| Library / Tipiṭaka / திபிடக • Tipiṭaka / இதிவுத்தகபாளி • Itivuttakapāḷi |
2. ஸுக²விஹாரஸுத்தங்
2. Sukhavihārasuttaṃ
29. வுத்தஞ்ஹேதங் ப⁴க³வதா, வுத்தமரஹதாதி மே ஸுதங் –
29. Vuttañhetaṃ bhagavatā, vuttamarahatāti me sutaṃ –
‘‘த்³வீஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² தி³ட்டே²வ த⁴ம்மே ஸுக²ங் விஹரதி அவிகா⁴தங் அனுபாயாஸங் அபரிளாஹங்; காயஸ்ஸ பே⁴தா³ பரங் மரணா ஸுக³தி பாடிகங்கா² . கதமேஹி த்³வீஹி? இந்த்³ரியேஸு கு³த்தத்³வாரதாய ச, போ⁴ஜனே மத்தஞ்ஞுதாய ச. இமேஹி கோ², பி⁴க்க²வே, த்³வீஹி த⁴ம்மேஹி ஸமன்னாக³தோ பி⁴க்கு² தி³ட்டே²வ த⁴ம்மே ஸுக²ங் விஹரதி அவிகா⁴தங் அனுபாயாஸங் அபரிளாஹங்; காயஸ்ஸ பே⁴தா³ பரங் மரணா ஸுக³தி பாடிகங்கா²’’தி. ஏதமத்த²ங் ப⁴க³வா அவோச. தத்தே²தங் இதி வுச்சதி –
‘‘Dvīhi, bhikkhave, dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā . Katamehi dvīhi? Indriyesu guttadvāratāya ca, bhojane mattaññutāya ca. Imehi kho, bhikkhave, dvīhi dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā’’ti. Etamatthaṃ bhagavā avoca. Tatthetaṃ iti vuccati –
‘‘சக்கு² ஸோதஞ்ச கா⁴னஞ்ச, ஜிவ்ஹா காயோ ததா² 1 மனோ;
‘‘Cakkhu sotañca ghānañca, jivhā kāyo tathā 2 mano;
ஏதானி யஸ்ஸ த்³வாரானி, ஸுகு³த்தானித⁴ பி⁴க்கு²னோ.
Etāni yassa dvārāni, suguttānidha bhikkhuno.
‘‘போ⁴ஜனம்ஹி ச மத்தஞ்ஞூ, இந்த்³ரியேஸு ச ஸங்வுதோ;
‘‘Bhojanamhi ca mattaññū, indriyesu ca saṃvuto;
காயஸுக²ங் சேதோஸுக²ங், ஸுக²ங் ஸோ அதி⁴க³ச்ச²தி.
Kāyasukhaṃ cetosukhaṃ, sukhaṃ so adhigacchati.
‘‘அட³ய்ஹமானேன காயேன, அட³ய்ஹமானேன சேதஸா;
‘‘Aḍayhamānena kāyena, aḍayhamānena cetasā;
தி³வா வா யதி³ வா ரத்திங், ஸுக²ங் விஹரதி தாதி³ஸோ’’தி.
Divā vā yadi vā rattiṃ, sukhaṃ viharati tādiso’’ti.
அயம்பி அத்தோ² வுத்தோ ப⁴க³வதா, இதி மே ஸுதந்தி. து³தியங்.
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / இதிவுத்தக-அட்ட²கதா² • Itivuttaka-aṭṭhakathā / 2. ஸுக²விஹாரஸுத்தவண்ணனா • 2. Sukhavihārasuttavaṇṇanā
