| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២. សោមាសុត្តវណ្ណនា
2. Somāsuttavaṇṇanā
១៦៣. ទុតិយេ ឋានន្តិ អរហត្តំ។ ទុរភិសម្ភវន្តិ ទុប្បសហំ។ ទ្វង្គុលបញ្ញាយាតិ បរិត្តបញ្ញាយ។ យស្មា វា ទ្វីហិ អង្គុលេហិ កប្បាសវដ្ដិំ គហេត្វា សុត្តំ កន្តន្តិ, តស្មា ឥត្ថី ‘‘ទ្វង្គុលបញ្ញា’’តិ វុច្ចតិ។ ញាណម្ហិ វត្តមានម្ហីតិ ផលសមាបត្តិញាណេ បវត្តមានេ។ ធម្មំ វិបស្សតោតិ ចតុសច្ចធម្មំ វិបស្សន្តស្ស, បុព្ពភាគេ វា វិបស្សនាយ អារម្មណភូតំ ខន្ធបញ្ចកមេវ។ កិញ្ចិ វា បន អញ្ញស្មីតិ អញ្ញំ វា កិញ្ចិ ‘‘អហំ អស្មី’’តិ តណ្ហាមានទិដ្ឋិវសេន យស្ស សិយា។ ទុតិយំ។
163. Dutiye ṭhānanti arahattaṃ. Durabhisambhavanti duppasahaṃ. Dvaṅgulapaññāyāti parittapaññāya. Yasmā vā dvīhi aṅgulehi kappāsavaṭṭiṃ gahetvā suttaṃ kantanti, tasmā itthī ‘‘dvaṅgulapaññā’’ti vuccati. Ñāṇamhi vattamānamhīti phalasamāpattiñāṇe pavattamāne. Dhammaṃ vipassatoti catusaccadhammaṃ vipassantassa, pubbabhāge vā vipassanāya ārammaṇabhūtaṃ khandhapañcakameva. Kiñci vā pana aññasmīti aññaṃ vā kiñci ‘‘ahaṃ asmī’’ti taṇhāmānadiṭṭhivasena yassa siyā. Dutiyaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. សោមាសុត្តំ • 2. Somāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២. សោមាសុត្តវណ្ណនា • 2. Somāsuttavaṇṇanā
