| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၄. သုမနဝဂ္ဂော
4. Sumanavaggo
၁. သုမနသုတ္တဝဏ္ဏနာ
1. Sumanasuttavaṇṇanā
၃၁. စတုတ္ထသ္သ ပဌမေ သတက္ကကူတိ သတသိခရော, အနေကကူဋောတိ အတ္ထော။ ဣဒံ တသ္သ မဟာမေဃဘာဝဒသ္သနံ။ သော ဟိ မဟာဝသ္သံ ဝသ္သတိ။ တေနေဝာဟ – ‘‘ဣတော စိတော စ ဥဋ္ဌိတေန ဝလာဟကကူဋသတေန သမန္နာဂတောတိ အတ္ထော’’တိ။ ဒသ္သနသမ္ပန္နောတိ ဧတ္ထ ဒသ္သနံ နာမ သောတာပတ္တိမဂ္ဂော။ သော ဟိ ပဌမံ နိဗ္ဗာနဒသ္သနတော ‘‘ဒသ္သန’’န္တိ ဝုစ္စတိ။ ယဒိပိ တံ ဂောတ္ရဘု ပဌမတရံ ပသ္သတိ, ဒိသ္ဝာ ပန ကတ္တဗ္ဗကိစ္စသ္သ ကိလေသပ္ပဟာနသ္သ အကရဏတော န တံ ‘‘ဒသ္သန’’န္တိ ဝုစ္စတိ။ အာဝဇ္ဇနဋ္ဌာနိယဉ္ဟိ တံ ဉာဏံ။ မဂ္ဂသ္သ နိဗ္ဗာနာရမ္မဏတာသာမညေန စေတံ ဝုတ္တံ, န နိဗ္ဗာနပ္ပဋိဝိဇ္ဈနေန, တသ္မာ ဓမ္မစက္ခုံ ပုနပ္ပုနံ နိဗ္ဗတ္တနေန ဘာဝနံ အပ္ပတ္တံ ဒသ္သနံ, ဓမ္မစက္ခုဉ္စ ပရိညာဒိကိစ္စကရဏေန စတုသစ္စဓမ္မဒသ္သနံ တဒဘိသမယောတိ နတ္ထေတ္ထ ဂောတ္ရဘုသ္သ ဒသ္သနဘာဝာပတ္တိ။ သေသမေတ္ထ သုဝိညေယ္ယမေဝ။
31. Catutthassa paṭhame satakkakūti satasikharo, anekakūṭoti attho. Idaṃ tassa mahāmeghabhāvadassanaṃ. So hi mahāvassaṃ vassati. Tenevāha – ‘‘ito cito ca uṭṭhitena valāhakakūṭasatena samannāgatoti attho’’ti. Dassanasampannoti ettha dassanaṃ nāma sotāpattimaggo. So hi paṭhamaṃ nibbānadassanato ‘‘dassana’’nti vuccati. Yadipi taṃ gotrabhu paṭhamataraṃ passati, disvā pana kattabbakiccassa kilesappahānassa akaraṇato na taṃ ‘‘dassana’’nti vuccati. Āvajjanaṭṭhāniyañhi taṃ ñāṇaṃ. Maggassa nibbānārammaṇatāsāmaññena cetaṃ vuttaṃ, na nibbānappaṭivijjhanena, tasmā dhammacakkhuṃ punappunaṃ nibbattanena bhāvanaṃ appattaṃ dassanaṃ, dhammacakkhuñca pariññādikiccakaraṇena catusaccadhammadassanaṃ tadabhisamayoti natthettha gotrabhussa dassanabhāvāpatti. Sesamettha suviññeyyameva.
သုမနသုတ္တဝဏ္ဏနာ နိဋ္ဌိတာ။
Sumanasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. သုမနသုတ္တံ • 1. Sumanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. သုမနသုတ္တဝဏ္ဏနာ • 1. Sumanasuttavaṇṇanā
