| Library / Tipiṭaka / ติปิฎก • Tipiṭaka / เถรีคาถาปาฬิ • Therīgāthāpāḷi |
๘. โสมาเถรีคาถา
8. Somātherīgāthā
๖๐.
60.
‘‘ยํ ตํ อิสีหิ ปตฺตพฺพํ, ฐานํ ทุรภิสมฺภวํ;
‘‘Yaṃ taṃ isīhi pattabbaṃ, ṭhānaṃ durabhisambhavaṃ;
น ตํ ทฺวงฺคุลปญฺญาย, สกฺกา ปโปฺปตุมิตฺถิยา’’ฯ
Na taṃ dvaṅgulapaññāya, sakkā pappotumitthiyā’’.
๖๑.
61.
‘‘อิตฺถิภาโว โน กิํ กยิรา, จิตฺตมฺหิ สุสมาหิเต;
‘‘Itthibhāvo no kiṃ kayirā, cittamhi susamāhite;
ญาณมฺหิ วตฺตมานมฺหิ, สมฺมา ธมฺมํ วิปสฺสโตฯ
Ñāṇamhi vattamānamhi, sammā dhammaṃ vipassato.
๖๒.
62.
‘‘สพฺพตฺถ วิหตา นนฺที, ตโมขโนฺธ ปทาลิโต;
‘‘Sabbattha vihatā nandī, tamokhandho padālito;
เอวํ ชานาหิ ปาปิม, นิหโต ตฺวมสิ อนฺตกา’’ติฯ
Evaṃ jānāhi pāpima, nihato tvamasi antakā’’ti.
… โสมา เถรี…ฯ
… Somā therī….
ติกนิปาโต นิฎฺฐิโตฯ
Tikanipāto niṭṭhito.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรีคาถา-อฎฺฐกถา • Therīgāthā-aṭṭhakathā / ๘. โสมาเถรีคาถาวณฺณนา • 8. Somātherīgāthāvaṇṇanā
