| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਸੂਦਸੁਤ੍ਤવਣ੍ਣਨਾ
8. Sūdasuttavaṇṇanā
੩੭੪. ਆਹਾਰਸਮ੍ਪਾਦਨੇਨ ਤਂਤਂਆਹਾਰવਤ੍ਥੁਗਤੇ ਸੂਦੇਤਿ ਪਗ੍ਘਰੇਤੀਤਿ ਸੂਦੋ, ਭਤ੍ਤਕਾਰਕੋ। ਦਹਰੇਹਿ ਮਨਾਪਤਰਂ ਅਚ੍ਚੇਤਬ੍ਬਤੋ ਅਤਿਕ੍ਕਮਿਤਬ੍ਬਤੋ ਅਚ੍ਚਯਾ, ਭੋਜਨੇ ਰਸવਿਸੇਸਾ, ਤਸ੍ਮਾ ਨਾਨਚ੍ਚਯੇਹੀਤਿ ਨਾਨਪ੍ਪਕਾਰਰਸવਿਸੇਸੇਹੀਤਿ ਅਤ੍ਥੋ। ਤੇਨ વੁਤ੍ਤਂ ‘‘ਨਾਨਚ੍ਚਯੇਹੀ’’ਤਿਆਦਿ। ਅਗ੍ਗੀਯਤਿ ਅਸਙ੍ਕਰਤੋ વਿਭਜੀਯਤੀਤਿ ਅਗ੍ਗੋ, ਅਮ੍ਬਿਲਮੇવ ਅਗ੍ਗੋ ਅਮ੍ਬਿਲਗ੍ਗੋਤਿ ਆਹ – ‘‘ਅਮ੍ਬਿਲਗ੍ਗੇਹੀਤਿ ਅਮ੍ਬਿਲਕੋਟ੍ਠਾਸੇਹੀ’’ਤਿ। ਦਾਤੁਂ ਅਭਿਹਰਿਤਬ੍ਬਤਾਯ ਅਭਿਹਾਰਾ, ਦੇਯ੍ਯਧਮ੍ਮਾ। ਤੇਨਾਹ – ‘‘ਅਭਿਹਟਾਨਂ ਦਾਯਾਨ’’ਨ੍ਤਿ। ਇਦਂ ਮੇ ਕਮ੍ਮਟ੍ਠਾਨਂ ਅਨੁਲੋਮਂવਾਤਿ ਇਦਂ ਮਮ ਕਮ੍ਮਟ੍ਠਾਨਂ ਏવਂ ਪવਤ੍ਤਮਾਨਂ ਅਨੁਲੋਮਾવਸਾਨਮੇવ ਹੁਤ੍વਾ ਤਿਟ੍ਠਤਿ। ਏવਂ ਪੁਨ ਪવਤ੍ਤਮਾਨਂ ਉਸ੍ਸਕ੍ਕਿਤ੍વਾ વਿਸੇਸਨਿਬ੍ਬਤ੍ਤਨਤ੍ਥਮੇવ ਹੋਤੀਤਿ ਏવਂ ਨਿਮਿਤ੍ਤਂ ਗਹੇਤੁਂ ਨ ਸਕ੍ਕੋਤਿ ਬਾਲੋ ਅਬ੍ਯਤ੍ਤੋ, ਪਣ੍ਡਿਤੋ ਪਨ ਸਕ੍ਕੋਤਿ। ਅਤ੍ਤਨੋ ਚਿਤ੍ਤਸ੍ਸਾਤਿ ਅਤ੍ਤਨੋ ਭਾવਨਾਚਿਤ੍ਤਸ੍ਸ। ਪੁਬ੍ਬਭਾਗવਿਪਸ੍ਸਨਾ ਸਤਿਪਟ੍ਠਾਨਾવ ਕਥਿਤਾ ‘‘ਸਕਸ੍ਸ ਚਿਤ੍ਤਸ੍ਸ ਨਿਮਿਤ੍ਤਂ ਉਗ੍ਗਣ੍ਹਾਤੀ’’ਤਿ વੁਤ੍ਤਤ੍ਤਾ।
374. Āhārasampādanena taṃtaṃāhāravatthugate sūdeti paggharetīti sūdo, bhattakārako. Daharehi manāpataraṃ accetabbato atikkamitabbato accayā, bhojane rasavisesā, tasmā nānaccayehīti nānappakārarasavisesehīti attho. Tena vuttaṃ ‘‘nānaccayehī’’tiādi. Aggīyati asaṅkarato vibhajīyatīti aggo, ambilameva aggo ambilaggoti āha – ‘‘ambilaggehīti ambilakoṭṭhāsehī’’ti. Dātuṃ abhiharitabbatāya abhihārā, deyyadhammā. Tenāha – ‘‘abhihaṭānaṃ dāyāna’’nti. Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati. Evaṃ puna pavattamānaṃ ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto, paṇḍito pana sakkoti. Attano cittassāti attano bhāvanācittassa. Pubbabhāgavipassanā satipaṭṭhānāva kathitā ‘‘sakassa cittassa nimittaṃ uggaṇhātī’’ti vuttattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਸੂਦਸੁਤ੍ਤਂ • 8. Sūdasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਸੂਦਸੁਤ੍ਤવਣ੍ਣਨਾ • 8. Sūdasuttavaṇṇanā
