̇и. яасмаа бана нзсам̣ убхиннамби лаамагамзва гаммам̣, д̇зна вуд̇д̇ам̣ – нихийнагаммаа мануж̇аа барад̇т̇аад̇и. ‘‘барад̇т̇аа’’д̇и имасса бана бад̣̇асса бурад̇о ‘‘бзжжаа’’д̇ибад̣̇зна самб̣анд̇хо, бзжжа барад̇т̇а ид̇о г̇анд̇ваа д̇з нихийнагаммаа баралогз самаа бхаванд̇ийд̇и ад̇т̇о.
Gāthāyaṃ abhūtavādīti parassa dosaṃ adisvāva musāvādaṃ katvā abhūtena atacchena paraṃ abbhācikkhanto. Yo vāpi katvāti yo vā pana pāpakammaṃ katvā ‘‘nāhaṃ etaṃ karomī’’ti āha. Pecca samā bhavantīti te ubhopi janā ito paralokaṃ gantvā nirayūpagamanena gatiyā samā bhavanti. Gatiyeva hi nesaṃ paricchinnā, āyū pana aparicchinnā. Bahukañhi pāpaṃ katvā ciraṃ niraye paccati, parittakaṃ katvā appamattakameva kālaṃ paccati. Yasmā pana nesaṃ ubhinnampi lāmakameva kammaṃ, tena vuttaṃ – nihīnakammā manujā paratthāti. ‘‘Paratthā’’ti imassa pana padassa purato ‘‘peccā’’tipadena sambandho, pecca parattha ito gantvā te nihīnakammā paraloke samā bhavantīti attho.
барияаабун̣ид̇ваад̇и уг̇г̇ахзд̇ваа. агаарагаад̇и абараад̇хасса на гаарагаа. наяимзхи гад̇анд̇и звам̣ гира нзсамахоси – имзхи саман̣зхи сагяабуд̇д̇иязхи ад̣̇д̇хаа д̇ам̣ баабагаммам̣ на гад̇ам̣, яам̣ ан̃н̃ад̇ид̇т̇ияаа уг̇гхосид̇ваа сагаланаг̇арам̣ аахин̣д̣им̣су, яасмаа имз амхзсу звам̣ асаб̣бхаахи парусаахи ваажаахи аб̣бхаажигканд̇зсуби на гин̃жи вигаарам̣ д̣̇ассзнд̇и, канд̇исоражжан̃жа на виж̇аханд̇и, гзвалам̣ бана ‘‘абхууд̇аваад̣̇ий нираяам̣ убзд̇ий’’д̇и д̇хаммам̣язва вад̣̇анд̇аа сабанд̇иязва, имз саман̣аа сагяабуд̇д̇ияаа амхз анубад̇хаарзд̇ваа аб̣бхаажигканд̇з сабанд̇и, сабат̇ам̣ гаронд̇аа вияа вад̣̇анд̇и . ат̇а ваа ‘‘яо вааби гад̇ваа ‘на гароми’ жаахаа’’д̇и вад̣̇анд̇аа сабанд̇и, ад̇д̇ано агаарагабхаавам̣ б̣од̇хзд̇ум̣ амхаагам̣ сабат̇ам̣ гаронд̇и имзд̇и ад̇т̇о.
Pariyāpuṇitvāti uggahetvā. Akārakāti aparādhassa na kārakā. Nayimehi katanti evaṃ kira nesamahosi – imehi samaṇehi sakyaputtiyehi addhā taṃ pāpakammaṃ na kataṃ, yaṃ aññatitthiyā ugghositvā sakalanagaraṃ āhiṇḍiṃsu, yasmā ime amhesu evaṃ asabbhāhi pharusāhi vācāhi abbhācikkhantesupi na kiñci vikāraṃ dassenti, khantisoraccañca na vijahanti, kevalaṃ pana ‘‘abhūtavādī nirayaṃ upetī’’ti dhammaṃyeva vadantā sapantiyeva, ime samaṇā sakyaputtiyā amhe anupadhāretvā abbhācikkhante sapanti, sapathaṃ karontā viya vadanti . Atha vā ‘‘yo vāpi katvā ‘na karomi’ cāhā’’ti vadantā sapanti, attano akārakabhāvaṃ bodhetuṃ amhākaṃ sapathaṃ karonti imeti attho.
д̇зсан̃хи мануссаанам̣ бхаг̇авад̇аа бхаасид̇аг̇аат̇ааяа саванасамананд̇арамзва б̣уд̣̇д̇хаанубхаавзна саараж̇ж̇ам̣ оггами, сам̣взг̇о уббаж̇ж̇и ‘‘наяид̣̇ам̣ амхзхи бажжагкад̇о д̣̇идтам̣, суд̇ам̣ наама д̇ат̇ааби ход̇и, ан̃н̃ат̇ааби ход̇и, зд̇з жа ан̃н̃ад̇ид̇т̇ияаа имзсам̣ анад̇т̇агаамаа ахид̇агаамаа, д̇асмаа д̇з сад̣̇д̇хааяа наяид̣̇ам̣ амхзхи вад̇д̇аб̣б̣ам̣, д̣̇уж̇ж̇аанаа хи саман̣аа’’д̇и. д̇з д̇ад̇о бадтааяа д̇ад̇о орамим̣су.
Tesañhi manussānaṃ bhagavatā bhāsitagāthāya savanasamanantarameva buddhānubhāvena sārajjaṃ okkami, saṃvego uppajji ‘‘nayidaṃ amhehi paccakkhato diṭṭhaṃ, sutaṃ nāma tathāpi hoti, aññathāpi hoti, ete ca aññatitthiyā imesaṃ anatthakāmā ahitakāmā, tasmā te saddhāya nayidaṃ amhehi vattabbaṃ, dujjānā hi samaṇā’’ti. Te tato paṭṭhāya tato oramiṃsu.
рааж̇ааби язхи сунд̣̇арий маарид̇аа, д̇зсам̣ ж̇аананад̇т̇ам̣ бурисз аан̣аабзси. ат̇а д̇з д̇худ̇д̇аа д̇зхи гахаабан̣зхи сурам̣ биванд̇аа ан̃н̃аман̃н̃ам̣ галахам̣ гарим̣су. д̇зсу хи зго згам̣ ааха – ‘‘д̇вам̣ сунд̣̇арим̣ згаббахаарзна маарзд̇ваа маалаагажаваранд̇арз кибид̇ваа д̇ад̇о лад̣̇д̇хагахаабан̣зхи сурам̣ биваси, ход̇у ход̇уу’’д̇и. рааж̇абурисаа д̇ам̣ суд̇ваа д̇з д̇худ̇д̇з г̇ахзд̇ваа ран̃н̃о д̣̇ассзсум̣. рааж̇аа ‘‘д̇умхзхи саа маарид̇аа’’д̇и д̇з д̇худ̇д̇з бужчи. ‘‘аама, д̣̇зваа’’д̇и. ‘‘гзхи маараабид̇аа’’д̇и? ‘‘ан̃н̃ад̇ид̇т̇иязхи, д̣̇зваа’’д̇и. рааж̇аа д̇ид̇т̇ияз баггосаабзд̇ваа д̇амад̇т̇ам̣ бадиж̇аанаабзд̇ваа, ‘‘аяам̣ сунд̣̇арий д̇асса саман̣асса г̇од̇амасса аван̣н̣ам̣ ааробзд̇угаамзхи амхзхи маараабид̇аа, нзва г̇од̇амасса, на г̇од̇амасаавагаанам̣ д̣̇осо ад̇т̇и, амхаагамзва д̣̇осод̇и звам̣ вад̣̇анд̇аа наг̇арам̣ аахин̣д̣ат̇аа’’д̇и аан̣аабзси. д̇з д̇ат̇аа агам̣су. махааж̇ано саммад̣̇зва сад̣̇д̣̇ахи. д̇ид̇т̇ияаанам̣ д̇хиггаарам̣ агааси, д̇ид̇т̇ияаа мануссавад̇хад̣̇ан̣д̣ам̣ баабун̣им̣су. д̇ад̇о бадтааяа б̣уд̣̇д̇хасса бхигкусан̇гхасса жа бхияяосомад̇д̇ааяа саггаарасаммаано махаа ахоси. бхигкуу ажчарияаб̣бхуд̇ажид̇д̇аж̇аад̇аа бхаг̇аванд̇ам̣ абхиваад̣̇зд̇ваа ад̇д̇аманаа бадивзд̣̇зсум̣. д̇зна вуд̇д̇ам̣ – ‘‘ат̇а ко самб̣ахулаа бхигкуу…бз… анд̇арахид̇о со, бханд̇з, сад̣̇д̣̇о’’д̇и.
Rājāpi yehi sundarī māritā, tesaṃ jānanatthaṃ purise āṇāpesi. Atha te dhuttā tehi kahāpaṇehi suraṃ pivantā aññamaññaṃ kalahaṃ kariṃsu. Tesu hi eko ekaṃ āha – ‘‘tvaṃ sundariṃ ekappahārena māretvā mālākacavarantare khipitvā tato laddhakahāpaṇehi suraṃ pivasi, hotu hotū’’ti. Rājapurisā taṃ sutvā te dhutte gahetvā rañño dassesuṃ. Rājā ‘‘tumhehi sā māritā’’ti te dhutte pucchi. ‘‘Āma, devā’’ti. ‘‘Kehi mārāpitā’’ti? ‘‘Aññatitthiyehi, devā’’ti. Rājā titthiye pakkosāpetvā tamatthaṃ paṭijānāpetvā, ‘‘ayaṃ sundarī tassa samaṇassa gotamassa avaṇṇaṃ āropetukāmehi amhehi mārāpitā, neva gotamassa, na gotamasāvakānaṃ doso atthi, amhākameva dosoti evaṃ vadantā nagaraṃ āhiṇḍathā’’ti āṇāpesi. Te tathā akaṃsu. Mahājano sammadeva saddahi. Titthiyānaṃ dhikkāraṃ akāsi, titthiyā manussavadhadaṇḍaṃ pāpuṇiṃsu. Tato paṭṭhāya buddhassa bhikkhusaṅghassa ca bhiyyosomattāya sakkārasammāno mahā ahosi. Bhikkhū acchariyabbhutacittajātā bhagavantaṃ abhivādetvā attamanā paṭivedesuṃ. Tena vuttaṃ – ‘‘atha kho sambahulā bhikkhū…pe… antarahito so, bhante, saddo’’ti.
гасмаа бана бхаг̇аваа ‘‘д̇ид̇т̇ияаанам̣ ид̣̇ам̣ гамма’’нд̇и бхигкуунам̣ наарожзси? арияаанам̣ д̇аава аарожанзна баяож̇анам̣ над̇т̇и, бут̇уж̇ж̇анзсу бана ‘‘яз на сад̣̇д̣̇ахзяяум̣, д̇зсам̣ д̇ам̣ д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇зяяаа’’д̇и наарожзси. абижзд̇ам̣ б̣уд̣̇д̇хаанам̣ анаажин̣н̣ам̣, яам̣ анааг̇ад̇асса ийд̣̇исасса вад̇т̇усса аажигканам̣. бараануд̣̇д̣̇зсигамзва хи бхаг̇аваа сам̣гилзсабагкам̣ вибхаавзд̇и , гамман̃жа гад̇огаасам̣ на саггаа нивад̇д̇зд̇унд̇и аб̣бхагкаанам̣ д̇аннимид̇д̇ан̃жа бхаг̇аваа аж̇жхубзгканд̇о нисийд̣̇и. вуд̇д̇ан̃хзд̇ам̣ –
Kasmā pana bhagavā ‘‘titthiyānaṃ idaṃ kamma’’nti bhikkhūnaṃ nārocesi? Ariyānaṃ tāva ārocanena payojanaṃ natthi, puthujjanesu pana ‘‘ye na saddaheyyuṃ, tesaṃ taṃ dīgharattaṃ ahitāya dukkhāya saṃvatteyyā’’ti nārocesi. Apicetaṃ buddhānaṃ anāciṇṇaṃ, yaṃ anāgatassa īdisassa vatthussa ācikkhanaṃ. Parānuddesikameva hi bhagavā saṃkilesapakkhaṃ vibhāveti , kammañca katokāsaṃ na sakkā nivattetunti abbhakkhānaṃ tannimittañca bhagavā ajjhupekkhanto nisīdi. Vuttañhetaṃ –
‘‘на анд̇алигкз на самуд̣̇д̣̇амаж̇жхз,
‘‘Na antalikkhe na samuddamajjhe,
на баб̣б̣ад̇аанам̣ виварам̣ бависса;
Na pabbatānaṃ vivaraṃ pavissa;
на виж̇ж̇ад̇ий со ж̇аг̇ад̇иббад̣̇зсо,
Na vijjatī so jagatippadeso,
яад̇т̇адтид̇о мужжзяяа баабагаммаа’’д̇и. (д̇ха. ба. 127; ми. ба. 4.2.4);
Yatthaṭṭhito mucceyya pāpakammā’’ti. (dha. pa. 127; mi. pa. 4.2.4);
зд̇амад̇т̇ам̣ вид̣̇ид̇ваад̇и маммажчзд̣̇анавасзнааби б̣аалаж̇анзхи бавад̇д̇ид̇ам̣ д̣̇уруд̇д̇аважанам̣ канд̇иб̣аласаманнааг̇ад̇асса д̇хийрасса д̣̇уд̇д̇ид̇игкаа наама над̇т̇ийд̇и имамад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и имам̣ ад̇хиваасанаканд̇иб̣алавибхааванам̣ уд̣̇аанам̣ уд̣̇аанзси.
Etamatthaṃ viditvāti mammacchedanavasenāpi bālajanehi pavattitaṃ duruttavacanaṃ khantibalasamannāgatassa dhīrassa duttitikkhā nāma natthīti imamatthaṃ sabbākārato viditvā. Imaṃ udānanti imaṃ adhivāsanakhantibalavibhāvanaṃ udānaṃ udānesi.
д̇ад̇т̇а д̇уд̣̇анд̇и ваажааяа ж̇анаа асан̃н̃ад̇аа, сарзхи сан̇г̇аамаг̇ад̇ам̣ва гун̃ж̇аранд̇и гааяигасам̣вараад̣̇ийсу гассажиби сам̣варасса абхаавзна асам̣яад̇аа авинийд̇аа б̣аалаж̇анаа сарзхи сааяагзхи сан̇г̇аамаг̇ад̇ам̣ яуд̣̇д̇хаг̇ад̇ам̣ гун̃ж̇арам̣ва хад̇т̇инааг̇ам̣ бадияод̇хаа вияа ваажаасад̇д̇ийхи д̇уд̣̇анд̇и виж̇жханд̇и, аяам̣ д̇зсам̣ сабхааво . суд̇ваана ваагяам̣ парусам̣ уд̣̇ийрид̇ам̣, ад̇хиваасаяз бхигку ад̣̇удтажид̇д̇од̇и д̇ам̣ бана д̇зхи б̣аалаж̇анзхи уд̣̇ийрид̇ам̣ бхаасид̇ам̣ маммагхадданавасзна бавад̇д̇ид̇ам̣ парусам̣ ваагяам̣ важанам̣ абхууд̇ам̣ бхууд̇ад̇о ниб̣б̣зтзнд̇о мама гагажуубамаоваад̣̇ам̣ (ма. ни. 1.222 аад̣̇аяо) ануссаранд̇о ийсагамби ад̣̇удтажид̇д̇о худ̇ваа ‘‘сам̣саарасабхааво зсо’’д̇и сам̣саарз бхаяам̣ игкан̣асийло бхигку ад̇хиваасаяз, ад̇хиваасанаканд̇ияам̣ тад̇ваа камзяяаад̇и ад̇т̇о.
Tattha tudanti vācāya janā asaññatā, sarehi saṅgāmagataṃvakuñjaranti kāyikasaṃvarādīsu kassacipi saṃvarassa abhāvena asaṃyatā avinītā bālajanā sarehi sāyakehi saṅgāmagataṃ yuddhagataṃ kuñjaraṃva hatthināgaṃ paṭiyodhā viya vācāsattīhi tudanti vijjhanti, ayaṃ tesaṃ sabhāvo . Sutvāna vākyaṃ pharusaṃ udīritaṃ, adhivāsaye bhikkhu aduṭṭhacittoti taṃ pana tehi bālajanehi udīritaṃ bhāsitaṃ mammaghaṭṭanavasena pavattitaṃ pharusaṃ vākyaṃ vacanaṃ abhūtaṃ bhūtato nibbeṭhento mama kakacūpamaovādaṃ (ma. ni. 1.222 ādayo) anussaranto īsakampi aduṭṭhacitto hutvā ‘‘saṃsārasabhāvo eso’’ti saṃsāre bhayaṃ ikkhaṇasīlo bhikkhu adhivāsaye, adhivāsanakhantiyaṃ ṭhatvā khameyyāti attho.
зд̇т̇ааха – гим̣ бана д̇ам̣ гаммам̣, яам̣ абаримаан̣агаалам̣ саггажжам̣ убажид̇авибулабун̃н̃асамбхааро сад̇т̇аа звам̣ д̣̇аарун̣ам̣ абхууд̇аб̣бхагкаанам̣ баабун̣ийд̇и? вужжад̇з – аяам̣ со бхаг̇аваа б̣од̇хисад̇д̇абхууд̇о ад̇ийд̇аж̇аад̇ияам̣ мунаал̣и наама д̇худ̇д̇о худ̇ваа баабаж̇анасзвий аяонисоманасигаараб̣ахуло вижарад̇и. со згад̣̇ивасам̣ сурабхим̣ наама бажжзгасамб̣уд̣̇д̇хам̣ наг̇арам̣ бин̣д̣ааяа бависид̇ум̣ жийварам̣ баарубанд̇ам̣ басси. д̇асмин̃жа самаяз ан̃н̃ад̇араа ид̇т̇ий д̇асса авид̣̇уурзна г̇ажчад̇и. д̇худ̇д̇о ‘‘аб̣рахмажаарий аяам̣ саман̣о’’д̇и аб̣бхаажигки. со д̇зна гаммзна б̣ахууни вассасад̇асахассаани нираяз бажжид̇ваа д̇ассзва гаммасса вибаагаавасзсзна ид̣̇аани б̣уд̣̇д̇хо худ̇вааби сунд̣̇арияаа гааран̣аа абхууд̇аб̣бхагкаанам̣ баабун̣и. яат̇аа жзд̇ам̣, звам̣ жин̃жамаан̣авигаад̣̇ийнам̣ вигаарагид̇т̇ийнам̣ бхаг̇авад̇о аб̣бхагкаанаад̣̇ийни д̣̇угкаани бад̇д̇аани, саб̣б̣аани буб̣б̣з гад̇асса гаммасса вибаагаавасзсаани, яаани ‘‘гаммабилод̇игааний’’д̇и вужжанд̇и. вуд̇д̇ан̃хзд̇ам̣ абад̣̇аанз (аба. т̇зра 1.39.64-96) –
Etthāha – kiṃ pana taṃ kammaṃ, yaṃ aparimāṇakālaṃ sakkaccaṃ upacitavipulapuññasambhāro satthā evaṃ dāruṇaṃ abhūtabbhakkhānaṃ pāpuṇīti? Vuccate – ayaṃ so bhagavā bodhisattabhūto atītajātiyaṃ munāḷi nāma dhutto hutvā pāpajanasevī ayonisomanasikārabahulo vicarati. So ekadivasaṃ surabhiṃ nāma paccekasambuddhaṃ nagaraṃ piṇḍāya pavisituṃ cīvaraṃ pārupantaṃ passi. Tasmiñca samaye aññatarā itthī tassa avidūrena gacchati. Dhutto ‘‘abrahmacārī ayaṃ samaṇo’’ti abbhācikkhi. So tena kammena bahūni vassasatasahassāni niraye paccitvā tasseva kammassa vipākāvasesena idāni buddho hutvāpi sundariyā kāraṇā abhūtabbhakkhānaṃ pāpuṇi. Yathā cetaṃ, evaṃ ciñcamāṇavikādīnaṃ vikārakitthīnaṃ bhagavato abbhakkhānādīni dukkhāni pattāni, sabbāni pubbe katassa kammassa vipākāvasesāni, yāni ‘‘kammapilotikānī’’ti vuccanti. Vuttañhetaṃ apadāne (apa. thera 1.39.64-96) –
‘‘анод̇ад̇д̇асараасаннз, раман̣ийяз силаад̇алз;
‘‘Anotattasarāsanne, ramaṇīye silātale;
наанаарад̇анабаж̇ж̇од̇з, наанааг̇анд̇хавананд̇арз.
Nānāratanapajjote, nānāgandhavanantare.
‘‘махад̇аа бхигкусан̇гхзна, барзд̇о логанааяаго;
‘‘Mahatā bhikkhusaṅghena, pareto lokanāyako;
аасийно б̣яаагарий д̇ад̇т̇а, буб̣б̣агаммаани ад̇д̇ано.
Āsīno byākarī tattha, pubbakammāni attano.
‘‘сун̣аат̇а бхигкаво маяхам̣, яам̣ гаммам̣ багад̇ам̣ маяаа;
‘‘Suṇātha bhikkhavo mayhaṃ, yaṃ kammaṃ pakataṃ mayā;
билод̇игасса гаммасса, б̣уд̣̇д̇хад̇д̇зби вибажжад̇и.
Pilotikassa kammassa, buddhattepi vipaccati.
1.
1.
‘‘мунаал̣и наамахам̣ д̇худ̇д̇о, буб̣б̣з ан̃н̃аасу ж̇аад̇ису;
‘‘Munāḷi nāmahaṃ dhutto, pubbe aññāsu jātisu;
бажжзгаб̣уд̣̇д̇хам̣ сурабхим̣, аб̣бхаажигким̣ ад̣̇уусагам̣.
Paccekabuddhaṃ surabhiṃ, abbhācikkhiṃ adūsakaṃ.
‘‘д̇зна гаммавибаагзна, нираяз сам̣сарим̣ жирам̣;
‘‘Tena kammavipākena, niraye saṃsariṃ ciraṃ;
б̣ахуу вассасахассаани, д̣̇угкам̣ взд̣̇зми взд̣̇анам̣.
Bahū vassasahassāni, dukkhaṃ vedemi vedanaṃ.
‘‘д̇зна гаммаавасзсзна, ид̇ха бажчимагз бхавз;
‘‘Tena kammāvasesena, idha pacchimake bhave;
аб̣бхагкаанам̣ маяаа лад̣̇д̇хам̣, сунд̣̇аригааяа гааран̣аа.
Abbhakkhānaṃ mayā laddhaṃ, sundarikāya kāraṇā.
2.
2.
‘‘саб̣б̣аабхибхусса б̣уд̣̇д̇хасса, нанд̣̇о наамааси сааваго;
‘‘Sabbābhibhussa buddhassa, nando nāmāsi sāvako;
д̇ам̣ аб̣бхагкааяа нираяз, жирам̣ сам̣сарид̇ам̣ маяаа.
Taṃ abbhakkhāya niraye, ciraṃ saṃsaritaṃ mayā.
‘‘д̣̇аса вассасахассаани, нираяз сам̣сарим̣ жирам̣;
‘‘Dasa vassasahassāni, niraye saṃsariṃ ciraṃ;
мануссабхаавам̣ лад̣̇д̇хаахам̣, аб̣бхагкаанам̣ б̣ахум̣ лабхим̣.
Manussabhāvaṃ laddhāhaṃ, abbhakkhānaṃ bahuṃ labhiṃ.
‘‘д̇зна гаммаавасзсзна, жин̃жамаан̣авигаа мамам̣;
‘‘Tena kammāvasesena, ciñcamāṇavikā mamaṃ;
аб̣бхаажигки абхууд̇зна, ж̇анагааяасса аг̇г̇ад̇о.
Abbhācikkhi abhūtena, janakāyassa aggato.
3.
3.
‘‘б̣раахман̣о суд̇аваа аасим̣, ахам̣ саггад̇абууж̇ид̇о;
‘‘Brāhmaṇo sutavā āsiṃ, ahaṃ sakkatapūjito;
махааванз бан̃жасад̇з, манд̇з ваажзми маан̣авз.
Mahāvane pañcasate, mante vācemi māṇave.
‘‘д̇ад̇т̇ааг̇ад̇о исий бхиймо, бан̃жаабхин̃н̃о махид̣̇д̇хиго;
‘‘Tatthāgato isī bhīmo, pañcābhiñño mahiddhiko;
д̇ан̃жаахам̣ ааг̇ад̇ам̣ д̣̇исваа, аб̣бхаажигким̣ ад̣̇уусагам̣.
Tañcāhaṃ āgataṃ disvā, abbhācikkhiṃ adūsakaṃ.
‘‘д̇ад̇охам̣ аважам̣ сиссз, гаамабхог̇ий аяам̣ иси;
‘‘Tatohaṃ avacaṃ sisse, kāmabhogī ayaṃ isi;
маяхамби бхаасамаанасса, анумод̣̇им̣су маан̣аваа.
Mayhampi bhāsamānassa, anumodiṃsu māṇavā.
‘‘д̇ад̇о маан̣авагаа саб̣б̣з, бхигкамаанам̣ гулз гулз;
‘‘Tato māṇavakā sabbe, bhikkhamānaṃ kule kule;
махааж̇анасса аахам̣су, гаамабхог̇ий аяам̣ иси.
Mahājanassa āhaṃsu, kāmabhogī ayaṃ isi.
‘‘д̇зна гаммавибаагзна, бан̃жа бхигкусад̇аа имз;
‘‘Tena kammavipākena, pañca bhikkhusatā ime;
аб̣бхагкаанам̣ лабхум̣ саб̣б̣з, сунд̣̇аригааяа гааран̣аа.
Abbhakkhānaṃ labhuṃ sabbe, sundarikāya kāraṇā.
4.
4.
‘‘взмаад̇убхаад̇игам̣ буб̣б̣з, д̇ханахзд̇у ханим̣ ахам̣;
‘‘Vemātubhātikaṃ pubbe, dhanahetu haniṃ ahaṃ;
багкибим̣г̇ирид̣̇уг̇г̇асмим̣, силааяа жа абим̣саяим̣.
Pakkhipiṃgiriduggasmiṃ, silāya ca apiṃsayiṃ.
‘‘д̇зна гаммавибаагзна, д̣̇звад̣̇ад̇д̇о силам̣ киби;
‘‘Tena kammavipākena, devadatto silaṃ khipi;
ан̇г̇удтам̣ бим̣саяий баад̣̇з, мама баасаан̣асагкараа.
Aṅguṭṭhaṃ piṃsayī pāde, mama pāsāṇasakkharā.
5.
5.
‘‘бурзхам̣ д̣̇аараго худ̇ваа, гийл̣амаано махаабат̇з;
‘‘Purehaṃ dārako hutvā, kīḷamāno mahāpathe;
бажжзгаб̣уд̣̇д̇хам̣ д̣̇исваана, маг̇г̇з сагалигам̣ кибим̣.
Paccekabuddhaṃ disvāna, magge sakalikaṃ khipiṃ.
‘‘д̇зна гаммавибаагзна, ид̇ха бажчимагз бхавз;
‘‘Tena kammavipākena, idha pacchimake bhave;
вад̇хад̇т̇ам̣ мам̣ д̣̇звад̣̇ад̇д̇о, абхимаарз баяож̇аяи.
Vadhatthaṃ maṃ devadatto, abhimāre payojayi.
6.
6.
‘‘хад̇т̇аарохо бурз аасим̣, бажжзгамунимуд̇д̇амам̣;
‘‘Hatthāroho pure āsiṃ, paccekamunimuttamaṃ;
бин̣д̣ааяа вижаранд̇ам̣ д̇ам̣, аасаад̣̇зсим̣ г̇аж̇знахам̣.
Piṇḍāya vicarantaṃ taṃ, āsādesiṃ gajenahaṃ.
‘‘д̇зна гаммавибаагзна, бханд̇о наал̣ааг̇ирий г̇аж̇о;
‘‘Tena kammavipākena, bhanto nāḷāgirī gajo;
г̇ириб̣б̣аж̇з бураварз, д̣̇аарун̣о самубааг̇ами.
Giribbaje puravare, dāruṇo samupāgami.
7.
7.
‘‘рааж̇аахам̣ бад̇т̇иво аасим̣, сад̇д̇ияаа бурисз ханим̣;
‘‘Rājāhaṃ patthivo āsiṃ, sattiyā purise haniṃ;
д̇зна гаммавибаагзна, нираяз бажжисам̣ бхусам̣.
Tena kammavipākena, niraye paccisaṃ bhusaṃ.
‘‘гаммуно д̇асса сзсзна, сод̣̇аани сагалам̣ мама;
‘‘Kammuno tassa sesena, sodāni sakalaṃ mama;
баад̣̇з чавим̣ багаббзси, на хи гаммам̣ винассад̇и.
Pāde chaviṃ pakappesi, na hi kammaṃ vinassati.
8.
8.
‘‘ахам̣ гзваддаг̇аамасмим̣, ахум̣ гзваддад̣̇аараго;
‘‘Ahaṃ kevaṭṭagāmasmiṃ, ahuṃ kevaṭṭadārako;
мажчагз гхаад̇ид̇з д̣̇исваа, ж̇анаяим̣ соманассагам̣.
Macchake ghātite disvā, janayiṃ somanassakaṃ.
‘‘д̇зна гаммавибаагзна, сийсад̣̇угкам̣ ахуу мама;
‘‘Tena kammavipākena, sīsadukkhaṃ ahū mama;
саггаа жа саб̣б̣з хан̃н̃им̣су, яад̣̇аа хани видадуубхо.
Sakkā ca sabbe haññiṃsu, yadā hani viṭaṭūbho.
9.
9.
‘‘пуссассаахам̣ бааважанз, саавагз барибхаасаяим̣;
‘‘Phussassāhaṃ pāvacane, sāvake paribhāsayiṃ;
яавам̣ каад̣̇ат̇а бхун̃ж̇ат̇а, маа жа бхун̃ж̇ат̇а саалаяо.
Yavaṃ khādatha bhuñjatha, mā ca bhuñjatha sālayo.
‘‘д̇зна гаммавибаагзна, д̇змаасам̣ каад̣̇ид̇ам̣ яавам̣;
‘‘Tena kammavipākena, temāsaṃ khāditaṃ yavaṃ;
ниманд̇ид̇о б̣раахман̣зна, взран̃ж̇ааяам̣ васим̣ д̇ад̣̇аа.
Nimantito brāhmaṇena, verañjāyaṃ vasiṃ tadā.
10.
10.
‘‘ниб̣б̣уд̣̇д̇хз вад̇д̇амаанамхи, маллабуд̇д̇ам̣ нихзтаяим̣;
‘‘Nibbuddhe vattamānamhi, mallaputtaṃ niheṭhayiṃ;
д̇зна гаммавибаагзна, бидтид̣̇угкам̣ ахуу мама.
Tena kammavipākena, piṭṭhidukkhaṃ ahū mama.
11.
11.
‘‘д̇игижчаго ахам̣ аасим̣, сздтибуд̇д̇ам̣ вирзжаяим̣;
‘‘Tikicchako ahaṃ āsiṃ, seṭṭhiputtaṃ virecayiṃ;
д̇зна гаммавибаагзна, ход̇и багканд̣̇игаа мама.
Tena kammavipākena, hoti pakkhandikā mama.
12.
12.
‘‘аважаахам̣ ж̇од̇ибаало, гассабам̣ суг̇ад̇ам̣ д̇ад̣̇аа;
‘‘Avacāhaṃ jotipālo, kassapaṃ sugataṃ tadā;
гуд̇о ну б̣од̇хи мун̣д̣асса, б̣од̇хи барамад̣̇уллабхаа.
Kuto nu bodhi muṇḍassa, bodhi paramadullabhā.
‘‘д̇зна гаммавибаагзна, ажарим̣ д̣̇уггарам̣ б̣ахум̣;
‘‘Tena kammavipākena, acariṃ dukkaraṃ bahuṃ;
чаб̣б̣ассаанурувзлааяам̣, д̇ад̇о б̣од̇хим̣ абаабун̣им̣.
Chabbassānuruvelāyaṃ, tato bodhiṃ apāpuṇiṃ.
‘‘наахам̣ зд̇зна маг̇г̇зна, баабун̣им̣ б̣од̇химуд̇д̇амам̣;
‘‘Nāhaṃ etena maggena, pāpuṇiṃ bodhimuttamaṃ;
гуммаг̇г̇зна г̇авзсиссам̣, буб̣б̣агаммзна ваарид̇о.
Kummaggena gavesissaṃ, pubbakammena vārito.
‘‘бун̃н̃абаабабаригкийн̣о, саб̣б̣асанд̇аабаваж̇ж̇ид̇о;
‘‘Puññapāpaparikkhīṇo, sabbasantāpavajjito;
асого анубааяаасо, ниб̣б̣ааяиссаманаасаво.
Asoko anupāyāso, nibbāyissamanāsavo.
‘‘звам̣ ж̇ино вияаагааси, бхигкусан̇гхасса аг̇г̇ад̇о;
‘‘Evaṃ jino viyākāsi, bhikkhusaṅghassa aggato;
саб̣б̣аабхин̃н̃ааб̣алаббад̇д̇о, анод̇ад̇д̇амахаасарз’’д̇и. (аба. т̇зра 1.39.64-96);
Sabbābhiññābalappatto, anotattamahāsare’’ti. (apa. thera 1.39.64-96);
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. сунд̣̇арийсуд̇д̇ам̣ • 8. Sundarīsuttaṃ
