| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
२. सुखसुत्तं
2. Sukhasuttaṃ
२५०. ‘‘तिस्सो इमा, भिक्खवे, वेदना। कतमा तिस्सो? सुखा वेदना, दुक्खा वेदना, अदुक्खमसुखा वेदना – इमा खो, भिक्खवे, तिस्सो वेदनाति।
250. ‘‘Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā – imā kho, bhikkhave, tisso vedanāti.
‘‘सुखं वा यदि वा दुक्खं, अदुक्खमसुखं सह।
‘‘Sukhaṃ vā yadi vā dukkhaṃ, adukkhamasukhaṃ saha;
अज्झत्तञ्च बहिद्धा च, यं किञ्चि अत्थि वेदितं॥
Ajjhattañca bahiddhā ca, yaṃ kiñci atthi veditaṃ.
‘‘एतं दुक्खन्ति ञत्वान, मोसधम्मं पलोकिनं।
‘‘Etaṃ dukkhanti ñatvāna, mosadhammaṃ palokinaṃ;
फुस्स फुस्स वयं पस्सं, एवं तत्थ विरज्जती’’ति॥ दुतियं।
Phussa phussa vayaṃ passaṃ, evaṃ tattha virajjatī’’ti. dutiyaṃ;
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २. सुखसुत्तवण्णना • 2. Sukhasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २. सुखसुत्तवण्णना • 2. Sukhasuttavaṇṇanā
