| Library / Tipiṭaka / ਤਿਪਿਟਕ • Tipiṭaka / ਥੇਰਗਾਥਾਪਾਲ਼ਿ • Theragāthāpāḷi |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਖੁਦ੍ਦਕਨਿਕਾਯੇ
Khuddakanikāye
ਥੇਰਗਾਥਾਪਾਲ਼ਿ
Theragāthāpāḷi
ਨਿਦਾਨਗਾਥਾ
Nidānagāthā
ਸੀਹਾਨਂવ ਨਦਨ੍ਤਾਨਂ, ਦਾਠੀਨਂ ਗਿਰਿਗਬ੍ਭਰੇ।
Sīhānaṃva nadantānaṃ, dāṭhīnaṃ girigabbhare;
ਯਥਾਨਾਮਾ ਯਥਾਗੋਤ੍ਤਾ, ਯਥਾਧਮ੍ਮવਿਹਾਰਿਨੋ।
Yathānāmā yathāgottā, yathādhammavihārino;
ਯਥਾਧਿਮੁਤ੍ਤਾ ਸਪ੍ਪਞ੍ਞਾ, વਿਹਰਿਂਸੁ ਅਤਨ੍ਦਿਤਾ॥
Yathādhimuttā sappaññā, vihariṃsu atanditā.
ਤਤ੍ਥ ਤਤ੍ਥ વਿਪਸ੍ਸਿਤ੍વਾ, ਫੁਸਿਤ੍વਾ ਅਚ੍ਚੁਤਂ ਪਦਂ।
Tattha tattha vipassitvā, phusitvā accutaṃ padaṃ;
ਕਤਨ੍ਤਂ ਪਚ੍ਚવੇਕ੍ਖਨ੍ਤਾ, ਇਮਮਤ੍ਥਮਭਾਸਿਸੁਂ॥
Katantaṃ paccavekkhantā, imamatthamabhāsisuṃ.
੧. ਏਕਕਨਿਪਾਤੋ
1. Ekakanipāto
੧. ਪਠਮવਗ੍ਗੋ
1. Paṭhamavaggo
੧. ਸੁਭੂਤਿਤ੍ਥੇਰਗਾਥਾ
1. Subhūtittheragāthā
੧.
1.
‘‘ਛਨ੍ਨਾ ਮੇ ਕੁਟਿਕਾ ਸੁਖਾ ਨਿવਾਤਾ, વਸ੍ਸ ਦੇવ ਯਥਾਸੁਖਂ।
‘‘Channā me kuṭikā sukhā nivātā, vassa deva yathāsukhaṃ;
ਚਿਤ੍ਤਂ ਮੇ ਸੁਸਮਾਹਿਤਂ વਿਮੁਤ੍ਤਂ, ਆਤਾਪੀ વਿਹਰਾਮਿ વਸ੍ਸ ਦੇવਾ’’ਤਿ॥
Cittaṃ me susamāhitaṃ vimuttaṃ, ātāpī viharāmi vassa devā’’ti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਥੇਰਗਾਥਾ-ਅਟ੍ਠਕਥਾ • Theragāthā-aṭṭhakathā / ੧. ਸੁਭੂਤਿਤ੍ਥੇਰਗਾਥਾવਣ੍ਣਨਾ • 1. Subhūtittheragāthāvaṇṇanā
