| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੯. ਸੁਮਨਤ੍ਥੇਰਅਪਦਾਨਂ
9. Sumanattheraapadānaṃ
੬੨.
62.
‘‘ਸੁਮਨੋ ਨਾਮ ਨਾਮੇਨ, ਮਾਲਾਕਾਰੋ ਅਹਂ ਤਦਾ।
‘‘Sumano nāma nāmena, mālākāro ahaṃ tadā;
ਅਦ੍ਦਸਂ વਿਰਜਂ ਬੁਦ੍ਧਂ, ਲੋਕਾਹੁਤਿਪਟਿਗ੍ਗਹਂ॥
Addasaṃ virajaṃ buddhaṃ, lokāhutipaṭiggahaṃ.
੬੩.
63.
‘‘ਉਭੋ ਹਤ੍ਥੇਹਿ ਪਗ੍ਗਯ੍ਹ, ਸੁਮਨਂ ਪੁਪ੍ਫਮੁਤ੍ਤਮਂ।
‘‘Ubho hatthehi paggayha, sumanaṃ pupphamuttamaṃ;
ਬੁਦ੍ਧਸ੍ਸ ਅਭਿਰੋਪੇਸਿਂ, ਸਿਖਿਨੋ ਲੋਕਬਨ੍ਧੁਨੋ॥
Buddhassa abhiropesiṃ, sikhino lokabandhuno.
੬੪.
64.
‘‘ਇਮਾਯ ਪੁਪ੍ਫਪੂਜਾਯ, ਚੇਤਨਾਪਣਿਧੀਹਿ ਚ।
‘‘Imāya pupphapūjāya, cetanāpaṇidhīhi ca;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ॥
Duggatiṃ nābhijānāmi, buddhapūjāyidaṃ phalaṃ.
੬੫.
65.
‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਰੋਪਯਿਂ।
‘‘Ekattiṃse ito kappe, yaṃ pupphamabhiropayiṃ;
੬੬.
66.
‘‘ਛਬ੍ਬੀਸਤਿਮ੍ਹਿ ਕਪ੍ਪਮ੍ਹਿ, ਚਤ੍ਤਾਰੋਸੁਂ ਮਹਾਯਸਾ।
‘‘Chabbīsatimhi kappamhi, cattārosuṃ mahāyasā;
ਸਤ੍ਤਰਤਨਸਮ੍ਪਨ੍ਨਾ, ਰਾਜਾਨੋ ਚਕ੍ਕવਤ੍ਤਿਨੋ॥
Sattaratanasampannā, rājāno cakkavattino.
੬੭.
67.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਸੁਮਨੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā sumano thero imā gāthāyo abhāsitthāti.
ਸੁਮਨਤ੍ਥੇਰਸ੍ਸਾਪਦਾਨਂ ਨવਮਂ।
Sumanattherassāpadānaṃ navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਅਪਦਾਨ-ਅਟ੍ਠਕਥਾ • Apadāna-aṭṭhakathā / ੯. ਸੁਮਨਤ੍ਥੇਰਅਪਦਾਨવਣ੍ਣਨਾ • 9. Sumanattheraapadānavaṇṇanā
