| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૭. સોપ્પસુત્તવણ્ણના
7. Soppasuttavaṇṇanā
૧૭. સત્તમે પટિસલ્લાના વુટ્ઠિતોતિ એકીભાવાય ધમ્મનિજ્ઝાનક્ખન્તિતો ફલસમાપત્તિવિહારતો વુટ્ઠિતો. યથાવિહારન્તિ અત્તનો અત્તનો વસનવિહારં. નવાતિ પબ્બજ્જાય નવકા. તે પઞ્ચસતમત્તા અહેસું. કાકચ્છમાનાતિ કાકસદ્દં કરોન્તા દન્તે ખાદન્તા. થેરાતિ થિરભાવં પત્તા. તેન નોતિ તેન નુ. સેય્યસુખાદીનિ હેટ્ઠા વુત્તત્થાનેવ. રટ્ઠિકોતિ યો રટ્ઠં ભુઞ્જતિ. પેત્તણિકોતિ યો પિતરા ભુત્તાનુભુત્તં ભુઞ્જતિ. સેનાપતિકોતિ સેનાય જેટ્ઠકો. ગામગામણિકોતિ ગામભોજકો. પૂગગામણિકોતિ ગણજેટ્ઠકો. અવિપસ્સકો કુસલાનં ધમ્માનન્તિ કુસલાનં ધમ્માનં અનેસકો અગવેસકો હુત્વા. બોધિપક્ખિયાનં ધમ્માનન્તિ સત્તતિંસાય બોધિપક્ખિયધમ્માનં.
17. Sattame paṭisallānā vuṭṭhitoti ekībhāvāya dhammanijjhānakkhantito phalasamāpattivihārato vuṭṭhito. Yathāvihāranti attano attano vasanavihāraṃ. Navāti pabbajjāya navakā. Te pañcasatamattā ahesuṃ. Kākacchamānāti kākasaddaṃ karontā dante khādantā. Therāti thirabhāvaṃ pattā. Tena noti tena nu. Seyyasukhādīni heṭṭhā vuttatthāneva. Raṭṭhikoti yo raṭṭhaṃ bhuñjati. Pettaṇikoti yo pitarā bhuttānubhuttaṃ bhuñjati. Senāpatikoti senāya jeṭṭhako. Gāmagāmaṇikoti gāmabhojako. Pūgagāmaṇikoti gaṇajeṭṭhako. Avipassakokusalānaṃ dhammānanti kusalānaṃ dhammānaṃ anesako agavesako hutvā. Bodhipakkhiyānaṃ dhammānanti sattatiṃsāya bodhipakkhiyadhammānaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૭. સોપ્પસુત્તં • 7. Soppasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭. સોપ્પસુત્તવણ્ણના • 7. Soppasuttavaṇṇanā
