| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೪೭. ಸುದ್ಧಿನಿದ್ದೇಸೋ
47. Suddhiniddeso
ಸುದ್ಧೀತಿ –
Suddhīti –
೪೫೫.
455.
ದೇಸನಾ ಸಂವರೋ ಏಟ್ಠಿಪಚ್ಚವೇಕ್ಖಣ ಭೇದತೋ।
Desanā saṃvaro eṭṭhipaccavekkhaṇa bhedato;
ಸುದ್ಧೀ ಚತುಬ್ಬಿಧಾ ಪಾತಿಮೋಕ್ಖಸಂವರಸಮ್ಮತಂ।
Suddhī catubbidhā pātimokkhasaṃvarasammataṃ;
ದೇಸನಾಯ ವಿಸುದ್ಧತ್ತಾ, ದೇಸನಾಸುದ್ಧಿ ವುಚ್ಚತಿ॥
Desanāya visuddhattā, desanāsuddhi vuccati.
೪೫೬.
456.
‘‘ನ ಪುನೇವಂ ಕರಿಸ್ಸ’’ನ್ತಿ, ಚಿತ್ತಾಧಿಟ್ಠಾನಸಂವರಾ।
‘‘Na punevaṃ karissa’’nti, cittādhiṭṭhānasaṃvarā;
ವುತ್ತೋ ಸಂವರಸುದ್ಧೀತಿ, ಸುಜ್ಝತಿನ್ದ್ರಿಯಸಂವರೋ॥
Vutto saṃvarasuddhīti, sujjhatindriyasaṃvaro.
೪೫೭.
457.
ಪಹಾಯಾನೇಸನಂ ಧಮ್ಮೇನುಪ್ಪಾದೇನ್ತಸ್ಸ ಏಟ್ಠಿಯಾ।
Pahāyānesanaṃ dhammenuppādentassa eṭṭhiyā;
ಸುದ್ಧತ್ತಾ ಏಟ್ಠಿಸುದ್ಧೀತಿ, ವುತ್ತಮಾಜೀವನಿಸ್ಸಿತಂ॥
Suddhattā eṭṭhisuddhīti, vuttamājīvanissitaṃ.
೪೫೮.
458.
ಯೋನಿಸೋ ಪಟಿಸಙ್ಖಾಯ, ಚೀವರಂ ಪಟಿಸೇವತಿ।
Yoniso paṭisaṅkhāya, cīvaraṃ paṭisevati;
ಏವಮಾದಿಯಥಾವುತ್ತ-ಪಚ್ಚವೇಕ್ಖಣಸುಜ್ಝನಾ।
Evamādiyathāvutta-paccavekkhaṇasujjhanā;
ಪಚ್ಚವೇಕ್ಖಣಸುದ್ಧೀತಿ, ವುತ್ತಂ ಪಚ್ಚಯನಿಸ್ಸಿತನ್ತಿ॥
Paccavekkhaṇasuddhīti, vuttaṃ paccayanissitanti.
