| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๔๗. สุทฺธินิเทฺทโส
47. Suddhiniddeso
สุทฺธีติ –
Suddhīti –
๔๕๕.
455.
เทสนา สํวโร เอฎฺฐิปจฺจเวกฺขณ เภทโต;
Desanā saṃvaro eṭṭhipaccavekkhaṇa bhedato;
สุทฺธี จตุพฺพิธา ปาติโมกฺขสํวรสมฺมตํ;
Suddhī catubbidhā pātimokkhasaṃvarasammataṃ;
เทสนาย วิสุทฺธตฺตา, เทสนาสุทฺธิ วุจฺจติฯ
Desanāya visuddhattā, desanāsuddhi vuccati.
๔๕๖.
456.
‘‘น ปุเนวํ กริสฺส’’นฺติ, จิตฺตาธิฎฺฐานสํวรา;
‘‘Na punevaṃ karissa’’nti, cittādhiṭṭhānasaṃvarā;
วุโตฺต สํวรสุทฺธีติ, สุชฺฌตินฺทฺริยสํวโรฯ
Vutto saṃvarasuddhīti, sujjhatindriyasaṃvaro.
๔๕๗.
457.
ปหายาเนสนํ ธเมฺมนุปฺปาเทนฺตสฺส เอฎฺฐิยา;
Pahāyānesanaṃ dhammenuppādentassa eṭṭhiyā;
สุทฺธตฺตา เอฎฺฐิสุทฺธีติ, วุตฺตมาชีวนิสฺสิตํฯ
Suddhattā eṭṭhisuddhīti, vuttamājīvanissitaṃ.
๔๕๘.
458.
โยนิโส ปฎิสงฺขาย, จีวรํ ปฎิเสวติ;
Yoniso paṭisaṅkhāya, cīvaraṃ paṭisevati;
เอวมาทิยถาวุตฺต-ปจฺจเวกฺขณสุชฺฌนา;
Evamādiyathāvutta-paccavekkhaṇasujjhanā;
ปจฺจเวกฺขณสุทฺธีติ, วุตฺตํ ปจฺจยนิสฺสิตนฺติฯ
Paccavekkhaṇasuddhīti, vuttaṃ paccayanissitanti.
