| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
৪৭. সুদ্ধিনিদ্দেসো
47. Suddhiniddeso
সুদ্ধীতি –
Suddhīti –
৪৫৫.
455.
দেসনা সংৰরো এট্ঠিপচ্চৰেক্খণ ভেদতো।
Desanā saṃvaro eṭṭhipaccavekkhaṇa bhedato;
সুদ্ধী চতুব্বিধা পাতিমোক্খসংৰরসম্মতং।
Suddhī catubbidhā pātimokkhasaṃvarasammataṃ;
দেসনায ৰিসুদ্ধত্তা, দেসনাসুদ্ধি ৰুচ্চতি॥
Desanāya visuddhattā, desanāsuddhi vuccati.
৪৫৬.
456.
‘‘ন পুনেৰং করিস্স’’ন্তি, চিত্তাধিট্ঠানসংৰরা।
‘‘Na punevaṃ karissa’’nti, cittādhiṭṭhānasaṃvarā;
ৰুত্তো সংৰরসুদ্ধীতি, সুজ্ঝতিন্দ্রিযসংৰরো॥
Vutto saṃvarasuddhīti, sujjhatindriyasaṃvaro.
৪৫৭.
457.
পহাযানেসনং ধম্মেনুপ্পাদেন্তস্স এট্ঠিযা।
Pahāyānesanaṃ dhammenuppādentassa eṭṭhiyā;
সুদ্ধত্তা এট্ঠিসুদ্ধীতি, ৰুত্তমাজীৰনিস্সিতং॥
Suddhattā eṭṭhisuddhīti, vuttamājīvanissitaṃ.
৪৫৮.
458.
যোনিসো পটিসঙ্খায, চীৰরং পটিসেৰতি।
Yoniso paṭisaṅkhāya, cīvaraṃ paṭisevati;
এৰমাদিযথাৰুত্ত-পচ্চৰেক্খণসুজ্ঝনা।
Evamādiyathāvutta-paccavekkhaṇasujjhanā;
পচ্চৰেক্খণসুদ্ধীতি, ৰুত্তং পচ্চযনিস্সিতন্তি॥
Paccavekkhaṇasuddhīti, vuttaṃ paccayanissitanti.
