| Library / Tipiṭaka / तिपिटक • Tipiṭaka / थेरगाथापाळि • Theragāthāpāḷi |
४. सोपाकत्थेरगाथा
4. Sopākattheragāthā
४८०.
480.
‘‘दिस्वा पासादछायायं, चङ्कमन्तं नरुत्तमं।
‘‘Disvā pāsādachāyāyaṃ, caṅkamantaṃ naruttamaṃ;
४८१.
481.
‘‘एकंसं चीवरं कत्वा, संहरित्वान पाणयो।
‘‘Ekaṃsaṃ cīvaraṃ katvā, saṃharitvāna pāṇayo;
अनुचङ्कमिस्सं विरजं, सब्बसत्तानमुत्तमं॥
Anucaṅkamissaṃ virajaṃ, sabbasattānamuttamaṃ.
४८२.
482.
‘‘ततो पञ्हे अपुच्छि मं, पञ्हानं कोविदो विदू।
‘‘Tato pañhe apucchi maṃ, pañhānaṃ kovido vidū;
अच्छम्भी च अभीतो च, ब्याकासिं सत्थुनो अहं॥
Acchambhī ca abhīto ca, byākāsiṃ satthuno ahaṃ.
४८३.
483.
‘‘विस्सज्जितेसु पञ्हेसु, अनुमोदि तथागतो।
‘‘Vissajjitesu pañhesu, anumodi tathāgato;
भिक्खुसङ्घं विलोकेत्वा, इममत्थं अभासथ’’॥
Bhikkhusaṅghaṃ viloketvā, imamatthaṃ abhāsatha’’.
४८४.
484.
‘‘लाभा अङ्गानं मगधानं, येसायं परिभुञ्जति।
‘‘Lābhā aṅgānaṃ magadhānaṃ, yesāyaṃ paribhuñjati;
चीवरं पिण्डपातञ्च, पच्चयं सयनासनं।
Cīvaraṃ piṇḍapātañca, paccayaṃ sayanāsanaṃ;
पच्चुट्ठानञ्च सामीचिं, तेसं लाभा’’ति चाब्रवि॥
Paccuṭṭhānañca sāmīciṃ, tesaṃ lābhā’’ti cābravi.
४८५.
485.
‘‘अज्जतग्गे मं सोपाक, दस्सनायोपसङ्कम।
‘‘Ajjatagge maṃ sopāka, dassanāyopasaṅkama;
एसा चेव ते सोपाक, भवतु उपसम्पदा’’॥
Esā ceva te sopāka, bhavatu upasampadā’’.
४८६.
486.
‘‘जातिया सत्तवस्सोहं, लद्धान उपसम्पदं।
‘‘Jātiyā sattavassohaṃ, laddhāna upasampadaṃ;
धारेमि अन्तिमं देहं, अहो धम्मसुधम्मता’’ति॥
Dhāremi antimaṃ dehaṃ, aho dhammasudhammatā’’ti.
… सोपाको थेरो…।
… Sopāko thero….
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरगाथा-अट्ठकथा • Theragāthā-aṭṭhakathā / ४. सोपाकत्थेरगाथावण्णना • 4. Sopākattheragāthāvaṇṇanā
