| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੪. ਸੁਖੁਮਪਞ੍ਹੋ
14. Sukhumapañho
੧੪. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਸਕ੍ਕਾ ਸਬ੍ਬਂ ਸੁਖੁਮਂ ਛਿਨ੍ਦਿਤੁ’’ਨ੍ਤਿ? ‘‘ਆਮ, ਮਹਾਰਾਜ, ਸਕ੍ਕਾ ਸਬ੍ਬਂ ਸੁਖੁਮਂ ਛਿਨ੍ਦਿਤੁ’’ਨ੍ਤਿ। ‘‘ਕਿਂ ਪਨ, ਭਨ੍ਤੇ, ਸਬ੍ਬਂ ਸੁਖੁਮ’’ਨ੍ਤਿ? ‘‘ਧਮ੍ਮੋ ਖੋ, ਮਹਾਰਾਜ, ਸਬ੍ਬਸੁਖੁਮੋ, ਨ ਖੋ, ਮਹਾਰਾਜ, ਧਮ੍ਮਾ ਸਬ੍ਬੇ ਸੁਖੁਮਾ, ‘ਸੁਖੁਮ’ਨ੍ਤਿ વਾ ‘ਥੂਲ’ਨ੍ਤਿ વਾ ਧਮ੍ਮਾਨਮੇਤਮਧਿવਚਨਂ। ਯਂ ਕਿਞ੍ਚਿ ਛਿਨ੍ਦਿਤਬ੍ਬਂ, ਸਬ੍ਬਂ ਤਂ ਪਞ੍ਞਾਯ ਛਿਨ੍ਦਤਿ, ਨਤ੍ਥਿ ਦੁਤਿਯਂ ਪਞ੍ਞਾਯ ਛੇਦਨ’’ਨ੍ਤਿ।
14. Rājā āha ‘‘bhante nāgasena, sakkā sabbaṃ sukhumaṃ chinditu’’nti? ‘‘Āma, mahārāja, sakkā sabbaṃ sukhumaṃ chinditu’’nti. ‘‘Kiṃ pana, bhante, sabbaṃ sukhuma’’nti? ‘‘Dhammo kho, mahārāja, sabbasukhumo, na kho, mahārāja, dhammā sabbe sukhumā, ‘sukhuma’nti vā ‘thūla’nti vā dhammānametamadhivacanaṃ. Yaṃ kiñci chinditabbaṃ, sabbaṃ taṃ paññāya chindati, natthi dutiyaṃ paññāya chedana’’nti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਸੁਖੁਮਪਞ੍ਹੋ ਚੁਦ੍ਦਸਮੋ।
Sukhumapañho cuddasamo.
