| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
47. සුද්ධිනිද්දෙසො
47. Suddhiniddeso
සුද්ධීති –
Suddhīti –
455.
455.
දෙසනා සංවරො එට්ඨිපච්චවෙක්ඛණ භෙදතො;
Desanā saṃvaro eṭṭhipaccavekkhaṇa bhedato;
සුද්ධී චතුබ්බිධා පාතිමොක්ඛසංවරසම්මතං;
Suddhī catubbidhā pātimokkhasaṃvarasammataṃ;
දෙසනාය විසුද්ධත්තා, දෙසනාසුද්ධි වුච්චති.
Desanāya visuddhattā, desanāsuddhi vuccati.
456.
456.
‘‘න පුනෙවං කරිස්ස’’න්ති, චිත්තාධිට්ඨානසංවරා;
‘‘Na punevaṃ karissa’’nti, cittādhiṭṭhānasaṃvarā;
වුත්තො සංවරසුද්ධීති, සුජ්ඣතින්ද්රියසංවරො.
Vutto saṃvarasuddhīti, sujjhatindriyasaṃvaro.
457.
457.
පහායානෙසනං ධම්මෙනුප්පාදෙන්තස්ස එට්ඨියා;
Pahāyānesanaṃ dhammenuppādentassa eṭṭhiyā;
සුද්ධත්තා එට්ඨිසුද්ධීති, වුත්තමාජීවනිස්සිතං.
Suddhattā eṭṭhisuddhīti, vuttamājīvanissitaṃ.
458.
458.
යොනිසො පටිසඞ්ඛාය, චීවරං පටිසෙවති;
Yoniso paṭisaṅkhāya, cīvaraṃ paṭisevati;
එවමාදියථාවුත්ත-පච්චවෙක්ඛණසුජ්ඣනා;
Evamādiyathāvutta-paccavekkhaṇasujjhanā;
පච්චවෙක්ඛණසුද්ධීති, වුත්තං පච්චයනිස්සිතන්ති.
Paccavekkhaṇasuddhīti, vuttaṃ paccayanissitanti.
