| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೯. ಸುಮನತ್ಥೇರಅಪದಾನಂ
9. Sumanattheraapadānaṃ
೬೨.
62.
‘‘ಸುಮನೋ ನಾಮ ನಾಮೇನ, ಮಾಲಾಕಾರೋ ಅಹಂ ತದಾ।
‘‘Sumano nāma nāmena, mālākāro ahaṃ tadā;
ಅದ್ದಸಂ ವಿರಜಂ ಬುದ್ಧಂ, ಲೋಕಾಹುತಿಪಟಿಗ್ಗಹಂ॥
Addasaṃ virajaṃ buddhaṃ, lokāhutipaṭiggahaṃ.
೬೩.
63.
‘‘ಉಭೋ ಹತ್ಥೇಹಿ ಪಗ್ಗಯ್ಹ, ಸುಮನಂ ಪುಪ್ಫಮುತ್ತಮಂ।
‘‘Ubho hatthehi paggayha, sumanaṃ pupphamuttamaṃ;
ಬುದ್ಧಸ್ಸ ಅಭಿರೋಪೇಸಿಂ, ಸಿಖಿನೋ ಲೋಕಬನ್ಧುನೋ॥
Buddhassa abhiropesiṃ, sikhino lokabandhuno.
೬೪.
64.
‘‘ಇಮಾಯ ಪುಪ್ಫಪೂಜಾಯ, ಚೇತನಾಪಣಿಧೀಹಿ ಚ।
‘‘Imāya pupphapūjāya, cetanāpaṇidhīhi ca;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೬೫.
65.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ।
‘‘Ekattiṃse ito kappe, yaṃ pupphamabhiropayiṃ;
೬೬.
66.
‘‘ಛಬ್ಬೀಸತಿಮ್ಹಿ ಕಪ್ಪಮ್ಹಿ, ಚತ್ತಾರೋಸುಂ ಮಹಾಯಸಾ।
‘‘Chabbīsatimhi kappamhi, cattārosuṃ mahāyasā;
ಸತ್ತರತನಸಮ್ಪನ್ನಾ, ರಾಜಾನೋ ಚಕ್ಕವತ್ತಿನೋ॥
Sattaratanasampannā, rājāno cakkavattino.
೬೭.
67.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸುಮನೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sumano thero imā gāthāyo abhāsitthāti.
ಸುಮನತ್ಥೇರಸ್ಸಾಪದಾನಂ ನವಮಂ।
Sumanattherassāpadānaṃ navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೯. ಸುಮನತ್ಥೇರಅಪದಾನವಣ್ಣನಾ • 9. Sumanattheraapadānavaṇṇanā
