| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā |
੬੪-੬੭. ਸੁਦ੍ਧਿਕਪਟਿਸਮ੍ਭਿਦਾਞਾਣਨਿਦ੍ਦੇਸવਣ੍ਣਨਾ
64-67. Suddhikapaṭisambhidāñāṇaniddesavaṇṇanā
੧੧੦. ਸੁਦ੍ਧਿਕਪਟਿਸਮ੍ਭਿਦਾਞਾਣਨਿਦ੍ਦੇਸੇ ਇਮੇਸਂ ਞਾਣਾਨਂ ਪਭੇਦਾਭਾવਤੋਯੇવ ਹੇਟ੍ਠਾ વਿਯ ਪਭੇਦਂ ਅਦਸ੍ਸੇਤ੍વਾਯੇવ ਅਤ੍ਥੇਸੁ ਞਾਣਂ ਅਤ੍ਥਪਟਿਸਮ੍ਭਿਦਾਤਿਆਦਿ વੁਤ੍ਤਂ। ਪਞ੍ਞਾਪਭੇਦਾਭਾવੇਪਿ ਅਤ੍ਤਨਾ ਪਟਿવਿਦ੍ਧਚਤੁਸਚ੍ਚਧਮ੍ਮਮਤ੍ਤવਸੇਨ ਨਾਨਤ੍ਤਸਬ੍ਭਾવਤੋ ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਨ੍ਤਿਆਦਿ વੁਤ੍ਤਂ। ਤਤ੍ਥ ਨਾਨਤ੍ਤੇਤਿ ਅਤ੍ਥਾਦੀਨਂ ਅਨੇਕਭਾવੇ। વવਤ੍ਥਾਨੇਤਿ ਅਤ੍ਥਾਦੀਨਂ ਨਿਚ੍ਛਯਨੇ। ਸਲ੍ਲਕ੍ਖਣੇਤਿ ਅਤ੍ਥਾਦੀਨਂ ਸਮ੍ਮਾਦਸ੍ਸਨੇ। ਉਪਲਕ੍ਖਣੇਤਿ ਅਤ੍ਥਾਦੀਨਂ ਭੁਸਂਦਸ੍ਸਨੇ। ਪਭੇਦੇਤਿ ਅਤ੍ਥਾਦੀਨਂ ਨਾਨਾਭੇਦੇ। ਪਭਾવਨੇਤਿ ਅਤ੍ਥਾਦੀਨਂ ਪਾਕਟੀਕਰਣੇਨ ਉਪ੍ਪਾਦਨੇ। ਜੋਤਨੇਤਿ ਅਤ੍ਥਾਦੀਨਂ ਦੀਪਨੇ। વਿਰੋਚਨੇਤਿ ਅਤ੍ਥਾਦੀਨਂ વਿવਿਧਾ ਦੀਪਨੇ। ਪਕਾਸਨੇਤਿ ਅਤ੍ਥਾਦੀਨਂ ਪਭਾਸਨੇ । ‘‘ਨਾਨਤ੍ਤੇ’’ਤਿ ਮੂਲਪਦਂ ਕਤ੍વਾ ਸਬ੍ਬਸਾਧਾਰਣવਸੇਨ વੁਤ੍ਤਂ। ‘‘વવਤ੍ਥਾਨੇ’’ਤਿ ਸੋਤਾਪਨ੍ਨਸ੍ਸ વਸੇਨ, ‘‘ਸਲ੍ਲਕ੍ਖਣੇ ਉਪਲਕ੍ਖਣੇ’’ਤਿ ਸਕਦਾਗਾਮਿਸ੍ਸ વਸੇਨ, ‘‘ਪਭੇਦੇ ਪਭਾવਨੇ’’ਤਿ ਅਨਾਗਾਮਿਸ੍ਸ વਸੇਨ, ‘‘ਜੋਤਨੇ વਿਰੋਚਨੇ ਪਕਾਸਨੇ’’ਤਿ ਅਰਹਤੋ વਸੇਨ વੁਤ੍ਤਨ੍ਤਿ ਏવਮ੍ਪੇਤ੍ਥ ਯੋਜਨਾ ਕਾਤਬ੍ਬਾਤਿ।
110. Suddhikapaṭisambhidāñāṇaniddese imesaṃ ñāṇānaṃ pabhedābhāvatoyeva heṭṭhā viya pabhedaṃ adassetvāyeva atthesu ñāṇaṃ atthapaṭisambhidātiādi vuttaṃ. Paññāpabhedābhāvepi attanā paṭividdhacatusaccadhammamattavasena nānattasabbhāvato atthanānatte paññā atthapaṭisambhide ñāṇantiādi vuttaṃ. Tattha nānatteti atthādīnaṃ anekabhāve. Vavatthāneti atthādīnaṃ nicchayane. Sallakkhaṇeti atthādīnaṃ sammādassane. Upalakkhaṇeti atthādīnaṃ bhusaṃdassane. Pabhedeti atthādīnaṃ nānābhede. Pabhāvaneti atthādīnaṃ pākaṭīkaraṇena uppādane. Jotaneti atthādīnaṃ dīpane. Virocaneti atthādīnaṃ vividhā dīpane. Pakāsaneti atthādīnaṃ pabhāsane . ‘‘Nānatte’’ti mūlapadaṃ katvā sabbasādhāraṇavasena vuttaṃ. ‘‘Vavatthāne’’ti sotāpannassa vasena, ‘‘sallakkhaṇe upalakkhaṇe’’ti sakadāgāmissa vasena, ‘‘pabhede pabhāvane’’ti anāgāmissa vasena, ‘‘jotane virocane pakāsane’’ti arahato vasena vuttanti evampettha yojanā kātabbāti.
ਸੁਦ੍ਧਿਕਪਟਿਸਮ੍ਭਿਦਾਞਾਣਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Suddhikapaṭisambhidāñāṇaniddesavaṇṇanā niṭṭhitā.
ਇਤਿ ਸਦ੍ਧਮ੍ਮਪ੍ਪਕਾਸਿਨਿਯਾ ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾਯ
Iti saddhammappakāsiniyā paṭisambhidāmagga-aṭṭhakathāya
ਪਠਮੋ ਭਾਗੋ ਨਿਟ੍ਠਿਤੋ।
Paṭhamo bhāgo niṭṭhito.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi / ੬੪-੬੭. ਸੁਦ੍ਧਿਕਪਟਿਸਮ੍ਭਿਦਾਞਾਣਨਿਦ੍ਦੇਸੋ • 64-67. Suddhikapaṭisambhidāñāṇaniddeso
