| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
သုဒ္ဓန္တပရိဝာသာဒိကထာ
Suddhantaparivāsādikathā
၁၅၆. တတော ‘‘အာပတ္တိပရိယန္တံ န ဇာနာတိ, ရတ္တိပရိယန္တံ န ဇာနာတီ’’တိအာဒိနာ နယေန သုဒ္ဓန္တပရိဝာသော ဒသ္သိတော။
156. Tato ‘‘āpattipariyantaṃ na jānāti, rattipariyantaṃ na jānātī’’tiādinā nayena suddhantaparivāso dassito.
၁၆၀. တတော ပရံ ပာရိဝာသိကံ အာဒိံ ကတ္ဝာ ဝိဗ္ဘမိတ္ဝာ ပုနဥပသမ္ပန္နာဒီသု ပဋိပတ္တိဒသ္သနတ္ထံ ပာဠိ ဌပိတာ။
160. Tato paraṃ pārivāsikaṃ ādiṃ katvā vibbhamitvā punaupasampannādīsu paṭipattidassanatthaṃ pāḷi ṭhapitā.
၁၆၅. တတ္ထ ‘‘အန္တရာ သမ္ဗဟုလာ အာပတ္တိယော အာပဇ္ဇတိ ပရိမာဏာ အပ္ပဋိစ္ဆန္နာယော’’တိအာဒီသု အာပတ္တိပရိစ္ဆေဒဝသေန ပရိမာဏာယော စေဝ အပ္ပဋိစ္ဆန္နာယော စာတိ အတ္ထော။
165. Tattha ‘‘antarā sambahulā āpattiyo āpajjati parimāṇā appaṭicchannāyo’’tiādīsu āpattiparicchedavasena parimāṇāyo ceva appaṭicchannāyo cāti attho.
၁၆၆. ပစ္ဆိမသ္မိံ အာပတ္တိက္ခန္ဓေတိ ဧကောဝ သော အာပတ္တိက္ခန္ဓော, ပစ္ဆာ ဆာဒိတတ္တာ ပန ‘‘ပစ္ဆိမသ္မိံ အာပတ္တိက္ခန္ဓေ’’တိ ဝုတ္တံ။ ပုရိမသ္မိန္တိ ဧတ္ထာပိ ဧသေဝ နယော။
166.Pacchimasmiṃāpattikkhandheti ekova so āpattikkhandho, pacchā chāditattā pana ‘‘pacchimasmiṃ āpattikkhandhe’’ti vuttaṃ. Purimasminti etthāpi eseva nayo.
၁၈၀. ဝဝတ္ထိတာ သမ္ဘိန္နာတိ သဘာဂဝိသဘာဂာနမေဝေတံ ပရိယာယဝစနံ။
180.Vavatthitā sambhinnāti sabhāgavisabhāgānamevetaṃ pariyāyavacanaṃ.
သုဒ္ဓန္တပရိဝာသာဒိကထာ နိဋ္ဌိတာ။
Suddhantaparivāsādikathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi
သုဒ္ဓန္တပရိဝာသော • Suddhantaparivāso
၃. စတ္တာလီသကံ • 3. Cattālīsakaṃ
၄. ဆတ္တိံသကံ • 4. Chattiṃsakaṃ
၅. မာနတ္တသတကံ • 5. Mānattasatakaṃ
၇. ပရိမာဏာဒိဝာရအဋ္ဌကံ • 7. Parimāṇādivāraaṭṭhakaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / သုဒ္ဓန္တပရိဝာသာဒိကထာ • Suddhantaparivāsādikathā
