| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၁၆. သောဠသမဝဂ္ဂော
16. Soḷasamavaggo
(၁၅၈) ၃. သုခာနုပ္ပဒာနကထာ
(158) 3. Sukhānuppadānakathā
၇၄၇. ပရော ပရသ္သ သုခံ အနုပ္ပဒေတီတိ? အာမန္တာ။ ပရော ပရသ္သ ဒုက္ခံ အနုပ္ပဒေတီတိ? န ဟေဝံ ဝတ္တဗ္ဗေ။ပေ.။ ပရော ပရသ္သ ဒုက္ခံ န အနုပ္ပဒေတီတိ? အာမန္တာ။ ပရော ပရသ္သ သုခံ န အနုပ္ပဒေတီတိ? န ဟေဝံ ဝတ္တဗ္ဗေ။ပေ.။ ပရော ပရသ္သ သုခံ အနုပ္ပဒေတီတိ? အာမန္တာ။ ပရော ပရသ္သ အတ္တနော သုခံ အနုပ္ပဒေတိ, အညေသံ သုခံ အနုပ္ပဒေတိ, တသ္သ သုခံ အနုပ္ပဒေတီတိ? န ဟေဝံ ဝတ္တဗ္ဗေ။ပေ.။ ပရော ပရသ္သ နေဝတ္တနော, န အညေသံ, န တသ္သ သုခံ အနုပ္ပဒေတီတိ? အာမန္တာ။ ဟဉ္စိ ပရော ပရသ္သ နေဝတ္တနော, န အညေသံ, န တသ္သ သုခံ အနုပ္ပဒေတိ, နော စ ဝတ ရေ ဝတ္တဗ္ဗေ – ‘‘ပရော ပရသ္သ သုခံ အနုပ္ပဒေတီ’’တိ။
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
ပရော ပရသ္သ သုခံ အနုပ္ပဒေတီတိ? အာမန္တာ။ အညော အညသ္သ ကာရကော, ပရင္ကတံ သုခံ ဒုက္ခံ အညော ကရောတိ အညော ပဋိသံဝေဒေတီတိ? န ဟေဝံ ဝတ္တဗ္ဗေ။ပေ.။။
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
၇၄၈. န ဝတ္တဗ္ဗံ – ‘‘ပရော ပရသ္သ သုခံ အနုပ္ပဒေတီ’’တိ? အာမန္တာ။ နနု အာယသ္မာ ဥဒာယီ ဧတဒဝောစ – ‘‘ဗဟူနံ ဝတ နော ဘဂဝာ ဒုက္ခဓမ္မာနံ အပဟတ္တာ, ဗဟူနံ ဝတ နော ဘဂဝာ သုခဓမ္မာနံ ဥပဟတ္တာ, ဗဟူနံ ဝတ နော ဘဂဝာ အကုသလာနံ ဓမ္မာနံ အပဟတ္တာ, ဗဟူနံ ဝတ နော ဘဂဝာ ကုသလာနံ ဓမ္မာနံ ဥပဟတ္တာ’’တိ 1! အတ္ထေဝ သုတ္တန္တောတိ? အာမန္တာ။ တေန ဟိ ပရော ပရသ္သ သုခံ အနုပ္ပဒေတီတိ။
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
သုခာနုပ္ပဒာနကထာ နိဋ္ဌိတာ။
Sukhānuppadānakathā niṭṭhitā.
Footnotes:
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၃. သုခာနုပ္ပဒာနကထာဝဏ္ဏနာ • 3. Sukhānuppadānakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၃. သုခာနုပ္ပဒာနကထာဝဏ္ဏနာ • 3. Sukhānuppadānakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၃. သုခာနုပ္ပဒာနကထာဝဏ္ဏနာ • 3. Sukhānuppadānakathāvaṇṇanā
