| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃-၉. သောဏကာယနသုတ္တာဒိဝဏ္ဏနာ
3-9. Soṇakāyanasuttādivaṇṇanā
၂၃၄-၂၄၀. တတိယေ ပုရိမာနိ, ဘန္တေ, ဒိဝသာနိ ပုရိမတရာနီတိ ဧတ္ထ ဟိယ္ယော ဒိဝသံ ပုရိမံ နာမ, တတော ပရံ ပုရိမတရန္တိ အာဟ ‘‘အတီတာနန္တရဒိဝသတော ပဋ္ဌာယာ’’တိအာဒိ။ ဣတိ ဣမေသု ဒ္ဝီသု ပဝတ္တိတော ယထာက္ကမံ ပုရိမပုရိမတရဘာဝော ဒသ္သိတော။ ဧဝံ သန္တေပိ ယဒေတ္ထ ‘‘ပုရိမတရ’’န္တိ ဝုတ္တံ, တတော ပဘုတိ ယံ ယံ ဩရံ, တံ တံ ပုရိမံ။ ယံ ယံ ပရံ, တံ တံ ပုရိမတရံ ဩရပာရဘာဝသ္သ ဝိယ ပုရိမတရဘာဝသ္သ စ အပေက္ခာသိဒ္ဓတ္တာ။ သေသံ ဝုတ္တနယမေဝ။ စတုတ္ထာဒီနိ ဥတ္တာနတ္ထာနေဝ။
234-240. Tatiye purimāni, bhante, divasāni purimatarānīti ettha hiyyo divasaṃ purimaṃ nāma, tato paraṃ purimataranti āha ‘‘atītānantaradivasato paṭṭhāyā’’tiādi. Iti imesu dvīsu pavattito yathākkamaṃ purimapurimatarabhāvo dassito. Evaṃ santepi yadettha ‘‘purimatara’’nti vuttaṃ, tato pabhuti yaṃ yaṃ oraṃ, taṃ taṃ purimaṃ. Yaṃ yaṃ paraṃ, taṃ taṃ purimataraṃ orapārabhāvassa viya purimatarabhāvassa ca apekkhāsiddhattā. Sesaṃ vuttanayameva. Catutthādīni uttānatthāneva.
သောဏကာယနသုတ္တာဒိဝဏ္ဏနာ နိဋ္ဌိတာ။
Soṇakāyanasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၃. သောဏကာယနသုတ္တံ • 3. Soṇakāyanasuttaṃ
၄. ပဌမသိက္ခာပဒသုတ္တံ • 4. Paṭhamasikkhāpadasuttaṃ
၅. ဒုတိယသိက္ခာပဒသုတ္တံ • 5. Dutiyasikkhāpadasuttaṃ
၆. အရိယမဂ္ဂသုတ္တံ • 6. Ariyamaggasuttaṃ
၇. ဗောဇ္ဈင္ဂသုတ္တံ • 7. Bojjhaṅgasuttaṃ
၈. သာဝဇ္ဇသုတ္တံ • 8. Sāvajjasuttaṃ
၉. အဗ္ယာဗဇ္ဈသုတ္တံ • 9. Abyābajjhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၃. သောဏကာယနသုတ္တဝဏ္ဏနာ • 3. Soṇakāyanasuttavaṇṇanā
၄-၉. သိက္ခာပဒသုတ္တာဒိဝဏ္ဏနာ • 4-9. Sikkhāpadasuttādivaṇṇanā
