| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
505. ஸோமனஸ்ஸஜாதகங் (9)
505. Somanassajātakaṃ (9)
211.
211.
கோ தங் ஹிங்ஸதி ஹேடே²தி, கிங் 1 து³ம்மனோ ஸோசஸி அப்பதீதோ;
Ko taṃ hiṃsati heṭheti, kiṃ 2 dummano socasi appatīto;
கஸ்ஸஜ்ஜ மாதாபிதரோ ருத³ந்து, க்வஜ்ஜ ஸேது 3 நிஹதோ பத²ப்³யா.
Kassajja mātāpitaro rudantu, kvajja setu 4 nihato pathabyā.
212.
212.
துட்டொ²ஸ்மி தே³வ தவ த³ஸ்ஸனேன, சிரஸ்ஸங் பஸ்ஸாமி தங் பூ⁴மிபால;
Tuṭṭhosmi deva tava dassanena, cirassaṃ passāmi taṃ bhūmipāla;
அஹிங்ஸகோ ரேணுமனுப்பவிஸ்ஸ, புத்தேன தே ஹேட²யிதொஸ்மி 5 தே³வ.
Ahiṃsako reṇumanuppavissa, puttena te heṭhayitosmi 6 deva.
213.
213.
ஹந்த்வான தங் ஸோமனஸ்ஸங் குமாரங், செ²த்வான ஸீஸங் வரமாஹரந்து.
Hantvāna taṃ somanassaṃ kumāraṃ, chetvāna sīsaṃ varamāharantu.
214.
214.
பேஸிதா ராஜினோ தூ³தா, குமாரங் ஏதத³ப்³ரவுங்;
Pesitā rājino dūtā, kumāraṃ etadabravuṃ;
இஸ்ஸரேன விதிண்ணோஸி, வத⁴ங் பத்தோஸி க²த்திய.
Issarena vitiṇṇosi, vadhaṃ pattosi khattiya.
215.
215.
ஸ ராஜபுத்தோ பரிதே³வயந்தோ, த³ஸங்கு³லிங் அஞ்ஜலிங் பக்³க³ஹெத்வா;
Sa rājaputto paridevayanto, dasaṅguliṃ añjaliṃ paggahetvā;
அஹம்பி இச்சா²மி ஜனிந்த³ த³ட்டு²ங், ஜீவங் மங் நெத்வா 11 படித³ஸ்ஸயேத².
Ahampi icchāmi janinda daṭṭhuṃ, jīvaṃ maṃ netvā 12 paṭidassayetha.
216.
216.
தஸ்ஸ தங் வசனங் ஸுத்வா, ரஞ்ஞோ புத்தங் அத³ஸ்ஸயுங்;
Tassa taṃ vacanaṃ sutvā, rañño puttaṃ adassayuṃ;
புத்தோ ச பிதரங் தி³ஸ்வா, தூ³ரதோவஜ்ஜ²பா⁴ஸத².
Putto ca pitaraṃ disvā, dūratovajjhabhāsatha.
217.
217.
ஆக³ச்சு²ங் 13 தோ³வாரிகா க²க்³க³ப³ந்தா⁴, காஸாவியா ஹந்து மமங் ஜனிந்த³;
Āgacchuṃ 14 dovārikā khaggabandhā, kāsāviyā hantu mamaṃ janinda;
அக்கா²ஹி மே புச்சி²தோ ஏதமத்த²ங், அபராதோ⁴ கோ நித⁴ மமஜ்ஜ அத்தி².
Akkhāhi me pucchito etamatthaṃ, aparādho ko nidha mamajja atthi.
218.
218.
ஸாயஞ்ச பாதோ உத³கங் ஸஜாதி, அக்³கி³ங் ஸதா³ பாரிசரதப்பமத்தோ;
Sāyañca pāto udakaṃ sajāti, aggiṃ sadā pāricaratappamatto;
தங் தாதி³ஸங் ஸங்யதங் ப்³ரஹ்மசாரிங், கஸ்மா துவங் ப்³ரூஸி க³ஹப்பதீதி.
Taṃ tādisaṃ saṃyataṃ brahmacāriṃ, kasmā tuvaṃ brūsi gahappatīti.
219.
219.
தாலா ச மூலா ச ப²லா ச தே³வ, பரிக்³க³ஹா விவிதா⁴ ஸந்திமஸ்ஸ;
Tālā ca mūlā ca phalā ca deva, pariggahā vividhā santimassa;
220.
220.
ஸச்சங் கோ² ஏதங் வத³ஸி குமார, பரிக்³க³ஹா விவிதா⁴ ஸந்திமஸ்ஸ;
Saccaṃ kho etaṃ vadasi kumāra, pariggahā vividhā santimassa;
தே ரக்க²தி கோ³பயதப்பமத்தோ, ஸ 19 ப்³ராஹ்மணோ க³ஹபதி தேன ஹோதி.
Te rakkhati gopayatappamatto, sa 20 brāhmaṇo gahapati tena hoti.
221.
221.
ஸுணந்து மய்ஹங் பரிஸா ஸமாக³தா, ஸனேக³மா ஜானபதா³ ச ஸப்³பே³;
Suṇantu mayhaṃ parisā samāgatā, sanegamā jānapadā ca sabbe;
பா³லாயங் பா³லஸ்ஸ வசோ நிஸம்ம, அஹேதுனா கா⁴தயதே மங் 21 ஜனிந்தோ³.
Bālāyaṃ bālassa vaco nisamma, ahetunā ghātayate maṃ 22 janindo.
222.
222.
த³ள்ஹஸ்மி மூலே விஸடே விரூள்ஹே, து³ன்னிக்கயோ வேளு பஸாக²ஜாதோ;
Daḷhasmi mūle visaṭe virūḷhe, dunnikkayo veḷu pasākhajāto;
வந்தா³மி பாதா³னி தவ 23 ஜனிந்த³, அனுஜான மங் பப்³ப³ஜிஸ்ஸாமி தே³வ.
Vandāmi pādāni tava 24 janinda, anujāna maṃ pabbajissāmi deva.
223.
223.
பு⁴ஞ்ஜஸ்ஸு போ⁴கே³ விபுலே குமார, ஸப்³ப³ஞ்ச தே இஸ்ஸரியங் த³தா³மி;
Bhuñjassu bhoge vipule kumāra, sabbañca te issariyaṃ dadāmi;
அஜ்ஜேவ த்வங் குரூனங் ஹோஹி ராஜா, மா பப்³ப³ஜீ பப்³ப³ஜ்ஜா ஹி து³க்கா².
Ajjeva tvaṃ kurūnaṃ hohi rājā, mā pabbajī pabbajjā hi dukkhā.
224.
224.
கின்னூத⁴ தே³வ தவமத்தி² போ⁴கா³, புப்³பே³வஹங் 25 தே³வலோகே ரமிஸ்ஸங்;
Kinnūdha deva tavamatthi bhogā, pubbevahaṃ 26 devaloke ramissaṃ;
ரூபேஹி ஸத்³தே³ஹி அதோ² ரஸேஹி, க³ந்தே⁴ஹி ப²ஸ்ஸேஹி மனோரமேஹி.
Rūpehi saddehi atho rasehi, gandhehi phassehi manoramehi.
225.
225.
துவஞ்ச 33 பா³லங் பரனெய்யங் விதி³த்வா, ந தாதி³ஸே ராஜகுலே வஸெய்யங்.
Tuvañca 34 bālaṃ paraneyyaṃ viditvā, na tādise rājakule vaseyyaṃ.
226.
226.
ஸசாஹங் பா³லோ பரனெய்யோ அஸ்மி, ஏகாபராத⁴ங் 35 க²ம புத்த மய்ஹங்;
Sacāhaṃ bālo paraneyyo asmi, ekāparādhaṃ 36 khama putta mayhaṃ;
புனபி சே ஏதி³ஸகங் ப⁴வெய்ய, யதா²மதிங் ஸோமனஸ்ஸ கரோஹி.
Punapi ce edisakaṃ bhaveyya, yathāmatiṃ somanassa karohi.
227.
227.
அனிஸம்ம கதங் கம்மங், அனவத்தா²ய சிந்திதங்;
Anisamma kataṃ kammaṃ, anavatthāya cintitaṃ;
பே⁴ஸஜ்ஜஸ்ஸேவ வேப⁴ங்கோ³, விபாகோ ஹோதி பாபகோ.
Bhesajjasseva vebhaṅgo, vipāko hoti pāpako.
228.
228.
நிஸம்ம ச கதங் கம்மங், ஸம்மாவத்தா²ய சிந்திதங்;
Nisamma ca kataṃ kammaṃ, sammāvatthāya cintitaṃ;
பே⁴ஸஜ்ஜஸ்ஸேவ ஸம்பத்தி, விபாகோ ஹோதி ப⁴த்³ரகோ.
Bhesajjasseva sampatti, vipāko hoti bhadrako.
229.
229.
அலஸோ கி³ஹீ காமபோ⁴கீ³ ந ஸாது⁴, அஸஞ்ஞதோ பப்³ப³ஜிதோ ந ஸாது⁴;
Alaso gihī kāmabhogī na sādhu, asaññato pabbajito na sādhu;
ராஜா ந ஸாது⁴ அனிஸம்மகாரீ, யோ பண்டி³தோ கோத⁴னோ தங் ந ஸாது⁴.
Rājā na sādhu anisammakārī, yo paṇḍito kodhano taṃ na sādhu.
230.
230.
நிஸம்ம க²த்தியோ கயிரா, நானிஸம்ம தி³ஸம்பதி;
Nisamma khattiyo kayirā, nānisamma disampati;
நிஸம்மகாரினோ ராஜ, யஸோ கித்தி ச வட்³ட⁴தி.
Nisammakārino rāja, yaso kitti ca vaḍḍhati.
231.
231.
நிஸம்ம த³ண்ட³ங் பணயெய்ய இஸ்ஸரோ, வேகா³ கதங் தப்பதி பூ⁴மிபால;
Nisamma daṇḍaṃ paṇayeyya issaro, vegā kataṃ tappati bhūmipāla;
ஸம்மாபணீதீ⁴ ச நரஸ்ஸ அத்தா², அனானுதப்பா தே ப⁴வந்தி பச்சா².
Sammāpaṇīdhī ca narassa atthā, anānutappā te bhavanti pacchā.
232.
232.
அனானுதப்பானி ஹி யே கரொந்தி, விப⁴ஜ்ஜ கம்மாயதனானி லோகே;
Anānutappāni hi ye karonti, vibhajja kammāyatanāni loke;
விஞ்ஞுப்பஸத்தா²னி ஸுகு²த்³ரயானி, ப⁴வந்தி பு³த்³தா⁴னுமதானி 37 தானி.
Viññuppasatthāni sukhudrayāni, bhavanti buddhānumatāni 38 tāni.
233.
233.
ஆக³ச்சு²ங் தோ³வாரிகா க²க்³க³ப³ந்தா⁴, காஸாவியா ஹந்து மமங் ஜனிந்த³;
Āgacchuṃ dovārikā khaggabandhā, kāsāviyā hantu mamaṃ janinda;
மாதுஞ்ச 39 அங்கஸ்மிமஹங் நிஸின்னோ, ஆகட்³டி⁴தோ ஸஹஸா தேஹி தே³வ.
Mātuñca 40 aṅkasmimahaṃ nisinno, ākaḍḍhito sahasā tehi deva.
234.
234.
கடுகஞ்ஹி ஸம்பா³த⁴ங் ஸுகிச்ச²ங் 41 பத்தோ, மது⁴ரம்பி யங் ஜீவிதங் லத்³த⁴ ராஜ;
Kaṭukañhi sambādhaṃ sukicchaṃ 42 patto, madhurampi yaṃ jīvitaṃ laddha rāja;
கிச்சே²னஹங் அஜ்ஜ வதா⁴ பமுத்தோ, பப்³ப³ஜ்ஜமேவாபி⁴மனோஹமஸ்மி.
Kicchenahaṃ ajja vadhā pamutto, pabbajjamevābhimanohamasmi.
235.
235.
புத்தோ தவாயங் தருணோ ஸுத⁴ம்மே, அனுகம்பகோ ஸோமனஸ்ஸோ குமாரோ;
Putto tavāyaṃ taruṇo sudhamme, anukampako somanasso kumāro;
236.
236.
ரமஸ்ஸு பி⁴க்கா²சரியாய புத்த, நிஸம்ம த⁴ம்மேஸு பரிப்³ப³ஜஸ்ஸு;
Ramassu bhikkhācariyāya putta, nisamma dhammesu paribbajassu;
ஸப்³பே³ஸு பூ⁴தேஸு நிதா⁴ய த³ண்ட³ங், அனிந்தி³தோ ப்³ரஹ்மமுபேஹி டா²னங்.
Sabbesu bhūtesu nidhāya daṇḍaṃ, anindito brahmamupehi ṭhānaṃ.
237.
237.
அச்சே²ர 47 ரூபங் வத யாதி³ஸஞ்ச, து³க்கி²தங் மங் து³க்கா²பயஸே ஸுத⁴ம்மே;
Acchera 48 rūpaṃ vata yādisañca, dukkhitaṃ maṃ dukkhāpayase sudhamme;
யாசஸ்ஸு புத்தங் இதி வுச்சமானா, பி⁴ய்யோவ உஸ்ஸாஹயஸே குமாரங்.
Yācassu puttaṃ iti vuccamānā, bhiyyova ussāhayase kumāraṃ.
238.
238.
யே விப்பமுத்தா அனவஜ்ஜபோ⁴கி³னோ 49, பரினிப்³பு³தா லோகமிமங் சரந்தி;
Ye vippamuttā anavajjabhogino 50, parinibbutā lokamimaṃ caranti;
தமரியமக்³க³ங் படிபஜ்ஜமானங், ந உஸ்ஸஹே வாரயிதுங் குமாரங்.
Tamariyamaggaṃ paṭipajjamānaṃ, na ussahe vārayituṃ kumāraṃ.
239.
239.
அத்³தா⁴ ஹவே ஸேவிதப்³பா³ ஸபஞ்ஞா, ப³ஹுஸ்ஸுதா யே ப³ஹுடா²னசிந்தினோ;
Addhā have sevitabbā sapaññā, bahussutā ye bahuṭhānacintino;
யேஸாயங் ஸுத்வான ஸுபா⁴ஸிதானி, அப்பொஸ்ஸுக்கா வீதஸோகா ஸுத⁴ம்மாதி.
Yesāyaṃ sutvāna subhāsitāni, appossukkā vītasokā sudhammāti.
ஸோமனஸ்ஸஜாதகங் நவமங்.
Somanassajātakaṃ navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [505] 9. ஸோமனஸ்ஸஜாதகவண்ணனா • [505] 9. Somanassajātakavaṇṇanā
