| Library / Tipiṭaka / તિપિટક • Tipiṭaka / ખુદ્દસિક્ખા-મૂલસિક્ખા • Khuddasikkhā-mūlasikkhā |
૪૭. સુદ્ધિનિદ્દેસો
47. Suddhiniddeso
સુદ્ધીતિ –
Suddhīti –
૪૫૫.
455.
દેસના સંવરો એટ્ઠિપચ્ચવેક્ખણ ભેદતો;
Desanā saṃvaro eṭṭhipaccavekkhaṇa bhedato;
સુદ્ધી ચતુબ્બિધા પાતિમોક્ખસંવરસમ્મતં;
Suddhī catubbidhā pātimokkhasaṃvarasammataṃ;
દેસનાય વિસુદ્ધત્તા, દેસનાસુદ્ધિ વુચ્ચતિ.
Desanāya visuddhattā, desanāsuddhi vuccati.
૪૫૬.
456.
‘‘ન પુનેવં કરિસ્સ’’ન્તિ, ચિત્તાધિટ્ઠાનસંવરા;
‘‘Na punevaṃ karissa’’nti, cittādhiṭṭhānasaṃvarā;
વુત્તો સંવરસુદ્ધીતિ, સુજ્ઝતિન્દ્રિયસંવરો.
Vutto saṃvarasuddhīti, sujjhatindriyasaṃvaro.
૪૫૭.
457.
પહાયાનેસનં ધમ્મેનુપ્પાદેન્તસ્સ એટ્ઠિયા;
Pahāyānesanaṃ dhammenuppādentassa eṭṭhiyā;
સુદ્ધત્તા એટ્ઠિસુદ્ધીતિ, વુત્તમાજીવનિસ્સિતં.
Suddhattā eṭṭhisuddhīti, vuttamājīvanissitaṃ.
૪૫૮.
458.
યોનિસો પટિસઙ્ખાય, ચીવરં પટિસેવતિ;
Yoniso paṭisaṅkhāya, cīvaraṃ paṭisevati;
એવમાદિયથાવુત્ત-પચ્ચવેક્ખણસુજ્ઝના;
Evamādiyathāvutta-paccavekkhaṇasujjhanā;
પચ્ચવેક્ખણસુદ્ધીતિ, વુત્તં પચ્ચયનિસ્સિતન્તિ.
Paccavekkhaṇasuddhīti, vuttaṃ paccayanissitanti.
