| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
7. සුද්ධිකසුත්තං
7. Suddhikasuttaṃ
193. සාවත්ථිනිදානං . අථ ඛො සුද්ධිකභාරද්වාජො බ්රාහ්මණො යෙන භගවා තෙනුපසඞ්කමි; උපසඞ්කමිත්වා භගවතා සද්ධිං සම්මොදි. සම්මොදනීයං කථං සාරණීයං වීතිසාරෙත්වා එකමන්තං නිසීදි. එකමන්තං නිසින්නො ඛො සුද්ධිකභාරද්වාජො බ්රාහ්මණො භගවතො සන්තිකෙ ඉමං ගාථං අජ්ඣභාසි –
193. Sāvatthinidānaṃ . Atha kho suddhikabhāradvājo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho suddhikabhāradvājo brāhmaṇo bhagavato santike imaṃ gāthaṃ ajjhabhāsi –
‘‘න බ්රාහ්මණො 1 සුජ්ඣති කොචි, ලොකෙ සීලවාපි තපොකරං;
‘‘Na brāhmaṇo 2 sujjhati koci, loke sīlavāpi tapokaraṃ;
විජ්ජාචරණසම්පන්නො, සො සුජ්ඣති න අඤ්ඤා ඉතරා පජා’’ති.
Vijjācaraṇasampanno, so sujjhati na aññā itarā pajā’’ti.
‘‘බහුම්පි පලපං ජප්පං, න ජච්චා හොති බ්රාහ්මණො;
‘‘Bahumpi palapaṃ jappaṃ, na jaccā hoti brāhmaṇo;
අන්තොකසම්බු සඞ්කිලිට්ඨො, කුහනං උපනිස්සිතො.
Antokasambu saṅkiliṭṭho, kuhanaṃ upanissito.
‘‘ඛත්තියො බ්රාහ්මණො වෙස්සො, සුද්දො චණ්ඩාලපුක්කුසො;
‘‘Khattiyo brāhmaṇo vesso, suddo caṇḍālapukkuso;
ආරද්ධවීරියො පහිතත්තො, නිච්චං දළ්හපරක්කමො;
Āraddhavīriyo pahitatto, niccaṃ daḷhaparakkamo;
පප්පොති පරමං සුද්ධිං, එවං ජානාහි බ්රාහ්මණා’’ති.
Pappoti paramaṃ suddhiṃ, evaṃ jānāhi brāhmaṇā’’ti.
එවං වුත්තෙ, සුද්ධිකභාරද්වාජො බ්රාහ්මණො භගවන්තං එතදවොච – ‘‘අභික්කන්තං, භො ගොතම…පෙ.… අඤ්ඤතරො ච පනායස්මා භාරද්වාජො අරහතං අහොසී’’ති.
Evaṃ vutte, suddhikabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… aññataro ca panāyasmā bhāradvājo arahataṃ ahosī’’ti.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 7. සුද්ධිකසුත්තවණ්ණනා • 7. Suddhikasuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 7. සුද්ධිකසුත්තවණ්ණනා • 7. Suddhikasuttavaṇṇanā
