| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৬. সোল়সমৰগ্গো
16. Soḷasamavaggo
(১৫৮) ৩. সুখানুপ্পদানকথা
(158) 3. Sukhānuppadānakathā
৭৪৭. পরো পরস্স সুখং অনুপ্পদেতীতি? আমন্তা। পরো পরস্স দুক্খং অনুপ্পদেতীতি? ন হেৰং ৰত্তব্বে…পে॰… পরো পরস্স দুক্খং ন অনুপ্পদেতীতি? আমন্তা। পরো পরস্স সুখং ন অনুপ্পদেতীতি? ন হেৰং ৰত্তব্বে…পে॰… পরো পরস্স সুখং অনুপ্পদেতীতি? আমন্তা। পরো পরস্স অত্তনো সুখং অনুপ্পদেতি, অঞ্ঞেসং সুখং অনুপ্পদেতি, তস্স সুখং অনুপ্পদেতীতি? ন হেৰং ৰত্তব্বে…পে॰… পরো পরস্স নেৰত্তনো, ন অঞ্ঞেসং, ন তস্স সুখং অনুপ্পদেতীতি? আমন্তা। হঞ্চি পরো পরস্স নেৰত্তনো, ন অঞ্ঞেসং, ন তস্স সুখং অনুপ্পদেতি, নো চ ৰত রে ৰত্তব্বে – ‘‘পরো পরস্স সুখং অনুপ্পদেতী’’তি।
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
পরো পরস্স সুখং অনুপ্পদেতীতি? আমন্তা। অঞ্ঞো অঞ্ঞস্স কারকো, পরঙ্কতং সুখং দুক্খং অঞ্ঞো করোতি অঞ্ঞো পটিসংৰেদেতীতি? ন হেৰং ৰত্তব্বে…পে॰…।
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
৭৪৮. ন ৰত্তব্বং – ‘‘পরো পরস্স সুখং অনুপ্পদেতী’’তি? আমন্তা। ননু আযস্মা উদাযী এতদৰোচ – ‘‘বহূনং ৰত নো ভগৰা দুক্খধম্মানং অপহত্তা, বহূনং ৰত নো ভগৰা সুখধম্মানং উপহত্তা, বহূনং ৰত নো ভগৰা অকুসলানং ধম্মানং অপহত্তা, বহূনং ৰত নো ভগৰা কুসলানং ধম্মানং উপহত্তা’’তি 1! অত্থেৰ সুত্তন্তোতি? আমন্তা। তেন হি পরো পরস্স সুখং অনুপ্পদেতীতি।
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
সুখানুপ্পদানকথা নিট্ঠিতা।
Sukhānuppadānakathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৩. সুখানুপ্পদানকথাৰণ্ণনা • 3. Sukhānuppadānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. সুখানুপ্পদানকথাৰণ্ণনা • 3. Sukhānuppadānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. সুখানুপ্পদানকথাৰণ্ণনা • 3. Sukhānuppadānakathāvaṇṇanā
