| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೫. ಸುಭಾಸಿತಜಯಸುತ್ತವಣ್ಣನಾ
5. Subhāsitajayasuttavaṇṇanā
೨೫೧. ಪಞ್ಚಮೇ ಅಸುರಿನ್ದಂ ಏತದವೋಚಾತಿ ಛೇಕತಾಯ ಏತಂ ಅವೋಚ। ಏವಂ ಕಿರಸ್ಸ ಅಹೋಸಿ ‘‘ಪರಸ್ಸ ನಾಮ ಗಾಹಂ ಮೋಚೇತ್ವಾ ಪಠಮಂ ವತ್ತುಂ ಗರು। ಪರಸ್ಸ ವಚನಂ ಅನುಗನ್ತ್ವಾ ಪನ ಪಚ್ಛಾ ಸುಖಂ ವತ್ತು’’ನ್ತಿ। ಪುಬ್ಬದೇವಾತಿ ದೇವಲೋಕೇ ಚಿರನಿವಾಸಿನೋ ಪುಬ್ಬಸಾಮಿಕಾ, ತುಮ್ಹಾಕಂ ತಾವ ಪವೇಣಿಆಗತಂ ಭಣಥಾತಿ । ಅದಣ್ಡಾವಚರಾತಿ ದಣ್ಡಾವಚರಣರಹಿತಾ, ದಣ್ಡಂ ವಾ ಸತ್ಥಂ ವಾ ಗಹೇತಬ್ಬನ್ತಿ ಏವಮೇತ್ಥ ನತ್ಥೀತಿ ಅತ್ಥೋ। ಪಞ್ಚಮಂ।
251. Pañcame asurindaṃ etadavocāti chekatāya etaṃ avoca. Evaṃ kirassa ahosi ‘‘parassa nāma gāhaṃ mocetvā paṭhamaṃ vattuṃ garu. Parassa vacanaṃ anugantvā pana pacchā sukhaṃ vattu’’nti. Pubbadevāti devaloke ciranivāsino pubbasāmikā, tumhākaṃ tāva paveṇiāgataṃ bhaṇathāti . Adaṇḍāvacarāti daṇḍāvacaraṇarahitā, daṇḍaṃ vā satthaṃ vā gahetabbanti evamettha natthīti attho. Pañcamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೫. ಸುಭಾಸಿತಜಯಸುತ್ತಂ • 5. Subhāsitajayasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೫. ಸುಭಾಸಿತಜಯಸುತ್ತವಣ್ಣನಾ • 5. Subhāsitajayasuttavaṇṇanā
