| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. સુદ્ધિકસુત્તવણ્ણના
7. Suddhikasuttavaṇṇanā
૧૯૩. સુદ્ધિકપઞ્હસ્સાતિ ‘‘નાબ્રાહ્મણો સુજ્ઝતી’’તિ એવં સુદ્ધસન્નિસ્સિતસ્સ પઞ્હસ્સ. સીલસમ્પન્નોતિ પઞ્ચવિધનિયમલક્ખણેન સીલેન સમન્નાગતો. તપોકમ્મન્તિ અનસનપઞ્ચાતપતપ્પનાદિપરિભેદનતપોકમ્મં કરોન્તોપિ. વિજ્જાતિ તયો વેદાતિ વદન્તિ ‘‘તાય ઇધલોકત્થં પરલોકત્થં ઞાયન્તી’’તિ કત્વા. ગોત્તચરણન્તિ ગોત્તસઙ્ખાતં ચરણં. બ્રાહ્મણો સુજ્ઝતિ જેટ્ઠજાતિકત્તા. તથા હિ સો એવ તપં આચરિતું લભતિ, ન ઇતરો. અઞ્ઞા લામિકા પજાતિ ઇતરવણ્ણં વદતિ. વચનસહસ્સમ્પીતિ ગાથાનેકસહસ્સમ્પિ. અન્તો કિલેસેહિ પૂતિકો સભાવેન પૂતિકો. કિલિટ્ઠેહિ કાયકમ્માદીહિ કાયદુચ્ચરિતાદીહિ.
193.Suddhikapañhassāti ‘‘nābrāhmaṇo sujjhatī’’ti evaṃ suddhasannissitassa pañhassa. Sīlasampannoti pañcavidhaniyamalakkhaṇena sīlena samannāgato. Tapokammanti anasanapañcātapatappanādiparibhedanatapokammaṃ karontopi. Vijjāti tayo vedāti vadanti ‘‘tāya idhalokatthaṃ paralokatthaṃ ñāyantī’’ti katvā. Gottacaraṇanti gottasaṅkhātaṃ caraṇaṃ. Brāhmaṇo sujjhati jeṭṭhajātikattā. Tathā hi so eva tapaṃ ācarituṃ labhati, na itaro. Aññā lāmikā pajāti itaravaṇṇaṃ vadati. Vacanasahassampīti gāthānekasahassampi. Anto kilesehi pūtiko sabhāvena pūtiko. Kiliṭṭhehi kāyakammādīhi kāyaduccaritādīhi.
સુદ્ધિકસુત્તવણ્ણના નિટ્ઠિતા.
Suddhikasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. સુદ્ધિકસુત્તં • 7. Suddhikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. સુદ્ધિકસુત્તવણ્ણના • 7. Suddhikasuttavaṇṇanā
