| Library / Tipiṭaka / તિપિટક • Tipiṭaka / મહાવિભઙ્ગ • Mahāvibhaṅga |
૨. સઙ્ઘાદિસેસકણ્ડં
2. Saṅghādisesakaṇḍaṃ
૧. સુક્કવિસ્સટ્ઠિસિક્ખાપદં
1. Sukkavissaṭṭhisikkhāpadaṃ
ઇમે ખો પનાયસ્મન્તો તેરસ સઙ્ઘાદિસેસા
Ime kho panāyasmanto terasa saṅghādisesā
ધમ્મા ઉદ્દેસં આગચ્છન્તિ.
Dhammā uddesaṃ āgacchanti.
૨૩૪. તેન સમયેન બુદ્ધો ભગવા સાવત્થિયં વિહરતિ જેતવને અનાથપિણ્ડિકસ્સ આરામે. તેન ખો પન સમયેન આયસ્મા સેય્યસકો અનભિરતો બ્રહ્મચરિયં ચરતિ. સો તેન કિસો હોતિ લૂખો દુબ્બણ્ણો ઉપ્પણ્ડુપ્પણ્ડુકજાતો ધમનિસન્થતગત્તો. અદ્દસ ખો આયસ્મા ઉદાયી આયસ્મન્તં સેય્યસકં કિસં લૂખં દુબ્બણ્ણં ઉપ્પણ્ડુપ્પણ્ડુકજાતં ધમનિસન્થતગત્તં. દિસ્વાન આયસ્મન્તં સેય્યસકં એતદવોચ – ‘‘કિસ્સ ત્વં, આવુસો સેય્યસક, કિસો લૂખો દુબ્બણ્ણો ઉપ્પણ્ડુપ્પણ્ડુકજાતો ધમનિસન્થતગત્તો? કચ્ચિ નો ત્વં, આવુસો સેય્યસક, અનભિરતો બ્રહ્મચરિયં ચરસી’’તિ? ‘‘એવમાવુસો’’તિ. ‘‘તેન હિ ત્વં, આવુસો સેય્યસક, યાવદત્થં ભુઞ્જ યાવદત્થં સુપ યાવદત્થં ન્હાય. યાવદત્થં ભુઞ્જિત્વા યાવદત્થં સુપિત્વા યાવદત્થં ન્હાયિત્વા યદા તે અનભિરતિ ઉપ્પજ્જતિ રાગો ચિત્તં અનુદ્ધંસેતિ તદા હત્થેન ઉપક્કમિત્વા અસુચિં મોચેહી’’તિ. ‘‘કિં નુ ખો, આવુસો, કપ્પતિ એવરૂપં કાતુ’’ન્તિ? ‘‘આમ, આવુસો. અહમ્પિ એવં કરોમી’’તિ.
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
અથ ખો આયસ્મા સેય્યસકો યાવદત્થં ભુઞ્જિ યાવદત્થં સુપિ યાવદત્થં ન્હાયિ. યાવદત્થં ભુઞ્જિત્વા યાવદત્થં સુપિત્વા યાવદત્થં ન્હાયિત્વા યદા અનભિરતિ ઉપ્પજ્જતિ રાગો ચિત્તં અનુદ્ધંસેતિ તદા હત્થેન ઉપક્કમિત્વા અસુચિં મોચેસિ . અથ ખો આયસ્મા સેય્યસકો અપરેન સમયેન વણ્ણવા અહોસિ પીણિન્દ્રિયો પસન્નમુખવણ્ણો વિપ્પસન્નછવિવણ્ણો. અથ ખો આયસ્મતો સેય્યસકસ્સ સહાયકા ભિક્ખૂ આયસ્મન્તં સેય્યસકં એતદવોચું – ‘‘પુબ્બે ખો ત્વં, આવુસો સેય્યસક, કિસો અહોસિ લૂખો દુબ્બણ્ણો ઉપ્પણ્ડુપ્પણ્ડુકજાતો ધમનિસન્થતગત્તો. સો દાનિ ત્વં એતરહિ વણ્ણવા પીણિન્દ્રિયો પસન્નમુખવણ્ણો વિપ્પસન્નછવિવણ્ણો. કિં નુ ખો ત્વં, આવુસો સેય્યસક, ભેસજ્જં કરોસી’’તિ? ‘‘ન ખો અહં, આવુસો, ભેસજ્જં કરોમિ . અપિચાહં યાવદત્થં ભુઞ્જામિ યાવદત્થં સુપામિ યાવદત્થં ન્હાયામિ. યાવદત્થં ભુઞ્જિત્વા યાવદત્થં સુપિત્વા યાવદત્થં ન્હાયિત્વા યદા મે અનભિરતિ ઉપ્પજ્જતિ રાગો ચિત્તં અનુદ્ધંસેતિ તદા હત્થેન ઉપક્કમિત્વા અસુચિં મોચેમી’’તિ. ‘‘કિં પન ત્વં, આવુસો સેય્યસક, યેનેવ હત્થેન સદ્ધાદેય્યં ભુઞ્જસિ તેનેવ હત્થેન ઉપક્કમિત્વા અસુચિં મોચેસી’’તિ? ‘‘એવમાવુસો’’તિ. યે તે ભિક્ખૂ અપ્પિચ્છા…પે॰… તે ઉજ્ઝાયન્તિ ખિય્યન્તિ વિપાચેન્તિ – ‘‘કથઞ્હિ નામ આયસ્મા સેય્યસકો હત્થેન ઉપક્કમિત્વા અસુચિં મોચેસ્સતી’’તિ!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
અથ ખો તે ભિક્ખૂ આયસ્મન્તં સેય્યસકં અનેકપરિયાયેન વિગરહિત્વા ભગવતો એતમત્થં આરોચેસું. અથ ખો ભગવા એતસ્મિં નિદાને એતસ્મિં પકરણે ભિક્ખુસઙ્ઘં સન્નિપાતાપેત્વા આયસ્મન્તં સેય્યસકં પટિપુચ્છિ – ‘‘સચ્ચં કિર ત્વં, સેય્યસક, હત્થેન ઉપક્કમિત્વા અસુચિં મોચેસી’’તિ? ‘‘સચ્ચં, ભગવા’’તિ . વિગરહિ બુદ્ધો ભગવા – ‘‘અનનુચ્છવિકં, મોઘપુરિસ, અનનુલોમિકં અપ્પતિરૂપં અસ્સામણકં અકપ્પિયં અકરણીયં. કથઞ્હિ નામ ત્વં, મોઘપુરિસ, હત્થેન ઉપક્કમિત્વા અસુચિં મોચેસ્સસિ! નનુ મયા, મોઘપુરિસ, અનેકપરિયાયેન વિરાગાય ધમ્મો દેસિતો નો સરાગાય, વિસઞ્ઞોગાય ધમ્મો દેસિતો નો સઞ્ઞોગાય, અનુપાદાનાય ધમ્મો દેસિતો નો સઉપાદાનાય! તત્થ નામ ત્વં, મોઘપુરિસ, મયા વિરાગાય ધમ્મે દેસિતે સરાગાય ચેતેસ્સસિ, વિસઞ્ઞોગાય ધમ્મે દેસિતે સઞ્ઞોગાય ચેતેસ્સસિ, અનુપાદાનાય ધમ્મે દેસિતે સઉપાદાનાય ચેતેસ્સસિ! નનુ મયા, મોઘપુરિસ, અનેકપરિયાયેન રાગવિરાગાય ધમ્મો દેસિતો, મદનિમ્મદનાય પિપાસવિનયાય આલયસમુગ્ઘાતાય વટ્ટુપચ્છેદાય તણ્હક્ખયાય વિરાગાય નિરોધાય નિબ્બાનાય ધમ્મો દેસિતો? નનુ મયા, મોઘપુરિસ, અનેકપરિયાયેન કામાનં પહાનં અક્ખાતં, કામસઞ્ઞાનં પરિઞ્ઞા અક્ખાતા, કામપિપાસાનં પટિવિનયો અક્ખાતો, કામવિતક્કાનં સમુગ્ઘાતો અક્ખાતો, કામપરિળાહાનં વૂપસમો અક્ખાતો? નેતં, મોઘપુરિસ, અપ્પસન્નાનં વા પસાદાય, પસન્નાનં વા ભિય્યોભાવાય. અથ ખ્વેતં, મોઘપુરિસ, અપ્પસન્નાનઞ્ચેવ અપ્પસાદાય, પસન્નાનઞ્ચ એકચ્ચાનં અઞ્ઞથત્તાયા’’તિ. અથ ખો ભગવા આયસ્મન્તં સેય્યસકં અનેકપરિયાયેન વિગરહિત્વા દુબ્ભરતાય…પે॰… ‘‘એવઞ્ચ પન, ભિક્ખવે, ઇમં સિક્ખાપદં ઉદ્દિસેય્યાથ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
એવઞ્ચિદં ભગવતા ભિક્ખૂનં સિક્ખાપદં પઞ્ઞત્તં હોતિ.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
૨૩૫. તેન ખો પન સમયેન ભિક્ખૂ પણીતભોજનાનિ ભુઞ્જિત્વા મુટ્ઠસ્સતી અસમ્પજાના નિદ્દં ઓક્કમન્તિ. તેસં મુટ્ઠસ્સતીનં અસમ્પજાનાનં નિદ્દં ઓક્કમન્તાનં સુપિનન્તેન અસુચિ મુચ્ચતિ. તેસં કુક્કુચ્ચં અહોસિ – ‘‘ભગવતા સિક્ખાપદં પઞ્ઞત્તં – ‘સઞ્ચેતનિકા સુક્કવિસ્સટ્ઠિ સઙ્ઘાદિસેસો’તિ. અમ્હાકઞ્ચ સુપિનન્તેન અસુચિ મુચ્ચતિ. અત્થિ ચેત્થ ચેતના લબ્ભતિ. કચ્ચિ નુ ખો મયં સઙ્ઘાદિસેસં આપત્તિં આપન્ના’’તિ? ભગવતો એતમત્થં આરોચેસું. ‘‘અત્થેસા, ભિક્ખવે, ચેતના; સા ચ ખો અબ્બોહારિકાતિ. એવઞ્ચ પન, ભિક્ખવે, ઇમં સિક્ખાપદં ઉદ્દિસેય્યાથ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
૨૩૬. ‘‘સઞ્ચેતનિકા સુક્કવિસ્સટ્ઠિ અઞ્ઞત્ર સુપિનન્તા સઙ્ઘાદિસેસો’’તિ.
236.‘‘Sañcetanikā sukkavissaṭṭhi aññatra supinantā saṅghādiseso’’ti.
૨૩૭. સઞ્ચેતનિકાતિ જાનન્તો સઞ્જાનન્તો ચેચ્ચ અભિવિતરિત્વા વીતિક્કમો.
237.Sañcetanikāti jānanto sañjānanto cecca abhivitaritvā vītikkamo.
સુક્કન્તિ દસ સુક્કાનિ – નીલં પીતકં લોહિતકં ઓદાતં તક્કવણ્ણં દકવણ્ણં તેલવણ્ણં ખીરવણ્ણં દધિવણ્ણં સપ્પિવણ્ણં.
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
વિસ્સટ્ઠીતિ ઠાનતો ચાવના વુચ્ચતિ વિસ્સટ્ઠીતિ.
Vissaṭṭhīti ṭhānato cāvanā vuccati vissaṭṭhīti.
અઞ્ઞત્ર સુપિનન્તાતિ ઠપેત્વા સુપિનન્તં.
Aññatra supinantāti ṭhapetvā supinantaṃ.
સઙ્ઘાદિસેસોતિ સઙ્ઘોવ તસ્સા આપત્તિયા પરિવાસં દેતિ, મૂલાય પટિકસ્સતિ, માનત્તં દેતિ , અબ્ભેતિ; ન સમ્બહુલા, ન એકપુગ્ગલો. તેન વુચ્ચતિ – ‘‘સઙ્ઘાદિસેસો’’તિ. તસ્સેવ આપત્તિનિકાયસ્સ નામકમ્મં અધિવચનં. તેનપિ વુચ્ચતિ – ‘‘સઙ્ઘાદિસેસો’’તિ.
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
અજ્ઝત્તરૂપે મોચેતિ, બહિદ્ધારૂપે મોચેતિ, અજ્ઝત્તબહિદ્ધારૂપે મોચેતિ, આકાસે કટિં કમ્પેન્તો મોચેતિ; રાગૂપત્થમ્ભે મોચેતિ, વચ્ચૂપત્થમ્ભે મોચેતિ, પસ્સાવૂપત્થમ્ભે મોચેતિ, વાતૂપત્થમ્ભે મોચેતિ , ઉચ્ચાલિઙ્ગપાણકદટ્ઠૂપત્થમ્ભે મોચેતિ; આરોગ્યત્થાય મોચેતિ, સુખત્થાય મોચેતિ, ભેસજ્જત્થાય મોચેતિ, દાનત્થાય મોચેતિ, પુઞ્ઞત્થાય મોચેતિ, યઞ્ઞત્થાય મોચેતિ, સગ્ગત્થાય મોચેતિ, બીજત્થાય મોચેતિ, વીમંસત્થાય મોચેતિ, દવત્થાય મોચેતિ; નીલં મોચેતિ, પીતકં મોચેતિ, લોહિતકં મોચેતિ, ઓદાતં મોચેતિ, તક્કવણ્ણં મોચેતિ, દકવણ્ણં મોચેતિ, તેલવણ્ણં મોચેતિ, ખીરવણ્ણં મોચેતિ, દધિવણ્ણં મોચેતિ, સપ્પિવણ્ણં મોચેતિ.
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
બહિદ્ધારૂપેતિ બહિદ્ધા ઉપાદિન્ને વા અનુપાદિન્ને વા.
Bahiddhārūpeti bahiddhā upādinne vā anupādinne vā.
અજ્ઝત્તબહિદ્ધારૂપેતિ તદુભયે.
Ajjhattabahiddhārūpeti tadubhaye.
આકાસે કટિં કમ્પેન્તોતિ આકાસે વાયમન્તસ્સ અઙ્ગજાતં કમ્મનિયં હોતિ.
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
રાગૂપત્થમ્ભેતિ રાગેન પીળિતસ્સ અઙ્ગજાતં કમ્મનિયં હોતિ.
Rāgūpatthambheti rāgena pīḷitassa aṅgajātaṃ kammaniyaṃ hoti.
વચ્ચૂપત્થમ્ભેતિ વચ્ચેન પીળિતસ્સ અઙ્ગજાતં કમ્મનિયં હોતિ.
Vaccūpatthambheti vaccena pīḷitassa aṅgajātaṃ kammaniyaṃ hoti.
પસ્સાવૂપત્થમ્ભેતિ પસ્સાવેન પીળિતસ્સ અઙ્ગજાતં કમ્મનિયં હોતિ.
Passāvūpatthambheti passāvena pīḷitassa aṅgajātaṃ kammaniyaṃ hoti.
વાતૂપત્થમ્ભેતિ વાતેન પીળિતસ્સ અઙ્ગજાતં કમ્મનિયં હોતિ.
Vātūpatthambheti vātena pīḷitassa aṅgajātaṃ kammaniyaṃ hoti.
ઉચ્ચાલિઙ્ગપાણકદટ્ઠૂપત્થમ્ભેતિ ઉચ્ચાલિઙ્ગપાણકદટ્ઠેન અઙ્ગજાતં કમ્મનિયં હોતિ.
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
૨૩૯. આરોગ્યત્થાયાતિ અરોગો ભવિસ્સામિ.
239.Ārogyatthāyāti arogo bhavissāmi.
સુખત્થાયાતિ સુખં વેદનં ઉપ્પાદેસ્સામિ.
Sukhatthāyāti sukhaṃ vedanaṃ uppādessāmi.
ભેસજ્જત્થાયાતિ ભેસજ્જં ભવિસ્સતિ.
Bhesajjatthāyāti bhesajjaṃ bhavissati.
દાનત્થાયાતિ દાનં દસ્સામિ.
Dānatthāyāti dānaṃ dassāmi.
પુઞ્ઞત્થાયાતિ પુઞ્ઞં ભવિસ્સતિ.
Puññatthāyāti puññaṃ bhavissati.
યઞ્ઞત્થાયાતિ યઞ્ઞં યજિસ્સામિ.
Yaññatthāyāti yaññaṃ yajissāmi.
સગ્ગત્થાયાતિ સગ્ગં ગમિસ્સામિ.
Saggatthāyāti saggaṃ gamissāmi.
બીજત્થાયાતિ બીજં ભવિસ્સતિ.
Bījatthāyāti bījaṃ bhavissati.
વીમંસત્થાયાતિ નીલં ભવિસ્સતિ, પીતકં ભવિસ્સતિ, લોહિતકં ભવિસ્સતિ, ઓદાતં ભવિસ્સતિ, તક્કવણ્ણં ભવિસ્સતિ, દકવણ્ણં ભવિસ્સતિ, તેલવણ્ણં ભવિસ્સતિ, ખીરવણ્ણં ભવિસ્સતિ, દધિવણ્ણં ભવિસ્સતિ, સપ્પિવણ્ણં ભવિસ્સતીતિ.
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
દવત્થાયાતિ ખિડ્ડાધિપ્પાયો.
Davatthāyāti khiḍḍādhippāyo.
૨૪૦. અજ્ઝત્તરૂપે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
240. Ajjhattarūpe ceteti upakkamati muccati, āpatti saṅghādisesassa.
બહિદ્ધારૂપે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Bahiddhārūpe ceteti upakkamati muccati, āpatti saṅghādisesassa.
અજ્ઝત્તબહિદ્ધારૂપે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ajjhattabahiddhārūpe ceteti upakkamati muccati, āpatti saṅghādisesassa.
આકાસે કટિં કમ્પેન્તો ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ākāse kaṭiṃ kampento ceteti upakkamati muccati, āpatti saṅghādisesassa.
રાગૂપત્થમ્ભે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Rāgūpatthambhe ceteti upakkamati muccati, āpatti saṅghādisesassa.
વચ્ચૂપત્થમ્ભે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Vaccūpatthambhe ceteti upakkamati muccati, āpatti saṅghādisesassa.
પસ્સાવૂપત્થમ્ભે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Passāvūpatthambhe ceteti upakkamati muccati, āpatti saṅghādisesassa.
વાતૂપત્થમ્ભે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Vātūpatthambhe ceteti upakkamati muccati, āpatti saṅghādisesassa.
ઉચ્ચાલિઙ્ગપાણકદટ્ઠૂપત્થમ્ભે ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
આરોગ્યત્થાય ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ārogyatthāya ceteti upakkamati muccati, āpatti saṅghādisesassa.
સુખત્થાય…પે॰… ભેસજ્જત્થાય… દાનત્થાય… પુઞ્ઞત્થાય… યઞ્ઞત્થાય… સગ્ગત્થાય… બીજત્થાય… વીમંસત્થાય… દવત્થાય ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
નીલં ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ .
Nīlaṃ ceteti upakkamati muccati, āpatti saṅghādisesassa .
પીતકં… લોહિતકં… ઓદાતં… તક્કવણ્ણં… દકવણ્ણં… તેલવણ્ણં… ખીરવણ્ણં… દધિવણ્ણં… સપ્પિવણ્ણં ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
સુદ્ધિકં નિટ્ઠિતં.
Suddhikaṃ niṭṭhitaṃ.
આરોગ્યત્થઞ્ચ સુખત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ārogyatthañca sukhatthañca ceteti upakkamati muccati, āpatti saṅghādisesassa.
આરોગ્યત્થઞ્ચ ભેસજ્જત્થઞ્ચ…પે॰… આરોગ્યત્થઞ્ચ દાનત્થઞ્ચ… આરોગ્યત્થઞ્ચ પુઞ્ઞત્થઞ્ચ… આરોગ્યત્થઞ્ચ યઞ્ઞત્થઞ્ચ… આરોગ્યત્થઞ્ચ સગ્ગત્થઞ્ચ… આરોગ્યત્થઞ્ચ બીજત્થઞ્ચ… આરોગ્યત્થઞ્ચ વીમંસત્થઞ્ચ… આરોગ્યત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
એકમૂલકસ્સ ખણ્ડચક્કં નિટ્ઠિતં.
Ekamūlakassa khaṇḍacakkaṃ niṭṭhitaṃ.
૨૪૧. સુખત્થઞ્ચ ભેસજ્જત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
241. Sukhatthañca bhesajjatthañca ceteti upakkamati muccati, āpatti saṅghādisesassa.
સુખત્થઞ્ચ દાનત્થઞ્ચ…પે॰… સુખત્થઞ્ચ પુઞ્ઞત્થઞ્ચ… સુખત્થઞ્ચ યઞ્ઞત્થઞ્ચ… સુખત્થઞ્ચ સગ્ગત્થઞ્ચ… સુખત્થઞ્ચ બીજત્થઞ્ચ… સુખત્થઞ્ચ વીમંસત્થઞ્ચ… સુખત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
સુખત્થઞ્ચ આરોગ્યત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Sukhatthañca ārogyatthañca ceteti upakkamati muccati, āpatti saṅghādisesassa.
૨૪૨. ભેસજ્જત્થઞ્ચ દાનત્થઞ્ચ…પે॰… ભેસજ્જત્થઞ્ચ પુઞ્ઞત્થઞ્ચ… ભેસજ્જત્થઞ્ચ યઞ્ઞત્થઞ્ચ… ભેસજ્જત્થઞ્ચ સગ્ગત્થઞ્ચ… ભેસજ્જત્થઞ્ચ બીજત્થઞ્ચ… ભેસજ્જત્થઞ્ચ વીમંસત્થઞ્ચ… ભેસજ્જત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
ભેસજ્જત્થઞ્ચ આરોગ્યત્થઞ્ચ…પે॰… ભેસજ્જત્થઞ્ચ સુખત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
દાનત્થઞ્ચ પુઞ્ઞત્થઞ્ચ…પે॰… દાનત્થઞ્ચ યઞ્ઞત્થઞ્ચ… દાનત્થઞ્ચ સગ્ગત્થઞ્ચ… દાનત્થઞ્ચ બીજત્થઞ્ચ… દાનત્થઞ્ચ વીમંસત્થઞ્ચ… દાનત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
દાનત્થઞ્ચ આરોગ્યત્થઞ્ચ…પે॰… દાનત્થઞ્ચ સુખત્થઞ્ચ… દાનત્થઞ્ચ ભેસજ્જત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
પુઞ્ઞત્થઞ્ચ યઞ્ઞત્થઞ્ચ…પે॰… પુઞ્ઞત્થઞ્ચ સગ્ગત્થઞ્ચ… પુઞ્ઞત્થઞ્ચ બીજત્થઞ્ચ… પુઞ્ઞત્થઞ્ચ વીમંસત્થઞ્ચ… પુઞ્ઞત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
પુઞ્ઞત્થઞ્ચ આરોગ્યત્થઞ્ચ…પે॰… પુઞ્ઞત્થઞ્ચ સુખત્થઞ્ચ… પુઞ્ઞત્થઞ્ચ ભેસજ્જત્થઞ્ચ… પુઞ્ઞત્થઞ્ચ દાનત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
યઞ્ઞત્થઞ્ચ સગ્ગત્થઞ્ચ…પે॰… યઞ્ઞત્થઞ્ચ બીજત્થઞ્ચ… યઞ્ઞત્થઞ્ચ વીમંસત્થઞ્ચ … યઞ્ઞત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
યઞ્ઞત્થઞ્ચ આરોગ્યત્થઞ્ચ…પે॰… યઞ્ઞત્થઞ્ચ સુખત્થઞ્ચ… યઞ્ઞત્થઞ્ચ ભેસજ્જત્થઞ્ચ… યઞ્ઞત્થઞ્ચ દાનત્થઞ્ચ… યઞ્ઞત્થઞ્ચ પુઞ્ઞત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
સગ્ગત્થઞ્ચ બીજત્થઞ્ચ…પે॰… સગ્ગત્થઞ્ચ વીમંસત્થઞ્ચ… સગ્ગત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
સગ્ગત્થઞ્ચ આરોગ્યત્થઞ્ચ…પે॰… સગ્ગત્થઞ્ચ સુખત્થઞ્ચ… સગ્ગત્થઞ્ચ ભેસજ્જત્થઞ્ચ… સગ્ગત્થઞ્ચ દાનત્થઞ્ચ… સગ્ગત્થઞ્ચ પુઞ્ઞત્થઞ્ચ… સગ્ગત્થઞ્ચ યઞ્ઞત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
બીજત્થઞ્ચ વીમંસત્થઞ્ચ…પે॰… બીજત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
બીજત્થઞ્ચ આરોગ્યત્થઞ્ચ…પે॰… બીજત્થઞ્ચ સુખત્થઞ્ચ… બીજત્થઞ્ચ ભેસજ્જત્થઞ્ચ… બીજત્થઞ્ચ દાનત્થઞ્ચ… બીજત્થઞ્ચ પુઞ્ઞત્થઞ્ચ… બીજત્થઞ્ચ યઞ્ઞત્થઞ્ચ… બીજત્થઞ્ચ સગ્ગત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
વીમંસત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Vīmaṃsatthañca davatthañca ceteti upakkamati muccati, āpatti saṅghādisesassa.
વીમંસત્થઞ્ચ આરોગ્યત્થઞ્ચ…પે॰… વીમંસત્થઞ્ચ સુખત્થઞ્ચ… વીમંસત્થઞ્ચ ભેસજ્જત્થઞ્ચ… વીમંસત્થઞ્ચ દાનત્થઞ્ચ… વીમંસત્થઞ્ચ પુઞ્ઞત્થઞ્ચ… વીમંસત્થઞ્ચ યઞ્ઞત્થઞ્ચ… વીમંસત્થઞ્ચ સગ્ગત્થઞ્ચ… વીમંસત્થઞ્ચ બીજત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
દવત્થઞ્ચ આરોગ્યત્થઞ્ચ…પે॰… દવત્થઞ્ચ સુખત્થઞ્ચ… દવત્થઞ્ચ ભેસજ્જત્થઞ્ચ… દવત્થઞ્ચ દાનત્થઞ્ચ… દવત્થઞ્ચ પુઞ્ઞત્થઞ્ચ… દવત્થઞ્ચ યઞ્ઞત્થઞ્ચ… દવત્થઞ્ચ સગ્ગત્થઞ્ચ… દવત્થઞ્ચ બીજત્થઞ્ચ… દવત્થઞ્ચ વીમંસત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
એકમૂલકસ્સ બદ્ધચક્કં નિટ્ઠિતં.
Ekamūlakassa baddhacakkaṃ niṭṭhitaṃ.
આરોગ્યત્થઞ્ચ સુખત્થઞ્ચ ભેસજ્જત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ…પે॰… આરોગ્યત્થઞ્ચ સુખત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
દુમૂલકસ્સ ખણ્ડચક્કં.
Dumūlakassa khaṇḍacakkaṃ.
સુખત્થઞ્ચ ભેસજ્જત્થઞ્ચ દાનત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ…પે॰… સુખત્થઞ્ચ ભેસજ્જત્થઞ્ચ દવત્થઞ્ચ…પે॰… સુખત્થઞ્ચ ભેસજ્જત્થઞ્ચ આરોગ્યત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
દુમૂલકસ્સ બદ્ધચક્કં સંખિત્તં.
Dumūlakassa baddhacakkaṃ saṃkhittaṃ.
વીમંસત્થઞ્ચ દવત્થઞ્ચ આરોગ્યત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ. વીમંસત્થઞ્ચ દવત્થઞ્ચ બીજત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
દુમૂલકં નિટ્ઠિતં.
Dumūlakaṃ niṭṭhitaṃ.
તિમૂલકમ્પિ ચતુમૂલકમ્પિ પઞ્ચમૂલકમ્પિ છમૂલકમ્પિ સત્તમૂલકમ્પિ અટ્ઠમૂલકમ્પિ નવમૂલકમ્પિ એવમેવ વિત્થારેતબ્બં.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ઇદં સબ્બમૂલકં.
Idaṃ sabbamūlakaṃ.
૨૪૩. આરોગ્યત્થઞ્ચ સુખત્થઞ્ચ ભેસજ્જત્થઞ્ચ દાનત્થઞ્ચ પુઞ્ઞત્થઞ્ચ યઞ્ઞત્થઞ્ચ સગ્ગત્થઞ્ચ બીજત્થઞ્ચ વીમંસત્થઞ્ચ દવત્થઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
સબ્બમૂલકં નિટ્ઠિતં.
Sabbamūlakaṃ niṭṭhitaṃ.
૨૪૪. નીલઞ્ચ પીતકઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
244. Nīlañca pītakañca ceteti upakkamati muccati, āpatti saṅghādisesassa.
નીલઞ્ચ લોહિતકઞ્ચ…પે॰… નીલઞ્ચ ઓદાતઞ્ચ… નીલઞ્ચ તક્કવણ્ણઞ્ચ… નીલઞ્ચ દકવણ્ણઞ્ચ… નીલઞ્ચ તેલવણ્ણઞ્ચ… નીલઞ્ચ ખીરવણ્ણઞ્ચ… નીલઞ્ચ દધિવણ્ણઞ્ચ… નીલઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચત્તિ, આપત્તિ સઙ્ઘાદિસેસસ્સ.
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
એકમૂલકસ્સ ખણ્ડચક્કં નિટ્ઠિતં.
Ekamūlakassa khaṇḍacakkaṃ niṭṭhitaṃ.
૨૪૫. પીતકઞ્ચ લોહિતકઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
245. Pītakañca lohitakañca ceteti upakkamati muccati, āpatti saṅghādisesassa.
પીતકઞ્ચ ઓદાતઞ્ચ…પે॰… પીતકઞ્ચ તક્કવણ્ણઞ્ચ… પીતકઞ્ચ દકવણ્ણઞ્ચ… પીતકઞ્ચ તેલવણ્ણઞ્ચ… પીતકઞ્ચ ખીરવણ્ણઞ્ચ… પીતકઞ્ચ દધિવણ્ણઞ્ચ… પીતકઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
પીતકઞ્ચ નીલઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Pītakañca nīlañca ceteti upakkamati muccati, āpatti saṅghādisesassa.
એકમૂલકસ્સ બદ્ધચક્કં.
Ekamūlakassa baddhacakkaṃ.
૨૪૬. લોહિતકઞ્ચ ઓદાતઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
246. Lohitakañca odātañca ceteti upakkamati muccati, āpatti saṅghādisesassa.
લોહિતકઞ્ચ તક્કવણ્ણઞ્ચ…પે॰… લોહિતકઞ્ચ દકવણ્ણઞ્ચ… લોહિતકઞ્ચ તેલવણ્ણઞ્ચ… લોહિતકઞ્ચ ખીરવણ્ણઞ્ચ… લોહિતકઞ્ચ દધિવણ્ણઞ્ચ… લોહિતકઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
લોહિતકઞ્ચ નીલઞ્ચ…પે॰… લોહિતકઞ્ચ પીતકઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ઓદાતઞ્ચ તક્કવણ્ણઞ્ચ…પે॰… ઓદાતઞ્ચ દકવણ્ણઞ્ચ… ઓદાતઞ્ચ તેલવણ્ણઞ્ચ… ઓદાતઞ્ચ ખીરવણ્ણઞ્ચ… ઓદાતઞ્ચ દધિવણ્ણઞ્ચ… ઓદાતઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ઓદાતઞ્ચ નીલઞ્ચ…પે॰… ઓદાતઞ્ચ પીતકઞ્ચ… ઓદાતઞ્ચ લોહિતકઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
તક્કવણ્ણઞ્ચ દકવણ્ણઞ્ચ…પે॰… તક્કવણ્ણઞ્ચ તેલવણ્ણઞ્ચ… તક્કવણ્ણઞ્ચ ખીરવણ્ણઞ્ચ… તક્કવણ્ણઞ્ચ દધિવણ્ણઞ્ચ… તક્કવણ્ણઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
તક્કવણ્ણઞ્ચ નીલઞ્ચ…પે॰… તક્કવણ્ણઞ્ચ પીતકઞ્ચ… તક્કવણ્ણઞ્ચ લોહિતકઞ્ચ… તક્કવણ્ણઞ્ચ ઓદાતઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
દકવણ્ણઞ્ચ તેલવણ્ણઞ્ચ…પે॰… દકવણ્ણઞ્ચ ખીરવણ્ણઞ્ચ… દકવણ્ણઞ્ચ દધિવણ્ણઞ્ચ… દકવણ્ણઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
દકવણ્ણઞ્ચ નીલઞ્ચ…પે॰… દકવણ્ણઞ્ચ પીતકઞ્ચ… દકવણ્ણઞ્ચ લોહિતકઞ્ચ… દકવણ્ણઞ્ચ ઓદાતઞ્ચ… દકવણ્ણઞ્ચ તક્કવણ્ણઞ્ચ ચેતેતિ ઉપક્કમતિ મુચ્ચતિ , આપત્તિ સઙ્ઘાદિસેસસ્સ.
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
તેલવણ્ણઞ્ચ ખીરવણ્ણઞ્ચ…પે॰… તેલવણ્ણઞ્ચ દધિવણ્ણઞ્ચ… તેલવણ્ણઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
તેલવણ્ણઞ્ચ નીલઞ્ચ…પે॰… તેલવણ્ણઞ્ચ પીતકઞ્ચ… તેલવણ્ણઞ્ચ લોહિતકઞ્ચ… તેલવણ્ણઞ્ચ ઓદાતઞ્ચ… તેલવણ્ણઞ્ચ તક્કવણ્ણઞ્ચ… તેલવણ્ણઞ્ચ દકવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
ખીરવણ્ણઞ્ચ દધિવણ્ણઞ્ચ…પે॰… ખીરવણ્ણઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
ખીરવણ્ણઞ્ચ નીલઞ્ચ…પે॰… ખીરવણ્ણઞ્ચ પીતકઞ્ચ… ખીરવણ્ણઞ્ચ લોહિતકઞ્ચ… ખીરવણ્ણઞ્ચ ઓદાતઞ્ચ… ખીરવણ્ણઞ્ચ તક્કવણ્ણઞ્ચ… ખીરવણ્ણઞ્ચ દકવણ્ણઞ્ચ… ખીરવણ્ણઞ્ચ તેલવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
દધિવણ્ણઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
દધિવણ્ણઞ્ચ નીલઞ્ચ…પે॰… દધિવણ્ણઞ્ચ પીતકઞ્ચ… દધિવણ્ણઞ્ચ લોહિતકઞ્ચ… દધિવણ્ણઞ્ચ ઓદાતઞ્ચ… દધિવણ્ણઞ્ચ તક્કવણ્ણઞ્ચ… દધિવણ્ણઞ્ચ દકવણ્ણઞ્ચ… દધિવણ્ણઞ્ચ તેલવણ્ણઞ્ચ… દધિવણ્ણઞ્ચ ખીરવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
સપ્પિવણ્ણઞ્ચ નીલઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Sappivaṇṇañca nīlañca ceteti upakkamati muccati, āpatti saṅghādisesassa.
સપ્પિવણ્ણઞ્ચ પીતકઞ્ચ…પે॰… સપ્પિવણ્ણઞ્ચ લોહિતકઞ્ચ… સપ્પિવણ્ણઞ્ચ ઓદાતઞ્ચ… સપ્પિવણ્ણઞ્ચ તક્કવણ્ણઞ્ચ… સપ્પિવણ્ણઞ્ચ દકવણ્ણઞ્ચ… સપ્પિવણ્ણઞ્ચ તેલવણ્ણઞ્ચ… સપ્પિવણ્ણઞ્ચ ખીરવણ્ણઞ્ચ … સપ્પિવણ્ણઞ્ચ દધિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
એકમૂલકસ્સ બદ્ધચક્કં નિટ્ઠિતં.
Ekamūlakassa baddhacakkaṃ niṭṭhitaṃ.
નીલઞ્ચ પીતકઞ્ચ લોહિતકઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ…પે॰… નીલઞ્ચ પીતકઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
દુમૂલકસ્સ ખણ્ડચક્કં.
Dumūlakassa khaṇḍacakkaṃ.
પીતકઞ્ચ લોહિતકઞ્ચ ઓદાતઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ…પે॰… પીતકઞ્ચ લોહિતકઞ્ચ સપ્પિવણ્ણઞ્ચ…પે॰… પીતકઞ્ચ લોહિતકઞ્ચ નીલઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
દુમૂલકસ્સ બદ્ધચક્કં સંખિત્તં.
Dumūlakassa baddhacakkaṃ saṃkhittaṃ.
દધિવણ્ણઞ્ચ સપ્પિવણ્ણઞ્ચ નીલઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ…પે॰… દધિવણ્ણઞ્ચ સપ્પિવણ્ણઞ્ચ ખીરવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
દુમૂલકં નિટ્ઠિતં.
Dumūlakaṃ niṭṭhitaṃ.
તિમૂલકમ્પિ ચતુમૂલકમ્પિ પઞ્ચમૂલકમ્પિ છમૂલકમ્પિ સત્તમૂલકમ્પિ અટ્ઠમૂલકમ્પિ નવમૂલકમ્પિ એવમેવ વિત્થારેતબ્બં.
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ઇદં સબ્બમૂલકં.
Idaṃ sabbamūlakaṃ.
૨૪૭. નીલઞ્ચ પીતકઞ્ચ લોહિતકઞ્ચ ઓદાતઞ્ચ તક્કવણ્ણઞ્ચ દકવણ્ણઞ્ચ તેલવણ્ણઞ્ચ ખીરવણ્ણઞ્ચ દધિવણ્ણઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
સબ્બમૂલકં નિટ્ઠિતં.
Sabbamūlakaṃ niṭṭhitaṃ.
૨૪૮. આરોગ્યત્થઞ્ચ નીલઞ્ચ 5 ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
248. Ārogyatthañca nīlañca 6 ceteti upakkamati muccati, āpatti saṅghādisesassa.
આરોગ્યત્થઞ્ચ સુખત્થઞ્ચ નીલઞ્ચ પીતકઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
આરોગ્યત્થઞ્ચ સુખત્થઞ્ચ ભેસજ્જત્થઞ્ચ નીલઞ્ચ પીતકઞ્ચ લોહિતકઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
ઉભતો વડ્ઢકં એવમેવ વડ્ઢેતબ્બં.
Ubhato vaḍḍhakaṃ evameva vaḍḍhetabbaṃ.
આરોગ્યત્થઞ્ચ સુખત્થઞ્ચ ભેસજ્જત્થઞ્ચ દાનત્થઞ્ચ પુઞ્ઞત્થઞ્ચ યઞ્ઞત્થઞ્ચ સગ્ગત્થઞ્ચ બીજત્થઞ્ચ વીમંસત્થઞ્ચ દવત્થઞ્ચ નીલઞ્ચ પીતકઞ્ચ લોહિતકઞ્ચ ઓદાતઞ્ચ તક્કવણ્ણઞ્ચ દકવણ્ણઞ્ચ તેલવણ્ણઞ્ચ ખીરવણ્ણઞ્ચ દધિવણ્ણઞ્ચ સપ્પિવણ્ણઞ્ચ ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
મિસ્સકચક્કં નિટ્ઠિતં.
Missakacakkaṃ niṭṭhitaṃ.
૨૪૯. નીલં મોચેસ્સામીતિ ચેતેતિ ઉપક્કમતિ પીતકં મુચ્ચતિ, આપત્તિ સઙ્ઘાદિસેસસ્સ.
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
નીલં મોચેસ્સામીતિ ચેતેતિ ઉપક્કમતિ લોહિતકં…પે॰… ઓદાતં … તક્કવણ્ણં… દકવણ્ણં… તેલવણ્ણં… ખીરવણ્ણં… દધિવણ્ણં… સપ્પિવણ્ણં મુચ્ચતિ, આપત્તિ સઙ્ઘાદિસેસસ્સ.
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
ખણ્ડચક્કં નિટ્ઠિતં.
Khaṇḍacakkaṃ niṭṭhitaṃ.
૨૫૦. પીતકં મોચેસ્સામીતિ ચેતેતિ ઉપક્કમતિ લોહિતકં મુચ્ચતિ, આપત્તિ સઙ્ઘાદિસેસસ્સ.
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
પીતકં મોચેસ્સામીતિ ચેતેતિ ઉપક્કમતિ ઓદાતં…પે॰… તક્કવણ્ણં… દકવણ્ણં… તેલવણ્ણં… ખીરવણ્ણં… દધિવણ્ણં… સપ્પિવણ્ણં… નીલં મુચ્ચતિ, આપત્તિ સઙ્ઘાદિસેસસ્સ.
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
બદ્ધચક્કમૂલં સંખિત્તં.
Baddhacakkamūlaṃ saṃkhittaṃ.
૨૫૧. સપ્પિવણ્ણં મોચેસ્સામીતિ ચેતેતિ ઉપક્કમતિ નીલં મુચ્ચતિ, આપત્તિ સઙ્ઘાદિસેસસ્સ.
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
સપ્પિવણ્ણં મોચેસ્સામીતિ ચેતેતિ ઉપક્કમતિ પીતકં…પે॰… લોહિતકં… ઓદાતં … તક્કવણ્ણં… દકવણ્ણં… તેલવણ્ણં… ખીરવણ્ણં… દધિવણ્ણં મુચ્ચતિ, આપત્તિ સઙ્ઘાદિસેસસ્સ.
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
કુચ્છિચક્કં નિટ્ઠિતં.
Kucchicakkaṃ niṭṭhitaṃ.
૨૫૨. પીતકં મોચેસ્સામીતિ ચેતેતિ ઉપક્કમતિ નીલં મુચ્ચતિ, આપત્તિ સઙ્ઘાદિસેસસ્સ.
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
લોહિતકં…પે॰… ઓદાતં… તક્કવણ્ણં… દકવણ્ણં… તેલવણ્ણં… ખીરવણ્ણં… દધિવણ્ણં… સપ્પિવણ્ણં મોચેસ્સામીતિ ચેતેતિ ઉપક્કમતિ નીલં મુચ્ચતિ, આપત્તિ સઙ્ઘાદિસેસસ્સ.
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
પિટ્ઠિચક્કસ્સ પઠમં ગમનં નિટ્ઠિતં.
Piṭṭhicakkassa paṭhamaṃ gamanaṃ niṭṭhitaṃ.
૨૫૩. લોહિતકં મોચેસ્સામીતિ ચેતેતિ ઉપક્કમતિ પીતકં મુચ્ચતિ, આપત્તિ સઙ્ઘાદિસેસસ્સ.
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ઓદાતં…પે॰… તક્કવણ્ણં… દકવણ્ણં… તેલવણ્ણં… ખીરવણ્ણં
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… દધિવણ્ણં… સપ્પિવણ્ણં… નીલં મોચેસ્સામીતિ ચેતેતિ ઉપક્કમતિ પીતકં મુચ્ચતિ, આપત્તિ સઙ્ઘાદિસેસસ્સ.
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
પિટ્ઠિચક્કસ્સ દુતિયં ગમનં નિટ્ઠિતં.
Piṭṭhicakkassa dutiyaṃ gamanaṃ niṭṭhitaṃ.
૨૫૪. ઓદાતં મોચેસ્સામીતિ ચેતેતિ ઉપક્કમતિ લોહિતકં મુચ્ચતિ, આપત્તિ સઙ્ઘાદિસેસસ્સ.
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
તક્કવણ્ણં…પે॰… દકવણ્ણં… તેલવણ્ણં… ખીરવણ્ણં… દધિવણ્ણં…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
સપ્પિવણ્ણં… નીલં … પીતકં મોચેસ્સામીતિ ચેતેતિ ઉપક્કમતિ લોહિતકં મુચ્ચતિ, આપત્તિ સઙ્ઘાદિસેસસ્સ.
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
પિટ્ઠિચક્કસ્સ તતિયં ગમનં નિટ્ઠિતં.
Piṭṭhicakkassa tatiyaṃ gamanaṃ niṭṭhitaṃ.
૨૫૫. તક્કવણ્ણં મોચેસ્સામીતિ ચેતેતિ ઉપક્કમતિ ઓદાતં મુચ્ચતિ, આપત્તિ સઙ્ઘાદિસેસસ્સ.
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
દકવણ્ણં…પે॰… તેલવણ્ણં… ખીરવણ્ણં… દધિવણ્ણં… સપ્પિવણ્ણં… નીલં… પીતકં… લોહિતકં મોચેસ્સામીતિ ચેતેતિ ઉપક્કમતિ ઓદાતં મુચ્ચતિ, આપત્તિ સઙ્ઘાદિસેસસ્સ.
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
પિટ્ઠિચક્કસ્સ ચતુત્થં ગમનં નિટ્ઠિતં.
Piṭṭhicakkassa catutthaṃ gamanaṃ niṭṭhitaṃ.
૨૫૬. દકવણ્ણં મોચેસ્સામીતિ ચેતેતિ ઉપક્કમતિ તક્કવણ્ણં મુચ્ચતિ, આપત્તિ સઙ્ઘાદિસેસસ્સ.
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
તેલવણ્ણં …પે॰… ખીરવણ્ણં… દધિવણ્ણં… સપ્પિવણ્ણં… નીલ…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
પીતકં… લોહિતકં… ઓદાતં મોચેસ્સામીતિ ચેતેતિ ઉપક્કમતિ તક્કવણ્ણં મુચ્ચતિ, આપત્તિ સઙ્ઘાદિસેસસ્સ.
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
પિટ્ઠિચક્કસ્સ પઞ્ચમં ગમનં નિટ્ઠિતં.
Piṭṭhicakkassa pañcamaṃ gamanaṃ niṭṭhitaṃ.
૨૫૭. તેલવણ્ણં મોચેસ્સામીતિ ચેતેતિ ઉપક્કમતિ દકવણ્ણં મુચ્ચતિ, આપત્તિ સઙ્ઘાદિસેસસ્સ.
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ખીરવણ્ણં…પે॰… દધિવણ્ણં… સપ્પિવણ્ણં… નીલં … પીતકં… લોહિતકં…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ઓદાતં… તક્કવણ્ણં મોચેસ્સામીતિ ચેતેતિ ઉપક્કમતિ દકવણ્ણં મુચ્ચતિ, આપત્તિ સઙ્ઘાદિસેસસ્સ.
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
પિટ્ઠિચક્કસ્સ છટ્ઠં ગમનં નિટ્ઠિતં.
Piṭṭhicakkassa chaṭṭhaṃ gamanaṃ niṭṭhitaṃ.
૨૫૮. ખીરવણ્ણં મોચેસ્સામીતિ ચેતેતિ ઉપક્કમતિ તેલવણ્ણં મુચ્ચતિ, આપત્તિ સઙ્ઘાદિસેસસ્સ.
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
દધિવણ્ણં…પે॰… સપ્પિવણ્ણં… નીલં… પીતકં… લોહિતકં… ઓદાતં… તક્કવણ્ણં… દકવણ્ણં મોચેસ્સામીતિ ચેતેતિ ઉપક્કમતિ તેલવણ્ણં મુચ્ચતિ, આપત્તિ સઙ્ઘાદિસેસસ્સ.
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
પિટ્ઠિચક્કસ્સ સત્તમં ગમનં નિટ્ઠિતં.
Piṭṭhicakkassa sattamaṃ gamanaṃ niṭṭhitaṃ.
૨૫૯. દધિવણ્ણં મોચેસ્સામીતિ ચેતેતિ ઉપક્કમતિ ખીરવણ્ણં મુચ્ચતિ, આપત્તિ સઙ્ઘાદિસેસસ્સ.
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
સપ્પિવણ્ણં…પે॰… નીલં… પીતકં… લોહિતકં… ઓદાતં… તક્કવણ્ણં… દકવણ્ણં… તેલવણ્ણં મોચેસ્સામીતિ ચેતેતિ ઉપક્કમતિ ખીરવણ્ણં મુચ્ચતિ, આપત્તિ સઙ્ઘાદિસેસસ્સ.
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
પિટ્ઠિચક્કસ્સ અટ્ઠમં ગમનં નિટ્ઠિતં.
Piṭṭhicakkassa aṭṭhamaṃ gamanaṃ niṭṭhitaṃ.
૨૬૦. સપ્પિવણ્ણં મોચેસ્સામીતિ ચેતેતિ ઉપક્કમતિ દધિવણ્ણં મુચ્ચતિ, આપત્તિ સઙ્ઘાદિસેસસ્સ.
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
નીલં…પે॰… પીતકં… લોહિતકં… ઓદાતં… તક્કવણ્ણં… દકવણ્ણં… તેલવણ્ણં… ખીરવણ્ણં મોચેસ્સામીતિ ચેતેતિ ઉપક્કમતિ દધિવણ્ણં મુચ્ચતિ, આપત્તિ સઙ્ઘાદિસેસસ્સ.
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
પિટ્ઠિચક્કસ્સ નવમં ગમનં નિટ્ઠિતં.
Piṭṭhicakkassa navamaṃ gamanaṃ niṭṭhitaṃ.
૨૬૧. નીલં મોચેસ્સામીતિ ચેતેતિ ઉપક્કમતિ સપ્પિવણ્ણં મુચ્ચતિ, આપત્તિ સઙ્ઘાદિસેસસ્સ.
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
પીતકં …પે॰… લોહિતકં… ઓદાતં… તક્કવણ્ણં… દકવણ્ણં … તેલવણ્ણં… ખીરવણ્ણં… દધિવણ્ણં મોચેસ્સામીતિ ચેતેતિ ઉપક્કમતિ સપ્પિવણ્ણં મુચ્ચતિ, આપત્તિ સઙ્ઘાદિસેસસ્સ.
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
પિટ્ઠિચક્કસ્સ દસમં ગમનં નિટ્ઠિતં.
Piṭṭhicakkassa dasamaṃ gamanaṃ niṭṭhitaṃ.
પિટ્ઠિચક્કં નિટ્ઠિતં.
Piṭṭhicakkaṃ niṭṭhitaṃ.
૨૬૨. ચેતેતિ ઉપક્કમતિ મુચ્ચતિ, આપત્તિ સઙ્ઘાદિસેસસ્સ.
262. Ceteti upakkamati muccati, āpatti saṅghādisesassa.
ચેતેતિ ઉપક્કમતિ ન મુચ્ચતિ, આપત્તિ થુલ્લચ્ચયસ્સ.
Ceteti upakkamati na muccati, āpatti thullaccayassa.
ચેતેતિ ન ઉપક્કમતિ મુચ્ચતિ, અનાપત્તિ.
Ceteti na upakkamati muccati, anāpatti.
ચેતેતિ ન ઉપક્કમતિ ન મુચ્ચતિ, અનાપત્તિ.
Ceteti na upakkamati na muccati, anāpatti.
ન ચેતેતિ ઉપક્કમતિ મુચ્ચતિ, અનાપત્તિ.
Na ceteti upakkamati muccati, anāpatti.
ન ચેતેતિ ઉપક્કમતિ ન મુચ્ચતિ, અનાપત્તિ.
Na ceteti upakkamati na muccati, anāpatti.
ન ચેતેતિ ન ઉપક્કમતિ મુચ્ચતિ, અનાપત્તિ.
Na ceteti na upakkamati muccati, anāpatti.
ન ચેતેતિ ન ઉપક્કમતિ ન મુચ્ચતિ, અનાપત્તિ.
Na ceteti na upakkamati na muccati, anāpatti.
અનાપત્તિ સુપિનન્તેન, નમોચનાધિપ્પાયસ્સ, ઉમ્મત્તકસ્સ, ખિત્તચિત્તસ્સ, વેદનાટ્ટસ્સ, આદિકમ્મિકસ્સાતિ.
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
વિનીતવત્થુઉદ્દાનગાથા
Vinītavatthuuddānagāthā
સુપિનોચ્ચારપસ્સાવો , વિતક્કુણ્હોદકેન ચ;
Supinoccārapassāvo , vitakkuṇhodakena ca;
ભેસજ્જં કણ્ડુવં મગ્ગો, વત્થિ જન્તાઘરુપક્કમો 7.
Bhesajjaṃ kaṇḍuvaṃ maggo, vatthi jantāgharupakkamo 8.
સામણેરો ચ સુત્તો ચ, ઊરુ મુટ્ઠિના પીળયિ;
Sāmaṇero ca sutto ca, ūru muṭṭhinā pīḷayi;
આકાસે થમ્ભં નિજ્ઝાયિ, છિદ્દં કટ્ઠેન ઘટ્ટયિ.
Ākāse thambhaṃ nijjhāyi, chiddaṃ kaṭṭhena ghaṭṭayi.
સોતો ઉદઞ્જલં ધાવં, પુપ્ફાવલિયં પોક્ખરં;
Soto udañjalaṃ dhāvaṃ, pupphāvaliyaṃ pokkharaṃ;
વિનીતવત્થુ
Vinītavatthu
૨૬૩. તેન ખો પન સમયેન અઞ્ઞતરસ્સ ભિક્ખુનો સુપિનન્તેન અસુચિ મુચ્ચિ. તસ્સ કુક્કુચ્ચં અહોસિ – ‘‘ભગવતા સિક્ખાપદં પઞ્ઞત્તં, કચ્ચિ નુ ખો અહં સઙ્ઘાદિસેસં આપત્તિં આપન્નો’’તિ? ભગવતો એતમત્થં આરોચેસિ. ‘‘અનાપત્તિ, ભિક્ખુ, સુપિનન્તેના’’તિ.
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
તેન ખો પન સમયેન અઞ્ઞતરસ્સ ભિક્ખુનો ઉચ્ચારં કરોન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘કિંચિત્તો ત્વં, ભિક્ખૂ’’તિ? ‘‘નાહં, ભગવા, મોચનાધિપ્પાયો’’તિ. ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો પસ્સાવં કરોન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો કામવિતક્કં વિતક્કેન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, વિતક્કેન્તસ્સા’’તિ.
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
તેન ખો પન સમયેન અઞ્ઞતરસ્સ ભિક્ખુનો ઉણ્હોદકેન ન્હાયન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘કિંચિત્તો ત્વં, ભિક્ખૂ’’તિ? ‘‘નાહં, ભગવા, મોચનાધિપ્પાયો’’તિ. ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ ઉણ્હોદકેન ન્હાયન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘આપત્તિં ત્વં, ભિક્ખુ, આપન્નો સઙ્ઘાદિસેસ’’ન્તિ.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ ઉણ્હોદકેન ન્હાયન્તસ્સ અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો અઙ્ગજાતે વણો હોતિ. ભેસજ્જેન 11 આલિમ્પેન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો અઙ્ગજાતે વણો હોતિ. મોચનાધિપ્પાયસ્સ 13 ભેસજ્જેન આલિમ્પેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો અણ્ડં કણ્ડુવન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ , ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ અણ્ડં કણ્ડુવન્તસ્સ 15 અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
૨૬૪. તેન ખો પન સમયેન અઞ્ઞતરસ્સ ભિક્ખુનો મગ્ગં ગચ્છન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ મગ્ગં ગચ્છન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો વત્થિં ગહેત્વા પસ્સાવં કરોન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ વત્થિં ગહેત્વા પસ્સાવં કરોન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો જન્તાઘરે ઉદરવટ્ટિં તાપેન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ જન્તાઘરે ઉદરવટ્ટિં તાપેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો જન્તાઘરે ઉપજ્ઝાયસ્સ પિટ્ઠિપરિકમ્મં કરોન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ જન્તાઘરે ઉપજ્ઝાયસ્સ પિટ્ઠિપરિકમ્મં કરોન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
૨૬૫. તેન ખો પન સમયેન અઞ્ઞતરસ્સ ભિક્ખુનો ઊરું ઘટ્ટાપેન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ ઊરું ઘટ્ટાપેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરો ભિક્ખુ મોચનાધિપ્પાયો અઞ્ઞતરં સામણેરં એતદવોચ – ‘‘એહિ મે ત્વં, આવુસો સામણેર, અઙ્ગજાતં ગણ્હાહી’’તિ. સો તસ્સ અઙ્ગજાતં અગ્ગહેસિ. તસ્સેવ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘આપત્તિં ત્વં, ભિક્ખુ, આપન્નો સઙ્ઘાદિસેસ’’ન્તિ.
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
તેન ખો પન સમયેન અઞ્ઞતરો ભિક્ખુ સુત્તસ્સ સામણેરસ્સ અઙ્ગજાતં અગ્ગહેસિ. તસ્સેવ અસુચિ મુચ્ચિ. તસ્સ કુક્કુચ્ચં અહોસિ …પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ દુક્કટસ્સા’’તિ.
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
૨૬૬. તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ ઊરૂહિ અઙ્ગજાતં પીળેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ મુટ્ઠિના અઙ્ગજાતં પીળેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ આકાસે કટિં કમ્પેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો કાયં થમ્ભેન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ કાયં થમ્ભેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરો ભિક્ખુ સારત્તો માતુગામસ્સ અઙ્ગજાતં ઉપનિજ્ઝાયિ. તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ. ન ચ, ભિક્ખવે, સારત્તેન માતુગામસ્સ અઙ્ગજાતં ઉપનિજ્ઝાયિતબ્બં. યો ઉપનિજ્ઝાયેય્ય, આપત્તિ દુક્કટસ્સા’’તિ.
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
૨૬૭. તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ તાળચ્છિદ્દં અઙ્ગજાતં પવેસેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ કટ્ઠેન અઙ્ગજાતં ઘટ્ટેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો પટિસોતે ન્હાયન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ પટિસોતે ન્હાયન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો ઉદઞ્જલં કીળન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ ઉદઞ્જલં કીળન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો ઉદકે ધાવન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ ઉદકે ધાવન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો પુપ્ફાવલિયં 17 કીળન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ પુપ્ફાવલિયં કીળન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
૨૬૮. તેન ખો પન સમયેન અઞ્ઞતરસ્સ ભિક્ખુનો પોક્ખરવને ધાવન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ પોક્ખરવને ધાવન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ વાલિકં અઙ્ગજાતં પવેસેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ કદ્દમં અઙ્ગજાતં પવેસેન્તસ્સ અસુચિ મુચ્ચિ…પે॰… અસુચિ ન મુચ્ચિ . તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો ઉદકેન અઙ્ગજાતં ઓસિઞ્ચન્તસ્સ અસુચિ મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, નમોચનાધિપ્પાયસ્સા’’તિ.
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ ઉદકેન અઙ્ગજાતં ઓસિઞ્ચન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ સયને અઙ્ગજાતં ઘટ્ટેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ…પે॰… ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
તેન ખો પન સમયેન અઞ્ઞતરસ્સ ભિક્ખુનો મોચનાધિપ્પાયસ્સ અઙ્ગુટ્ઠેન અઙ્ગજાતં ઘટ્ટેન્તસ્સ અસુચિ મુચ્ચિ…પે॰… અસુચિ ન મુચ્ચિ. તસ્સ કુક્કુચ્ચં અહોસિ – ‘‘ભગવતા સિક્ખાપદં પઞ્ઞત્તં, કચ્ચિ નુ ખો અહં સઙ્ઘાદિસેસં આપત્તિં આપન્નો’’તિ? ભગવતો એતમત્થં આરોચેસિ. ‘‘અનાપત્તિ, ભિક્ખુ, સઙ્ઘાદિસેસસ્સ; આપત્તિ થુલ્લચ્ચયસ્સા’’તિ.
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
સુક્કવિસ્સટ્ઠિસિક્ખાપદં નિટ્ઠિતં પઠમં.
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૧. સુક્કવિસ્સટ્ઠિસિક્ખાપદવણ્ણના • 1. Sukkavissaṭṭhisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૧. સુક્કવિસ્સટ્ઠિસિક્ખાપદવણ્ણના • 1. Sukkavissaṭṭhisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૧. સુક્કવિસ્સટ્ઠિસિક્ખાપદવણ્ણના • 1. Sukkavissaṭṭhisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૧. સુક્કવિસ્સટ્ઠિસિક્ખાપદવણ્ણના • 1. Sukkavissaṭṭhisikkhāpadavaṇṇanā
