| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
47. ஸுத்³தி⁴னித்³தே³ஸவண்ணனா
47. Suddhiniddesavaṇṇanā
455. தே³ஸனா ஸங்வரோ எட்டி², பச்சவெக்க²ண பே⁴த³தோதி (பாரா॰ அட்ட²॰ 2.585; விஸுத்³தி⁴॰ 1.19) தே³ஸனாஸுத்³தி⁴ ஸங்வரஸுத்³தி⁴ பரியெட்டி²ஸுத்³தி⁴ பச்சவெக்க²ணஸுத்³தீ⁴தி ஏவங் சதுப்³பி³தா⁴ ஸுத்³தீ⁴தி அத்தோ². இதா³னி தாஹி ஸுத்³தீ⁴ஹி விஸுஜ்ஜ²னகே த³ஸ்ஸேதுங் ‘‘பாதிமொக்க²ஸங்வரஸம்மத’’ந்திஆதி³மாஹ.
455.Desanāsaṃvaro eṭṭhi, paccavekkhaṇa bhedatoti (pārā. aṭṭha. 2.585; visuddhi. 1.19) desanāsuddhi saṃvarasuddhi pariyeṭṭhisuddhi paccavekkhaṇasuddhīti evaṃ catubbidhā suddhīti attho. Idāni tāhi suddhīhi visujjhanake dassetuṃ ‘‘pātimokkhasaṃvarasammata’’ntiādimāha.
456. ‘‘புன ஏவங் ந கரிஸ்ஸ’’ந்தி சித்தாதி⁴ட்டா²னஸங்வரா யஸ்மா ஸுஜ்ஜ²தி இந்த்³ரியஸங்வரோ, தஸ்மா இந்த்³ரியஸங்வரோ ‘‘ஸங்வரஸுத்³தீ⁴’’தி வுத்தோதி ஸம்ப³ந்தோ⁴.
456. ‘‘Puna evaṃ na karissa’’nti cittādhiṭṭhānasaṃvarā yasmā sujjhati indriyasaṃvaro, tasmā indriyasaṃvaro ‘‘saṃvarasuddhī’’ti vuttoti sambandho.
457. பஹாயானேஸனந்தி அனேஸனங் பஹாய த⁴ம்மேன உப்பாதெ³ந்தஸ்ஸ பச்சயேதி பாட²ஸேஸோ.
457.Pahāyānesananti anesanaṃ pahāya dhammena uppādentassa paccayeti pāṭhaseso.
458. ‘‘படிஸங்கா² யோனிஸோ சீவரங் படிஸேவாமி…பே॰… உப்பன்னானங் வெய்யாபா³தி⁴கானங்…பே॰… பரமதாயா’’தி (ம॰ நி॰ 1.23; அ॰ நி॰ 6.58) ச ஏவங் சதூஸுபி பச்சயேஸு யதா²வுத்தபச்சவெக்க²ணஸுஜ்ஜ²னாதி அத்தோ². எத்த² பன து³வித⁴ங் பச்சவெக்க²ணங் படிலாப⁴காலே ச பரிபோ⁴க³காலே ச. படிலாப⁴காலே ஹி தா⁴துவஸேன வா படிக்கூலவஸேன வா பச்சவெக்கி²த்வா ட²பிதசீவராதீ³னி ததோ உத்தரி பரிபு⁴ஞ்ஜந்தஸ்ஸ அனவஜ்ஜோவ பரிபோ⁴கோ³, பரிபோ⁴க³காலேபி. ஸுத்³தி⁴வினிச்ச²யோ.
458. ‘‘Paṭisaṅkhā yoniso cīvaraṃ paṭisevāmi…pe… uppannānaṃ veyyābādhikānaṃ…pe… paramatāyā’’ti (ma. ni. 1.23; a. ni. 6.58) ca evaṃ catūsupi paccayesu yathāvuttapaccavekkhaṇasujjhanāti attho. Ettha pana duvidhaṃ paccavekkhaṇaṃ paṭilābhakāle ca paribhogakāle ca. Paṭilābhakāle hi dhātuvasena vā paṭikkūlavasena vā paccavekkhitvā ṭhapitacīvarādīni tato uttari paribhuñjantassa anavajjova paribhogo, paribhogakālepi. Suddhivinicchayo.
ஸுத்³தி⁴னித்³தே³ஸவண்ணனா நிட்டி²தா.
Suddhiniddesavaṇṇanā niṭṭhitā.
