| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༡༠. སུགཏཝིནཡསུཏྟཝཎྞནཱ
10. Sugatavinayasuttavaṇṇanā
༡༦༠. དསམེ ཝལ༹ཉྫེནྟཱིཏི སཛ྄ཛྷཱཡནྟི ཙེཝ ཝཱཙུགྒཏཾ ཀརོནྟཱ དྷཱརེནྟི ཙ། ཨཝིགཏཏཎྷཏཱཡ ཏཾ ཏཾ པརིཀྑཱརཛཱཏཾ བཧུམྤི ཨཱདིཡནྟཱིཏི བཧུལཱ, ཏེ ཨེཝ བཱཧུལིཀཱ ཡཐཱ ‘‘ཝེནཡིཀོ’’ཏི (མ॰ ནི॰ ༡.༢༤༦; ཨ॰ ནི॰ ༨.༡༡; པཱརཱ॰ ༨)། ཏེ པན ཡསྨཱ པཙྩཡབཧུལབྷཱཝཱ ཡུཏྟཔྤཡུཏྟཱ ནཱམ ཧོནྟི, ཏསྨཱ ཨཱཧ ‘‘པཙྩཡབཱཧུལླཱཡ པཊིཔནྣཱ’’ཏི། སིཐིལཾ གཎྷནྟཱིཏི སཱཐལིཀཱ, སིཀྑཱཡ ཨཱདརགཱརཝཱབྷཱཝེན སིཐིལཾ ཨདལ༹ྷཾ གཎྷནྟཱིཏི ཨཏྠོ། སིཐིལནྟི ཙ བྷཱཝནཔུཾསཀནིདྡེསོ, སིཐིལ-སདྡེན ཝཱ སམཱནཏྠསྶ སཱཐལསདྡསྶ ཝསེན སཱཐལིཀཱཏི པདསིདྡྷི ཝེདིཏབྦཱ། ཨཝགམནཏོཏི ཨདྷོགམནཏོ, ཨོརམྦྷཱགིཡབྷཱཝཏོཏི ཨཏྠོ། ནིབྦཱིརིཡཱཏི ཨུཛ྄ཛྷིཏུསྶཱཧཱ ཏདདྷིགམཱཡ ཨཱརམྦྷམྤི ཨཀུརུམཱནཱ།
160. Dasame vaḷañjentīti sajjhāyanti ceva vācuggataṃ karontā dhārenti ca. Avigatataṇhatāya taṃ taṃ parikkhārajātaṃ bahumpi ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te pana yasmā paccayabahulabhāvā yuttappayuttā nāma honti, tasmā āha ‘‘paccayabāhullāya paṭipannā’’ti. Sithilaṃ gaṇhantīti sāthalikā, sikkhāya ādaragāravābhāvena sithilaṃ adaḷhaṃ gaṇhantīti attho. Sithilanti ca bhāvanapuṃsakaniddeso, sithila-saddena vā samānatthassa sāthalasaddassa vasena sāthalikāti padasiddhi veditabbā. Avagamanatoti adhogamanato, orambhāgiyabhāvatoti attho. Nibbīriyāti ujjhitussāhā tadadhigamāya ārambhampi akurumānā.
སུགཏཝིནཡསུཏྟཝཎྞནཱ ནིཊྛིཏཱ།
Sugatavinayasuttavaṇṇanā niṭṭhitā.
ཨིནྡྲིཡཝགྒཝཎྞནཱ ནིཊྛིཏཱ།
Indriyavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. སུགཏཝིནཡསུཏྟཾ • 10. Sugatavinayasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. སུགཏཝིནཡསུཏྟཝཎྞནཱ • 10. Sugatavinayasuttavaṇṇanā
