| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೫. ಸೋಣಪಣ್ಡಿತಚರಿಯಾ
5. Soṇapaṇḍitacariyā
೪೨.
42.
‘‘ಪುನಾಪರಂ ಯದಾ ಹೋಮಿ, ನಗರೇ ಬ್ರಹ್ಮವಡ್ಢನೇ।
‘‘Punāparaṃ yadā homi, nagare brahmavaḍḍhane;
ತತ್ಥ ಕುಲವರೇ ಸೇಟ್ಠೇ, ಮಹಾಸಾಲೇ ಅಜಾಯಹಂ॥
Tattha kulavare seṭṭhe, mahāsāle ajāyahaṃ.
೪೩.
43.
‘‘ತದಾಪಿ ಲೋಕಂ ದಿಸ್ವಾನ, ಅನ್ಧೀಭೂತಂ ತಮೋತ್ಥಟಂ।
‘‘Tadāpi lokaṃ disvāna, andhībhūtaṃ tamotthaṭaṃ;
ಚಿತ್ತಂ ಭವತೋ ಪತಿಕುಟತಿ, ತುತ್ತವೇಗಹತಂ ವಿಯ॥
Cittaṃ bhavato patikuṭati, tuttavegahataṃ viya.
೪೪.
44.
‘‘ದಿಸ್ವಾನ ವಿವಿಧಂ ಪಾಪಂ, ಏವಂ ಚಿನ್ತೇಸಹಂ ತದಾ।
‘‘Disvāna vividhaṃ pāpaṃ, evaṃ cintesahaṃ tadā;
‘ಕದಾಹಂ ಗೇಹಾ ನಿಕ್ಖಮ್ಮ, ಪವಿಸಿಸ್ಸಾಮಿ ಕಾನನಂ’॥
‘Kadāhaṃ gehā nikkhamma, pavisissāmi kānanaṃ’.
೪೫.
45.
‘‘ತದಾಪಿ ಮಂ ನಿಮನ್ತೇಸುಂ, ಕಾಮಭೋಗೇಹಿ ಞಾತಯೋ।
‘‘Tadāpi maṃ nimantesuṃ, kāmabhogehi ñātayo;
ತೇಸಮ್ಪಿ ಛನ್ದಮಾಚಿಕ್ಖಿಂ, ‘ಮಾ ನಿಮನ್ತೇಥ ತೇಹಿ ಮಂ’॥
Tesampi chandamācikkhiṃ, ‘mā nimantetha tehi maṃ’.
೪೬.
46.
‘‘ಯೋ ಮೇ ಕನಿಟ್ಠಕೋ ಭಾತಾ, ನನ್ದೋ ನಾಮಾಸಿ ಪಣ್ಡಿತೋ।
‘‘Yo me kaniṭṭhako bhātā, nando nāmāsi paṇḍito;
ಸೋಪಿ ಮಂ ಅನುಸಿಕ್ಖನ್ತೋ, ಪಬ್ಬಜ್ಜಂ ಸಮರೋಚಯಿ॥
Sopi maṃ anusikkhanto, pabbajjaṃ samarocayi.
೪೭.
47.
‘‘ಅಹಂ ಸೋಣೋ ಚ ನನ್ದೋ ಚ, ಉಭೋ ಮಾತಾಪಿತಾ ಮಮ।
‘‘Ahaṃ soṇo ca nando ca, ubho mātāpitā mama;
ತದಾಪಿ ಭೋಗೇ ಛಡ್ಡೇತ್ವಾ, ಪಾವಿಸಿಮ್ಹಾ ಮಹಾವನ’’ನ್ತಿ॥
Tadāpi bhoge chaḍḍetvā, pāvisimhā mahāvana’’nti.
ಸೋಣಪಣ್ಡಿತಚರಿಯಂ ಪಞ್ಚಮಂ।
Soṇapaṇḍitacariyaṃ pañcamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೫. ಸೋಣಪಣ್ಡಿತಚರಿಯಾವಣ್ಣನಾ • 5. Soṇapaṇḍitacariyāvaṇṇanā
