| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅. သုဘာသိတဇယသုတ္တဝဏ္ဏနာ
5. Subhāsitajayasuttavaṇṇanā
၂၅၁. ပဉ္စမေ အသုရိန္ဒံ ဧတဒဝောစာတိ ဆေကတာယ ဧတံ အဝောစ။ ဧဝံ ကိရသ္သ အဟောသိ ‘‘ပရသ္သ နာမ ဂာဟံ မောစေတ္ဝာ ပဌမံ ဝတ္တုံ ဂရု။ ပရသ္သ ဝစနံ အနုဂန္တ္ဝာ ပန ပစ္ဆာ သုခံ ဝတ္တု’’န္တိ။ ပုဗ္ဗဒေဝာတိ ဒေဝလောကေ စိရနိဝာသိနော ပုဗ္ဗသာမိကာ, တုမ္ဟာကံ တာဝ ပဝေဏိအာဂတံ ဘဏထာတိ ။ အဒဏ္ဍာဝစရာတိ ဒဏ္ဍာဝစရဏရဟိတာ, ဒဏ္ဍံ ဝာ သတ္ထံ ဝာ ဂဟေတဗ္ဗန္တိ ဧဝမေတ္ထ နတ္ထီတိ အတ္ထော။ ပဉ္စမံ။
251. Pañcame asurindaṃ etadavocāti chekatāya etaṃ avoca. Evaṃ kirassa ahosi ‘‘parassa nāma gāhaṃ mocetvā paṭhamaṃ vattuṃ garu. Parassa vacanaṃ anugantvā pana pacchā sukhaṃ vattu’’nti. Pubbadevāti devaloke ciranivāsino pubbasāmikā, tumhākaṃ tāva paveṇiāgataṃ bhaṇathāti . Adaṇḍāvacarāti daṇḍāvacaraṇarahitā, daṇḍaṃ vā satthaṃ vā gahetabbanti evamettha natthīti attho. Pañcamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. သုဘာသိတဇယသုတ္တံ • 5. Subhāsitajayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. သုဘာသိတဇယသုတ္တဝဏ္ဏနာ • 5. Subhāsitajayasuttavaṇṇanā
