| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. សុមនតាលវណ្ដិយត្ថេរអបទានំ
8. Sumanatālavaṇṭiyattheraapadānaṃ
៤៣.
43.
‘‘សិទ្ធត្ថស្ស ភគវតោ, តាលវណ្ដមទាសហំ;
‘‘Siddhatthassa bhagavato, tālavaṇṭamadāsahaṃ;
សុមនេហិ បដិច្ឆន្នំ, ធារយាមិ មហារហំ។
Sumanehi paṭicchannaṃ, dhārayāmi mahārahaṃ.
៤៤.
44.
‘‘ចតុន្នវុតិតោ កប្បេ, តាលវណ្ដមទាសហំ;
‘‘Catunnavutito kappe, tālavaṇṭamadāsahaṃ;
ទុគ្គតិំ នាភិជានាមិ, តាលវណ្ដស្សិទំ ផលំ។
Duggatiṃ nābhijānāmi, tālavaṇṭassidaṃ phalaṃ.
៤៥.
45.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
៤៦.
46.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
៤៧.
47.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សុមនតាលវណ្ដិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sumanatālavaṇṭiyo thero imā gāthāyo abhāsitthāti.
សុមនតាលវណ្ដិយត្ថេរស្សាបទានំ អដ្ឋមំ។
Sumanatālavaṇṭiyattherassāpadānaṃ aṭṭhamaṃ.
