| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೮. ಸೂದಸುತ್ತವಣ್ಣನಾ
8. Sūdasuttavaṇṇanā
೩೭೪. ಅಟ್ಠಮೇ ಸೂದೋತಿ ಭತ್ತಕಾರಕೋ। ನಾನಚ್ಚಯೇಹೀತಿ ನಾನಾಚಯೇಹಿ, ನಾನಾವಿಧೇಹೀತಿ ಅತ್ಥೋ। ಅಯಮೇವ ವಾ ಪಾಠೋ। ಅಮ್ಬಿಲಗ್ಗೇಹೀತಿ ಅಮ್ಬಿಲಕೋಟ್ಠಾಸೇಹಿ। ಏಸೇವ ನಯೋ ಸಬ್ಬತ್ಥ। ಅಭಿಹರತೀತಿ ಗಹಣತ್ಥಾಯ ಹತ್ಥಂ ಪಸಾರೇತಿ। ಬಹುಂ ಗಣ್ಹಾತೀತಿ ಏಕಗ್ಗಹಣೇನ ಬಹುಂ ಗಣ್ಹನ್ತೋಪಿ ಪುನಪ್ಪುನಂ ಗಣ್ಹನ್ತೋಪಿ ಬಹುಂ ಗಣ್ಹತೇವ। ಅಭಿಹಾರಾನನ್ತಿ ಸತಂ ವಾ ಸಹಸ್ಸಂ ವಾ ಉಕ್ಖಿಪಿತ್ವಾ ಅಭಿಹಟಾನಂ ದಾಯಾನಂ। ಉಪಕ್ಕಿಲೇಸಾತಿ ಪಞ್ಚ ನೀವರಣಾ। ನಿಮಿತ್ತಂ ನ ಉಗ್ಗಣ್ಹಾತೀತಿ ‘‘ಇಮಂ ಮೇ ಕಮ್ಮಟ್ಠಾನಂ ಅನುಲೋಮಂ ವಾ ಗೋತ್ರಭುಂ ವಾ ಆಹಚ್ಚ ಠಿತ’’ನ್ತಿ ನ ಜಾನಾತಿ, ಅತ್ತನೋ ಚಿತ್ತಸ್ಸ ನಿಮಿತ್ತಂ ಗಣ್ಹಿತುಂ ನ ಸಕ್ಕೋತಿ। ಇಮಸ್ಮಿಂ ಸುತ್ತೇ ಪುಬ್ಬಭಾಗವಿಪಸ್ಸನಾ ಸತಿಪಟ್ಠಾನಾವ ಕಥಿತಾ।
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಸೂದಸುತ್ತಂ • 8. Sūdasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೮. ಸೂದಸುತ್ತವಣ್ಣನಾ • 8. Sūdasuttavaṇṇanā
