| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. सुमनतालवण्टियत्थेरअपदानं
8. Sumanatālavaṇṭiyattheraapadānaṃ
४३.
43.
‘‘सिद्धत्थस्स भगवतो, तालवण्टमदासहं।
‘‘Siddhatthassa bhagavato, tālavaṇṭamadāsahaṃ;
सुमनेहि पटिच्छन्नं, धारयामि महारहं॥
Sumanehi paṭicchannaṃ, dhārayāmi mahārahaṃ.
४४.
44.
‘‘चतुन्नवुतितो कप्पे, तालवण्टमदासहं।
‘‘Catunnavutito kappe, tālavaṇṭamadāsahaṃ;
दुग्गतिं नाभिजानामि, तालवण्टस्सिदं फलं॥
Duggatiṃ nābhijānāmi, tālavaṇṭassidaṃ phalaṃ.
४५.
45.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
४६.
46.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
४७.
47.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सुमनतालवण्टियो थेरो इमा गाथायो अभासित्थाति।
Itthaṃ sudaṃ āyasmā sumanatālavaṇṭiyo thero imā gāthāyo abhāsitthāti.
सुमनतालवण्टियत्थेरस्सापदानं अट्ठमं।
Sumanatālavaṇṭiyattherassāpadānaṃ aṭṭhamaṃ.
