9. Sukatāveḷiyattheraapadānaṃ

43.

‘‘Asito nāma nāmena, mālākāro ahaṃ ² tadā;

Āveḷaṃ paggahetvāna, rañño dātuṃ vajāmahaṃ.

44.

‘‘Asampattomhi ⁴ rājānaṃ, addasaṃ sikhināyakaṃ;

Haṭṭho haṭṭhena cittena, buddhassa abhiropayiṃ.

45.

‘‘Ekattiṃse ito kappe, yaṃ pupphamabhipūjayiṃ;

Duggatiṃ nābhijānāmi, buddhapūjāyidaṃ phalaṃ.

46.

‘‘Pañcavīse ito kappe, rājāhosiṃ mahabbalo;

Vebhāro nāma nāmena, cakkavattī mahabbalo.

47.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā sukatāveḷiyo thero imā gāthāyo abhāsitthāti.

Sukatāveḷiyattherassāpadānaṃ navamaṃ.