| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๔๗. สุทฺธินิเทฺทสวณฺณนา
47. Suddhiniddesavaṇṇanā
๔๕๕. เทสนา สํวโร เอฎฺฐิ, ปจฺจเวกฺขณ เภทโตติ (ปารา. อฎฺฐ. ๒.๕๘๕; วิสุทฺธิ. ๑.๑๙) เทสนาสุทฺธิ สํวรสุทฺธิ ปริเยฎฺฐิสุทฺธิ ปจฺจเวกฺขณสุทฺธีติ เอวํ จตุพฺพิธา สุทฺธีติ อโตฺถฯ อิทานิ ตาหิ สุทฺธีหิ วิสุชฺฌนเก ทเสฺสตุํ ‘‘ปาติโมกฺขสํวรสมฺมต’’นฺติอาทิมาหฯ
455.Desanāsaṃvaro eṭṭhi, paccavekkhaṇa bhedatoti (pārā. aṭṭha. 2.585; visuddhi. 1.19) desanāsuddhi saṃvarasuddhi pariyeṭṭhisuddhi paccavekkhaṇasuddhīti evaṃ catubbidhā suddhīti attho. Idāni tāhi suddhīhi visujjhanake dassetuṃ ‘‘pātimokkhasaṃvarasammata’’ntiādimāha.
๔๕๖. ‘‘ปุน เอวํ น กริสฺส’’นฺติ จิตฺตาธิฎฺฐานสํวรา ยสฺมา สุชฺฌติ อินฺทฺริยสํวโร, ตสฺมา อินฺทฺริยสํวโร ‘‘สํวรสุทฺธี’’ติ วุโตฺตติ สมฺพโนฺธฯ
456. ‘‘Puna evaṃ na karissa’’nti cittādhiṭṭhānasaṃvarā yasmā sujjhati indriyasaṃvaro, tasmā indriyasaṃvaro ‘‘saṃvarasuddhī’’ti vuttoti sambandho.
๔๕๗. ปหายาเนสนนฺติ อเนสนํ ปหาย ธเมฺมน อุปฺปาเทนฺตสฺส ปจฺจเยติ ปาฐเสโสฯ
457.Pahāyānesananti anesanaṃ pahāya dhammena uppādentassa paccayeti pāṭhaseso.
๔๕๘. ‘‘ปฎิสงฺขา โยนิโส จีวรํ ปฎิเสวามิ…เป.… อุปฺปนฺนานํ เวยฺยาพาธิกานํ…เป.… ปรมตายา’’ติ (ม. นิ. ๑.๒๓; อ. นิ. ๖.๕๘) จ เอวํ จตูสุปิ ปจฺจเยสุ ยถาวุตฺตปจฺจเวกฺขณสุชฺฌนาติ อโตฺถฯ เอตฺถ ปน ทุวิธํ ปจฺจเวกฺขณํ ปฎิลาภกาเล จ ปริโภคกาเล จฯ ปฎิลาภกาเล หิ ธาตุวเสน วา ปฎิกฺกูลวเสน วา ปจฺจเวกฺขิตฺวา ฐปิตจีวราทีนิ ตโต อุตฺตริ ปริภุญฺชนฺตสฺส อนวโชฺชว ปริโภโค, ปริโภคกาเลปิฯ สุทฺธิวินิจฺฉโยฯ
458. ‘‘Paṭisaṅkhā yoniso cīvaraṃ paṭisevāmi…pe… uppannānaṃ veyyābādhikānaṃ…pe… paramatāyā’’ti (ma. ni. 1.23; a. ni. 6.58) ca evaṃ catūsupi paccayesu yathāvuttapaccavekkhaṇasujjhanāti attho. Ettha pana duvidhaṃ paccavekkhaṇaṃ paṭilābhakāle ca paribhogakāle ca. Paṭilābhakāle hi dhātuvasena vā paṭikkūlavasena vā paccavekkhitvā ṭhapitacīvarādīni tato uttari paribhuñjantassa anavajjova paribhogo, paribhogakālepi. Suddhivinicchayo.
สุทฺธินิเทฺทสวณฺณนา นิฎฺฐิตาฯ
Suddhiniddesavaṇṇanā niṭṭhitā.
