| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១១. វលាហកសំយុត្តំ
11. Valāhakasaṃyuttaṃ
១. សុទ្ធិកសុត្តំ
1. Suddhikasuttaṃ
៥៥០. សាវត្ថិនិទានំ ។ ‘‘វលាហកកាយិកេ វោ, ភិក្ខវេ, ទេវេ ទេសេស្សាមិ។ តំ សុណាថ។ កតមេ ច, ភិក្ខវេ, វលាហកកាយិកា ទេវា? សន្តិ, ភិក្ខវេ, សីតវលាហកា ទេវា; សន្តិ ឧណ្ហវលាហកា ទេវា; សន្តិ អព្ភវលាហកា ទេវា; សន្តិ វាតវលាហកា ទេវា; សន្តិ វស្សវលាហកា ទេវា – ឥមេ វុច្ចន្តិ, ភិក្ខវេ, ‘វលាហកកាយិកា ទេវា’’’តិ។ បឋមំ។
550. Sāvatthinidānaṃ . ‘‘Valāhakakāyike vo, bhikkhave, deve desessāmi. Taṃ suṇātha. Katame ca, bhikkhave, valāhakakāyikā devā? Santi, bhikkhave, sītavalāhakā devā; santi uṇhavalāhakā devā; santi abbhavalāhakā devā; santi vātavalāhakā devā; santi vassavalāhakā devā – ime vuccanti, bhikkhave, ‘valāhakakāyikā devā’’’ti. Paṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១១. វលាហកសំយុត្តវណ្ណនា • 11. Valāhakasaṃyuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១១. វលាហកសំយុត្តវណ្ណនា • 11. Valāhakasaṃyuttavaṇṇanā
