| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
ខុទ្ទកនិកាយេ
Khuddakanikāye
ថេរគាថាបាឡិ
Theragāthāpāḷi
និទានគាថា
Nidānagāthā
សីហានំវ នទន្តានំ, ទាឋីនំ គិរិគព្ភរេ;
Sīhānaṃva nadantānaṃ, dāṭhīnaṃ girigabbhare;
យថានាមា យថាគោត្តា, យថាធម្មវិហារិនោ;
Yathānāmā yathāgottā, yathādhammavihārino;
យថាធិមុត្តា សប្បញ្ញា, វិហរិំសុ អតន្ទិតា។
Yathādhimuttā sappaññā, vihariṃsu atanditā.
តត្ថ តត្ថ វិបស្សិត្វា, ផុសិត្វា អច្ចុតំ បទំ;
Tattha tattha vipassitvā, phusitvā accutaṃ padaṃ;
កតន្តំ បច្ចវេក្ខន្តា, ឥមមត្ថមភាសិសុំ។
Katantaṃ paccavekkhantā, imamatthamabhāsisuṃ.
១. ឯកកនិបាតោ
1. Ekakanipāto
១. បឋមវគ្គោ
1. Paṭhamavaggo
១. សុភូតិត្ថេរគាថា
1. Subhūtittheragāthā
១.
1.
‘‘ឆន្នា មេ កុដិកា សុខា និវាតា, វស្ស ទេវ យថាសុខំ;
‘‘Channā me kuṭikā sukhā nivātā, vassa deva yathāsukhaṃ;
ចិត្តំ មេ សុសមាហិតំ វិមុត្តំ, អាតាបី វិហរាមិ វស្ស ទេវា’’តិ។
Cittaṃ me susamāhitaṃ vimuttaṃ, ātāpī viharāmi vassa devā’’ti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១. សុភូតិត្ថេរគាថាវណ្ណនា • 1. Subhūtittheragāthāvaṇṇanā
