| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៨. សូទសុត្តវណ្ណនា
8. Sūdasuttavaṇṇanā
៣៧៤. អាហារសម្បាទនេន តំតំអាហារវត្ថុគតេ សូទេតិ បគ្ឃរេតីតិ សូទោ, ភត្តការកោ។ ទហរេហិ មនាបតរំ អច្ចេតព្ពតោ អតិក្កមិតព្ពតោ អច្ចយា, ភោជនេ រសវិសេសា, តស្មា នានច្ចយេហីតិ នានប្បការរសវិសេសេហីតិ អត្ថោ។ តេន វុត្តំ ‘‘នានច្ចយេហី’’តិអាទិ។ អគ្គីយតិ អសង្ករតោ វិភជីយតីតិ អគ្គោ, អម្ពិលមេវ អគ្គោ អម្ពិលគ្គោតិ អាហ – ‘‘អម្ពិលគ្គេហីតិ អម្ពិលកោដ្ឋាសេហី’’តិ។ ទាតុំ អភិហរិតព្ពតាយ អភិហារា, ទេយ្យធម្មា។ តេនាហ – ‘‘អភិហដានំ ទាយាន’’ន្តិ។ ឥទំ មេ កម្មដ្ឋានំ អនុលោមំវាតិ ឥទំ មម កម្មដ្ឋានំ ឯវំ បវត្តមានំ អនុលោមាវសានមេវ ហុត្វា តិដ្ឋតិ។ ឯវំ បុន បវត្តមានំ ឧស្សក្កិត្វា វិសេសនិព្ពត្តនត្ថមេវ ហោតីតិ ឯវំ និមិត្តំ គហេតុំ ន សក្កោតិ ពាលោ អព្យត្តោ, បណ្ឌិតោ បន សក្កោតិ។ អត្តនោ ចិត្តស្សាតិ អត្តនោ ភាវនាចិត្តស្ស។ បុព្ពភាគវិបស្សនា សតិបដ្ឋានាវ កថិតា ‘‘សកស្ស ចិត្តស្ស និមិត្តំ ឧគ្គណ្ហាតី’’តិ វុត្តត្តា។
374. Āhārasampādanena taṃtaṃāhāravatthugate sūdeti paggharetīti sūdo, bhattakārako. Daharehi manāpataraṃ accetabbato atikkamitabbato accayā, bhojane rasavisesā, tasmā nānaccayehīti nānappakārarasavisesehīti attho. Tena vuttaṃ ‘‘nānaccayehī’’tiādi. Aggīyati asaṅkarato vibhajīyatīti aggo, ambilameva aggo ambilaggoti āha – ‘‘ambilaggehīti ambilakoṭṭhāsehī’’ti. Dātuṃ abhiharitabbatāya abhihārā, deyyadhammā. Tenāha – ‘‘abhihaṭānaṃ dāyāna’’nti. Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati. Evaṃ puna pavattamānaṃ ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto, paṇḍito pana sakkoti. Attano cittassāti attano bhāvanācittassa. Pubbabhāgavipassanā satipaṭṭhānāva kathitā ‘‘sakassa cittassa nimittaṃ uggaṇhātī’’ti vuttattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. សូទសុត្តំ • 8. Sūdasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៨. សូទសុត្តវណ្ណនា • 8. Sūdasuttavaṇṇanā
