| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૮. સૂદસુત્તવણ્ણના
8. Sūdasuttavaṇṇanā
૩૭૪. અટ્ઠમે સૂદોતિ ભત્તકારકો. નાનચ્ચયેહીતિ નાનાચયેહિ, નાનાવિધેહીતિ અત્થો. અયમેવ વા પાઠો. અમ્બિલગ્ગેહીતિ અમ્બિલકોટ્ઠાસેહિ. એસેવ નયો સબ્બત્થ. અભિહરતીતિ ગહણત્થાય હત્થં પસારેતિ. બહું ગણ્હાતીતિ એકગ્ગહણેન બહું ગણ્હન્તોપિ પુનપ્પુનં ગણ્હન્તોપિ બહું ગણ્હતેવ. અભિહારાનન્તિ સતં વા સહસ્સં વા ઉક્ખિપિત્વા અભિહટાનં દાયાનં. ઉપક્કિલેસાતિ પઞ્ચ નીવરણા. નિમિત્તં ન ઉગ્ગણ્હાતીતિ ‘‘ઇમં મે કમ્મટ્ઠાનં અનુલોમં વા ગોત્રભું વા આહચ્ચ ઠિત’’ન્તિ ન જાનાતિ, અત્તનો ચિત્તસ્સ નિમિત્તં ગણ્હિતું ન સક્કોતિ. ઇમસ્મિં સુત્તે પુબ્બભાગવિપસ્સના સતિપટ્ઠાનાવ કથિતા.
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. સૂદસુત્તં • 8. Sūdasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૮. સૂદસુત્તવણ્ણના • 8. Sūdasuttavaṇṇanā
