| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
១៤. សុខុមបញ្ហោ
14. Sukhumapañho
១៤. រាជា អាហ ‘‘ភន្តេ នាគសេន, សក្កា សព្ពំ សុខុមំ ឆិន្ទិតុ’’ន្តិ? ‘‘អាម, មហារាជ, សក្កា សព្ពំ សុខុមំ ឆិន្ទិតុ’’ន្តិ។ ‘‘កិំ បន, ភន្តេ, សព្ពំ សុខុម’’ន្តិ? ‘‘ធម្មោ ខោ, មហារាជ, សព្ពសុខុមោ, ន ខោ, មហារាជ, ធម្មា សព្ពេ សុខុមា, ‘សុខុម’ន្តិ វា ‘ថូល’ន្តិ វា ធម្មានមេតមធិវចនំ។ យំ កិញ្ចិ ឆិន្ទិតព្ពំ, សព្ពំ តំ បញ្ញាយ ឆិន្ទតិ, នត្ថិ ទុតិយំ បញ្ញាយ ឆេទន’’ន្តិ។
14. Rājā āha ‘‘bhante nāgasena, sakkā sabbaṃ sukhumaṃ chinditu’’nti? ‘‘Āma, mahārāja, sakkā sabbaṃ sukhumaṃ chinditu’’nti. ‘‘Kiṃ pana, bhante, sabbaṃ sukhuma’’nti? ‘‘Dhammo kho, mahārāja, sabbasukhumo, na kho, mahārāja, dhammā sabbe sukhumā, ‘sukhuma’nti vā ‘thūla’nti vā dhammānametamadhivacanaṃ. Yaṃ kiñci chinditabbaṃ, sabbaṃ taṃ paññāya chindati, natthi dutiyaṃ paññāya chedana’’nti.
‘‘កល្លោសិ, ភន្តេ នាគសេនា’’តិ។
‘‘Kallosi, bhante nāgasenā’’ti.
សុខុមបញ្ហោ ចុទ្ទសមោ។
Sukhumapañho cuddasamo.
