| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
सुद्धन्तपरिवासादिकथा
Suddhantaparivāsādikathā
१५६. ततो ‘‘आपत्तिपरियन्तं न जानाति, रत्तिपरियन्तं न जानाती’’तिआदिना नयेन सुद्धन्तपरिवासो दस्सितो।
156. Tato ‘‘āpattipariyantaṃ na jānāti, rattipariyantaṃ na jānātī’’tiādinā nayena suddhantaparivāso dassito.
१६०. ततो परं पारिवासिकं आदिं कत्वा विब्भमित्वा पुनउपसम्पन्नादीसु पटिपत्तिदस्सनत्थं पाळि ठपिता।
160. Tato paraṃ pārivāsikaṃ ādiṃ katvā vibbhamitvā punaupasampannādīsu paṭipattidassanatthaṃ pāḷi ṭhapitā.
१६५. तत्थ ‘‘अन्तरा सम्बहुला आपत्तियो आपज्जति परिमाणा अप्पटिच्छन्नायो’’तिआदीसु आपत्तिपरिच्छेदवसेन परिमाणायो चेव अप्पटिच्छन्नायो चाति अत्थो।
165. Tattha ‘‘antarā sambahulā āpattiyo āpajjati parimāṇā appaṭicchannāyo’’tiādīsu āpattiparicchedavasena parimāṇāyo ceva appaṭicchannāyo cāti attho.
१६६. पच्छिमस्मिं आपत्तिक्खन्धेति एकोव सो आपत्तिक्खन्धो, पच्छा छादितत्ता पन ‘‘पच्छिमस्मिं आपत्तिक्खन्धे’’ति वुत्तं। पुरिमस्मिन्ति एत्थापि एसेव नयो।
166.Pacchimasmiṃāpattikkhandheti ekova so āpattikkhandho, pacchā chāditattā pana ‘‘pacchimasmiṃ āpattikkhandhe’’ti vuttaṃ. Purimasminti etthāpi eseva nayo.
१८०. ववत्थिता सम्भिन्नाति सभागविसभागानमेवेतं परियायवचनं।
180.Vavatthitā sambhinnāti sabhāgavisabhāgānamevetaṃ pariyāyavacanaṃ.
सुद्धन्तपरिवासादिकथा निट्ठिता।
Suddhantaparivāsādikathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi
सुद्धन्तपरिवासो • Suddhantaparivāso
३. चत्तालीसकं • 3. Cattālīsakaṃ
४. छत्तिंसकं • 4. Chattiṃsakaṃ
५. मानत्तसतकं • 5. Mānattasatakaṃ
७. परिमाणादिवारअट्ठकं • 7. Parimāṇādivāraaṭṭhakaṃ
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / सुद्धन्तपरिवासादिकथा • Suddhantaparivāsādikathā
