| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. సూదసుత్తవణ్ణనా
8. Sūdasuttavaṇṇanā
౩౭౪. అట్ఠమే సూదోతి భత్తకారకో. నానచ్చయేహీతి నానాచయేహి, నానావిధేహీతి అత్థో. అయమేవ వా పాఠో. అమ్బిలగ్గేహీతి అమ్బిలకోట్ఠాసేహి. ఏసేవ నయో సబ్బత్థ. అభిహరతీతి గహణత్థాయ హత్థం పసారేతి. బహుం గణ్హాతీతి ఏకగ్గహణేన బహుం గణ్హన్తోపి పునప్పునం గణ్హన్తోపి బహుం గణ్హతేవ. అభిహారానన్తి సతం వా సహస్సం వా ఉక్ఖిపిత్వా అభిహటానం దాయానం. ఉపక్కిలేసాతి పఞ్చ నీవరణా. నిమిత్తం న ఉగ్గణ్హాతీతి ‘‘ఇమం మే కమ్మట్ఠానం అనులోమం వా గోత్రభుం వా ఆహచ్చ ఠిత’’న్తి న జానాతి, అత్తనో చిత్తస్స నిమిత్తం గణ్హితుం న సక్కోతి. ఇమస్మిం సుత్తే పుబ్బభాగవిపస్సనా సతిపట్ఠానావ కథితా.
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. సూదసుత్తం • 8. Sūdasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. సూదసుత్తవణ్ణనా • 8. Sūdasuttavaṇṇanā
