| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
६. सुचरितसुत्तं
6. Sucaritasuttaṃ
६५. वुत्तञ्हेतं भगवता, वुत्तमरहताति मे सुतं –
65. Vuttañhetaṃ bhagavatā, vuttamarahatāti me sutaṃ –
‘‘तीणिमानि, भिक्खवे, सुचरितानि। कतमानि तीणि? कायसुचरितं, वचीसुचरितं, मनोसुचरितं – इमानि खो, भिक्खवे, तीणि सुचरितानी’’ति। एतमत्थं भगवा अवोच। तत्थेतं इति वुच्चति –
‘‘Tīṇimāni, bhikkhave, sucaritāni. Katamāni tīṇi? Kāyasucaritaṃ, vacīsucaritaṃ, manosucaritaṃ – imāni kho, bhikkhave, tīṇi sucaritānī’’ti. Etamatthaṃ bhagavā avoca. Tatthetaṃ iti vuccati –
‘‘कायदुच्चरितं हित्वा, वचीदुच्चरितानि च।
‘‘Kāyaduccaritaṃ hitvā, vacīduccaritāni ca;
मनोदुच्चरितं हित्वा, यञ्चञ्ञं दोससंहितं॥
Manoduccaritaṃ hitvā, yañcaññaṃ dosasaṃhitaṃ.
‘‘अकत्वाकुसलं कम्मं, कत्वान कुसलं बहुं।
‘‘Akatvākusalaṃ kammaṃ, katvāna kusalaṃ bahuṃ;
कायस्स भेदा सप्पञ्ञो, सग्गं सो उपपज्जती’’ति॥
Kāyassa bhedā sappañño, saggaṃ so upapajjatī’’ti.
अयम्पि अत्थो वुत्तो भगवता, इति मे सुतन्ति। छट्ठं।
Ayampi attho vutto bhagavatā, iti me sutanti. Chaṭṭhaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ६. सुचरितसुत्तवण्णना • 6. Sucaritasuttavaṇṇanā
