| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਸੋਮਾਸੁਤ੍ਤવਣ੍ਣਨਾ
2. Somāsuttavaṇṇanā
੧੬੩. ਦੁਤਿਯੇ ਠਾਨਨ੍ਤਿ ਅਰਹਤ੍ਤਂ। ਦੁਰਭਿਸਮ੍ਭવਨ੍ਤਿ ਦੁਪ੍ਪਸਹਂ। ਦ੍વਙ੍ਗੁਲਪਞ੍ਞਾਯਾਤਿ ਪਰਿਤ੍ਤਪਞ੍ਞਾਯ। ਯਸ੍ਮਾ વਾ ਦ੍વੀਹਿ ਅਙ੍ਗੁਲੇਹਿ ਕਪ੍ਪਾਸવਟ੍ਟਿਂ ਗਹੇਤ੍વਾ ਸੁਤ੍ਤਂ ਕਨ੍ਤਨ੍ਤਿ, ਤਸ੍ਮਾ ਇਤ੍ਥੀ ‘‘ਦ੍વਙ੍ਗੁਲਪਞ੍ਞਾ’’ਤਿ વੁਚ੍ਚਤਿ। ਞਾਣਮ੍ਹਿ વਤ੍ਤਮਾਨਮ੍ਹੀਤਿ ਫਲਸਮਾਪਤ੍ਤਿਞਾਣੇ ਪવਤ੍ਤਮਾਨੇ। ਧਮ੍ਮਂ વਿਪਸ੍ਸਤੋਤਿ ਚਤੁਸਚ੍ਚਧਮ੍ਮਂ વਿਪਸ੍ਸਨ੍ਤਸ੍ਸ, ਪੁਬ੍ਬਭਾਗੇ વਾ વਿਪਸ੍ਸਨਾਯ ਆਰਮ੍ਮਣਭੂਤਂ ਖਨ੍ਧਪਞ੍ਚਕਮੇવ। ਕਿਞ੍ਚਿ વਾ ਪਨ ਅਞ੍ਞਸ੍ਮੀਤਿ ਅਞ੍ਞਂ વਾ ਕਿਞ੍ਚਿ ‘‘ਅਹਂ ਅਸ੍ਮੀ’’ਤਿ ਤਣ੍ਹਾਮਾਨਦਿਟ੍ਠਿવਸੇਨ ਯਸ੍ਸ ਸਿਯਾ। ਦੁਤਿਯਂ।
163. Dutiye ṭhānanti arahattaṃ. Durabhisambhavanti duppasahaṃ. Dvaṅgulapaññāyāti parittapaññāya. Yasmā vā dvīhi aṅgulehi kappāsavaṭṭiṃ gahetvā suttaṃ kantanti, tasmā itthī ‘‘dvaṅgulapaññā’’ti vuccati. Ñāṇamhi vattamānamhīti phalasamāpattiñāṇe pavattamāne. Dhammaṃ vipassatoti catusaccadhammaṃ vipassantassa, pubbabhāge vā vipassanāya ārammaṇabhūtaṃ khandhapañcakameva. Kiñci vā pana aññasmīti aññaṃ vā kiñci ‘‘ahaṃ asmī’’ti taṇhāmānadiṭṭhivasena yassa siyā. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਸੋਮਾਸੁਤ੍ਤਂ • 2. Somāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਸੋਮਾਸੁਤ੍ਤવਣ੍ਣਨਾ • 2. Somāsuttavaṇṇanā
