| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪੭. ਸੁਦ੍ਧਿਨਿਦ੍ਦੇਸવਣ੍ਣਨਾ
47. Suddhiniddesavaṇṇanā
੪੫੫. ਦੇਸਨਾ ਸਂવਰੋ ਏਟ੍ਠਿ, ਪਚ੍ਚવੇਕ੍ਖਣ ਭੇਦਤੋਤਿ (ਪਾਰਾ॰ ਅਟ੍ਠ॰ ੨.੫੮੫; વਿਸੁਦ੍ਧਿ॰ ੧.੧੯) ਦੇਸਨਾਸੁਦ੍ਧਿ ਸਂવਰਸੁਦ੍ਧਿ ਪਰਿਯੇਟ੍ਠਿਸੁਦ੍ਧਿ ਪਚ੍ਚવੇਕ੍ਖਣਸੁਦ੍ਧੀਤਿ ਏવਂ ਚਤੁਬ੍ਬਿਧਾ ਸੁਦ੍ਧੀਤਿ ਅਤ੍ਥੋ। ਇਦਾਨਿ ਤਾਹਿ ਸੁਦ੍ਧੀਹਿ વਿਸੁਜ੍ਝਨਕੇ ਦਸ੍ਸੇਤੁਂ ‘‘ਪਾਤਿਮੋਕ੍ਖਸਂવਰਸਮ੍ਮਤ’’ਨ੍ਤਿਆਦਿਮਾਹ।
455.Desanāsaṃvaro eṭṭhi, paccavekkhaṇa bhedatoti (pārā. aṭṭha. 2.585; visuddhi. 1.19) desanāsuddhi saṃvarasuddhi pariyeṭṭhisuddhi paccavekkhaṇasuddhīti evaṃ catubbidhā suddhīti attho. Idāni tāhi suddhīhi visujjhanake dassetuṃ ‘‘pātimokkhasaṃvarasammata’’ntiādimāha.
੪੫੬. ‘‘ਪੁਨ ਏવਂ ਨ ਕਰਿਸ੍ਸ’’ਨ੍ਤਿ ਚਿਤ੍ਤਾਧਿਟ੍ਠਾਨਸਂવਰਾ ਯਸ੍ਮਾ ਸੁਜ੍ਝਤਿ ਇਨ੍ਦ੍ਰਿਯਸਂવਰੋ, ਤਸ੍ਮਾ ਇਨ੍ਦ੍ਰਿਯਸਂવਰੋ ‘‘ਸਂવਰਸੁਦ੍ਧੀ’’ਤਿ વੁਤ੍ਤੋਤਿ ਸਮ੍ਬਨ੍ਧੋ।
456. ‘‘Puna evaṃ na karissa’’nti cittādhiṭṭhānasaṃvarā yasmā sujjhati indriyasaṃvaro, tasmā indriyasaṃvaro ‘‘saṃvarasuddhī’’ti vuttoti sambandho.
੪੫੭. ਪਹਾਯਾਨੇਸਨਨ੍ਤਿ ਅਨੇਸਨਂ ਪਹਾਯ ਧਮ੍ਮੇਨ ਉਪ੍ਪਾਦੇਨ੍ਤਸ੍ਸ ਪਚ੍ਚਯੇਤਿ ਪਾਠਸੇਸੋ।
457.Pahāyānesananti anesanaṃ pahāya dhammena uppādentassa paccayeti pāṭhaseso.
੪੫੮. ‘‘ਪਟਿਸਙ੍ਖਾ ਯੋਨਿਸੋ ਚੀવਰਂ ਪਟਿਸੇવਾਮਿ…ਪੇ॰… ਉਪ੍ਪਨ੍ਨਾਨਂ વੇਯ੍ਯਾਬਾਧਿਕਾਨਂ…ਪੇ॰… ਪਰਮਤਾਯਾ’’ਤਿ (ਮ॰ ਨਿ॰ ੧.੨੩; ਅ॰ ਨਿ॰ ੬.੫੮) ਚ ਏવਂ ਚਤੂਸੁਪਿ ਪਚ੍ਚਯੇਸੁ ਯਥਾવੁਤ੍ਤਪਚ੍ਚવੇਕ੍ਖਣਸੁਜ੍ਝਨਾਤਿ ਅਤ੍ਥੋ। ਏਤ੍ਥ ਪਨ ਦੁવਿਧਂ ਪਚ੍ਚવੇਕ੍ਖਣਂ ਪਟਿਲਾਭਕਾਲੇ ਚ ਪਰਿਭੋਗਕਾਲੇ ਚ। ਪਟਿਲਾਭਕਾਲੇ ਹਿ ਧਾਤੁવਸੇਨ વਾ ਪਟਿਕ੍ਕੂਲવਸੇਨ વਾ ਪਚ੍ਚવੇਕ੍ਖਿਤ੍વਾ ਠਪਿਤਚੀવਰਾਦੀਨਿ ਤਤੋ ਉਤ੍ਤਰਿ ਪਰਿਭੁਞ੍ਜਨ੍ਤਸ੍ਸ ਅਨવਜ੍ਜੋવ ਪਰਿਭੋਗੋ, ਪਰਿਭੋਗਕਾਲੇਪਿ। ਸੁਦ੍ਧਿવਿਨਿਚ੍ਛਯੋ।
458. ‘‘Paṭisaṅkhā yoniso cīvaraṃ paṭisevāmi…pe… uppannānaṃ veyyābādhikānaṃ…pe… paramatāyā’’ti (ma. ni. 1.23; a. ni. 6.58) ca evaṃ catūsupi paccayesu yathāvuttapaccavekkhaṇasujjhanāti attho. Ettha pana duvidhaṃ paccavekkhaṇaṃ paṭilābhakāle ca paribhogakāle ca. Paṭilābhakāle hi dhātuvasena vā paṭikkūlavasena vā paccavekkhitvā ṭhapitacīvarādīni tato uttari paribhuñjantassa anavajjova paribhogo, paribhogakālepi. Suddhivinicchayo.
ਸੁਦ੍ਧਿਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Suddhiniddesavaṇṇanā niṭṭhitā.
