| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. সুদ্ধিকসুত্তৰণ্ণনা
7. Suddhikasuttavaṇṇanā
১৯৩. সুদ্ধিকপঞ্হস্সাতি ‘‘নাব্রাহ্মণো সুজ্ঝতী’’তি এৰং সুদ্ধসন্নিস্সিতস্স পঞ্হস্স। সীলসম্পন্নোতি পঞ্চৰিধনিযমলক্খণেন সীলেন সমন্নাগতো। তপোকম্মন্তি অনসনপঞ্চাতপতপ্পনাদিপরিভেদনতপোকম্মং করোন্তোপি। ৰিজ্জাতি তযো ৰেদাতি ৰদন্তি ‘‘তায ইধলোকত্থং পরলোকত্থং ঞাযন্তী’’তি কত্ৰা। গোত্তচরণন্তি গোত্তসঙ্খাতং চরণং। ব্রাহ্মণো সুজ্ঝতি জেট্ঠজাতিকত্তা। তথা হি সো এৰ তপং আচরিতুং লভতি, ন ইতরো। অঞ্ঞা লামিকা পজাতি ইতরৰণ্ণং ৰদতি। ৰচনসহস্সম্পীতি গাথানেকসহস্সম্পি। অন্তো কিলেসেহি পূতিকো সভাৰেন পূতিকো। কিলিট্ঠেহি কাযকম্মাদীহি কাযদুচ্চরিতাদীহি।
193.Suddhikapañhassāti ‘‘nābrāhmaṇo sujjhatī’’ti evaṃ suddhasannissitassa pañhassa. Sīlasampannoti pañcavidhaniyamalakkhaṇena sīlena samannāgato. Tapokammanti anasanapañcātapatappanādiparibhedanatapokammaṃ karontopi. Vijjāti tayo vedāti vadanti ‘‘tāya idhalokatthaṃ paralokatthaṃ ñāyantī’’ti katvā. Gottacaraṇanti gottasaṅkhātaṃ caraṇaṃ. Brāhmaṇo sujjhati jeṭṭhajātikattā. Tathā hi so eva tapaṃ ācarituṃ labhati, na itaro. Aññā lāmikā pajāti itaravaṇṇaṃ vadati. Vacanasahassampīti gāthānekasahassampi. Anto kilesehi pūtiko sabhāvena pūtiko. Kiliṭṭhehi kāyakammādīhi kāyaduccaritādīhi.
সুদ্ধিকসুত্তৰণ্ণনা নিট্ঠিতা।
Suddhikasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. সুদ্ধিকসুত্তং • 7. Suddhikasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. সুদ্ধিকসুত্তৰণ্ণনা • 7. Suddhikasuttavaṇṇanā
